更多
2014-06-21
1449 瀏覽
今日夜晚十點揸車出佐敦搵野食，去到白加士街啱啱好有位泊車，一落車就正正係依間四年無食過既老牌麵店門口，就決定入去食之前仲係面書打卡，入到去就坐低，一個年輕朋友覆我既面書話依間野晤好食，咁就更加要試下，一間唔好食既麵檔有咩法寶可以生存到超過半個世紀咁耐。 平時聽人講麥文記主打「細佣」同「豬手」，不過你想食其他既，種類之多，絕對係有一樣啱您口味，當然我今次係食「細佣」，加「菜心」 先講下菜心，眼望落去已經可見，菜葉全部都係嫰葉，菜莖太過粗既位置都切去，食落爽，嫩，而且唔會起渣難咬，可見擇菜，切菜既細心。 再黎係雲呑麵，同數年前一樣，要飽肚最小食兩三碗先得，份量絕對地小。食一口麵......麵質同一般麵檔唔同，無滑得過火既口感，更無重口味既梘水味，麵條易咬，唔會死咬唔斷，更有陣陣蛋味。再咬一口雲呑，雲呑蝦肉爽口彈牙，絕對新鮮，雲呑皮夠薄，咬落去唔會有黏牙感覺，而且雲呑落左麻油，令香味更甚。湯底夠清而唔淡，香而唔濃。 食完比我既感覺到同幾年前食完全無分別，老牌子果然係信心保證，而且食野千祈唔好信人，自己咩都試下，鍾意食下次再黎，唔鍾意就以後唔好黎，
平時聽人講麥文記主打「細佣」同「豬手」，不過你想食其他既，種類之多，絕對係有一樣啱您口味，當然我今次係食「細佣」，加「菜心」
先講下菜心，眼望落去已經可見，菜葉全部都係嫰葉，菜莖太過粗既位置都切去，食落爽，嫩，而且唔會起渣難咬，可見擇菜，切菜既細心。
再黎係雲呑麵，同數年前一樣，要飽肚最小食兩三碗先得，份量絕對地小。食一口麵......麵質同一般麵檔唔同，無滑得過火既口感，更無重口味既梘水味，麵條易咬，唔會死咬唔斷，更有陣陣蛋味。再咬一口雲呑，雲呑蝦肉爽口彈牙，絕對新鮮，雲呑皮夠薄，咬落去唔會有黏牙感覺，而且雲呑落左麻油，令香味更甚。湯底夠清而唔淡，香而唔濃。
食完比我既感覺到同幾年前食完全無分別，老牌子果然係信心保證，而且食野千祈唔好信人，自己咩都試下，鍾意食下次再黎，唔鍾意就以後唔好黎，好似依家麵檔，我第時都會黎食。
張貼
