更多
2014-10-14
2445 瀏覽
哩間餐廳真係好似一個世外桃源 就咁係門口行過 你唔會覺得哩度有間餐廳. 餐廳係間教堂入面 入去要經過一條長走廊 感覺又添加一份神秘. 哩度係自助形式 自己換位 自己落單 走就自己擺錢係枱面. 哩度有lunch set 都係D普通意粉,飯 通常來到都係食cake同飲野 哩度好舒服 好好hea. 飲左兩杯野 一杯係熱朱古力 哩杯唔似茶餐廳果D開粉沖嘅 飲得出好綿好濃, 熱就更加會香 成個感覺好溫暖 (: 另外叫左杯花茶 哩度個感覺好與世無爭 好岩飲花茶 無記錯應該係洛神花茶, 一入口甘香, 有淡淡嘅甜味, 好清新 好似飲完個人會健康左xd 亦都希食過哩度嘅cake 最好食就係朱古力蛋糕! 你好實淨好rich好濃果種朱古力蛋糕 唔會太甜 會有番朱古力苦苦地果種味道. 仲有最特別就係紅蘿蔔蛋糕 友人叫過我試過一啖 我覺得唔太討好 好似有陣草青味係個蛋糕度, 不過整體都好鍾意哩間餐廳^^
張貼
