永年士多 (寶城洋樓)

營業中

休息中

永年車仔麵，長期門口都排有人龍 ，翻新後開業時間長咗，人龍人相對少咗，平均十五分鐘，就可以取餐享用。三餸車仔麵加吓加吓已經加到32蚊，最出名嘅餸，定係豬腸，可以話係must嗌。我從來都唔食豬大腸，但永年嘅豬腸絕對係好出色，無酥味，肥美，夠入味，試過一次後係會掛住的。蘿白，永遠都係太甜，果種甜明顯係人造出黎。鹵水雞翼，同樣係出名，夠入味，鹵水味獨特。至於腐竹，紫菜，全屬於索湯嘅餸。個人口味甜，對於永年湯底百吃不厭，但亦屬個人口味，有朋友試過後會覺得太甜好怪。至於一定唔少得嘅個個辣汁，千萬唔好睇少，辣汁係相當之辣，唔食得辣嘅朋友小辣也嫌辣，但好辣的我，叫大辣，越食越過癮。