土耳其風格 (已結業)

已經幫襯過兩次，再次黎係因為個烤雞卷，嫩口非常！餐廳環境乾淨，眼見廚房同店面有其他種族既朋友但唔知係唔係土耳其人呢！今次試埋蝦咖哩，芝士烤餅，牛油烤餅點黎食，樣樣配搭都好夾好香口，不過就好快飽！其實呢間餐廳最大吸引之處係個烤雞卷！肉質嫩口帶肉汁，加埋佢地既醬汁蔬菜真係好夾，大大件皮又薄！最好一式切兩份！咬落大大啖先滋味！其餘佢地既飯同小食個人覺得不過不失！同雞卷有較大落差，所以先有小小失望！