更多
2014-02-24
18644 瀏覽
第一次食呢間自助餐，之前睇完食評，都覺得好似一般，但團購308，點都唔會蝕到入肉開始食野，因6點剛開始，人又唔多，都唔使點逼，講返食物燒烤：有魚，羊架，紅腸，鷄翼，牛肉，默魚仔，菠蘿，粟米，茄子等……，一句講晒，“乾”，因為廚師驚燒唔切，好多燒定先，你要時再加熱，所以都好乾，唔係用炭燒，係用gas,冇左炭烤風味。沙律，例牌野，冇驚喜冷盤，刺身算ok，壽司一般，藍青口，青口，賴屎蝦，小龍蝦，煙三文魚已經唔係什麼特式，志在都有，唔算好鮮，普普通通，生蠔，任攞，亦都不斷加，但鮮度一般，而且得一種，我食了兩雙冇食。熱食，臚魚塊，琵琶豆腐，三色蛋浸時疏，椒鹽骨，都係好普通。薄餅，炸雜菜……忘記吧。有專櫃幫你煮麵……但我冇見人幫襯，麵就有菠菜寬麵，螺絲粉等等意大利粉，餸有鮮蝦，青口，彷蟹柳等等，但就硬係見唔到有人幫襯。生炒米飯……太軟，亦唔夠香，冇咬口。湯有兩種，蓮藕湯同雜菌湯，唔講都知冇乜驚喜。甜品，有自製窩夫，ok既，蛋糕，布丁都冇問題亦冇驚喜，雪糕唔記得咩牌子，三種口味，草莓，檸檬同雲呢拿，檸檬酸左一些，但都ok。大致係咁多種食物，呀，仲有自己添加既檸檬茶同咖啡，另外有有鮮橙汁同清水不斷供
開始食野，因6點剛開始，人又唔多，都唔使點逼，講返食物
燒烤：有魚，羊架，紅腸，鷄翼，牛肉，默魚仔，菠蘿，粟米，茄子等……，一句講晒，“乾”，因為廚師驚燒唔切，好多燒定先，你要時再加熱，所以都好乾，唔係用炭燒，係用gas,冇左炭烤風味。
沙律，例牌野，冇驚喜
冷盤，刺身算ok，壽司一般，藍青口，青口，賴屎蝦，小龍蝦，煙三文魚已經唔係什麼特式，志在都有，唔算好鮮，普普通通，生蠔，任攞，亦都不斷加，但鮮度一般，而且得一種，我食了兩雙冇食。
熱食，臚魚塊，琵琶豆腐，三色蛋浸時疏，椒鹽骨，都係好普通。
薄餅，炸雜菜……忘記吧。
有專櫃幫你煮麵……但我冇見人幫襯，麵就有菠菜寬麵，螺絲粉等等意大利粉，餸有鮮蝦，青口，彷蟹柳等等，但就硬係見唔到有人幫襯。
生炒米飯……太軟，亦唔夠香，冇咬口。
湯有兩種，蓮藕湯同雜菌湯，唔講都知冇乜驚喜。
甜品，有自製窩夫，ok既，蛋糕，布丁都冇問題亦冇驚喜，雪糕唔記得咩牌子，三種口味，草莓，檸檬同雲呢拿，檸檬酸左一些，但都ok。
大致係咁多種食物，呀，仲有自己添加既檸檬茶同咖啡，另外有有鮮橙汁同清水不斷供應，不另加收費，服務員態度有禮，笑容可嘉。
總括以三百元計已算做足，不過不失，……呀，唔記得講，仲每人奉送焗龍蝦半隻，雖然又係乾左一些，但誠意可嘉。
題外話/補充資料：
服務員真係要讚，另外有清水都令我感動，雖然係好普通，但最近係另外一間city 呃，竟然係冇水，焗你買佢地既支裝水，連加一每支53大元，你如果有咁既經驗就會覺得非常感動
(以上食評乃用戶個人意見 , 並不代表OpenRice之觀點。)
張貼
