更多
2012-06-19
171 瀏覽
因為工作關係, 要經常出入元朗加州花園. 去過果頭既都應該知附近無咩好食啦. 好彩之後開0左呢間餐廳, 而家差唔多入親去加州花園都係黎呢間餐廳食飯. 第一次入去感覺都幾好, 裝修四正, 空間夠大夠好坐, 仲有加州花園 D 園藝點綴下, 成個 feel 好悠閒. 天花掛左幾支水晶燈, 夜晚開左燈應該會幾好氣氛. 好, 入正題. 點完餐黎個熱辣辣麵包已經有個好印象, 之後既沙律蔬菜夠新鮮, 加左幾舊芒果好醒胃, 喂呢D先係沙律嘛, 睇見都覺得健康. 有D餐廳既沙律溶溶爛爛都唔知食唔食好.....食過咁多餐最滿意都係呢個焗香蕉石斑薯茸配白汁, 自己好少食 d 用香蕉整既菜, 原來蕉加石斑都幾好味, 蕉既甜+石斑夠滑, 襯埋個白汁味道一流, 薯茸份量又o岩o岩好, 食得好滿足.呢個係同事點既唔知乜野魚, 賣相夠精緻, 味道佢話唔差喎.另一次去食 Tea 叫左個煙三文魚公司治, 蔬菜新鮮, 無乜投訴.唔記得叫咩朱古力咩咖啡沙冰咁上下, 教得幾好味, 天時暑熱飲一流.總結, 本來入得黎加州花園都諗住無乜好野落肚, 點知又開左間地方舒適食物唔差又幾有誠意既餐廳, 環境清休, 新餐廳衛生都無乜挑剔,
張貼