糖水檔 (已結業) 查看

由旺角慢慢行到黎佐敦...已經累到不得了...終於到了..望望門口,都應該開左好多年o既老舖,香港好少見d咁o既老舖了...而家多數街見到都係連鎖o既糖水舖...本來我地想去隔離食亞蘇介紹o既腸粉,點知真係星期日唔開架...咁我地就去lei度食多d野啦...當食晚飯...舖頭名好易記好簡單就咁叫"糖水檔"...入到去好"up dup",一般港式食開o既糖水都有架喇,仲有粥食tim...我地叫左d小食...有炒米粉,豬腸粉,蘿蔔糕同煎餃子...糖水叫木瓜雪耳同渣咋...d小食...冇之前d comment講到咁好食...炒米粉一d味都冇,唔覺得有炒過,一滴油都冇,似係烚左之後加d蛋碎,椰菜蘿蔔咁啫...豬腸粉好硬好實,蘿蔔糕只可以話係大件底食,冇料冇味...係煎餃子叫好食d囉....糖水呢..個木瓜雪耳有蛋花係度都係第一次見,不過就好清甜,有d蛋味,唔錯...渣咋就好多豆不過就稀左d,芋頭搵到一粒咋,仲要溶晒咁...麻麻啦...做街坊生意都ok o既,不過就唔需要特登搵黎食喇...