更多
2010-07-17
63 瀏覽
一向無寫食評既習慣,不過今次真係唔寫唔得話說今日同家人&外婆飲茶,外婆話呢度方便泊車,咁就黎呢度上到去,居然大把位,星期六LUNCH喎!第一樣點心係白齋腸,無俾甜醬,咁我地問阿姐攞啦,問題出現啦,我地其中3人加埋起碼叫左其中2個侍應8次甚至更多,但係居然完全無人理我地,佢地係好明顯聽到,但係連應都唔應一聲,佢地個樣仲要好似父仇未報咁,真係火到黎埋.講食物:白齋腸可以接受,雖然明顯唔係即拉,不過都OK滑馬拉糕都算軟熟山竹牛肉無肉味,似食緊麵粉福建炒飯,四個字,不知所謂,D汁一大攤但無味,似食緊汁撈白飯到最後埋單,出面招牌大大隻字寫住免費泊車,但埋單問收銀佢居然話無左好耐,話個招牌就拆就拆,我睇你間舖幾時俾人拆!!可惜全家都响度,無同佢嘈,而家諗起都幾後悔,我真係希望佢快D執笠,唔好再响度害人害物
話說今日同家人&外婆飲茶,外婆話呢度方便泊車,咁就黎呢度
上到去,居然大把位,星期六LUNCH喎!
第一樣點心係白齋腸,無俾甜醬,咁我地問阿姐攞啦,問題出現啦,我地其中3人加埋起碼叫左其中2個侍應8次甚至更多,但係居然完全無人理我地,佢地係好明顯聽到,但係連應都唔應一聲,佢地個樣仲要好似父仇未報咁,真係火到黎埋.
講食物:
白齋腸可以接受,雖然明顯唔係即拉,不過都OK滑
馬拉糕都算軟熟
山竹牛肉無肉味,似食緊麵粉
福建炒飯,四個字,不知所謂,D汁一大攤但無味,似食緊汁撈白飯
到最後埋單,出面招牌大大隻字寫住免費泊車,但埋單問收銀佢居然話無左好耐,話個招牌就拆就拆,我睇你間舖幾時俾人拆!!
可惜全家都响度,無同佢嘈,而家諗起都幾後悔,我真係希望佢快D執笠,唔好再响度害人害物
張貼