澳洲牛奶公司

營業中

休息中

今日同阿妺出去行街，打算系饮饮食食，所以都系奔住老字号比较出名嘅老店，第一站就系去到澳洲牛奶公司，今日系国内元旦假期，所以比平時更加多人排隊，但胃食貓嘅我地，為左美食都唔介意等喇，今日比平時等多左十分鐘左右，店面環境一般喇，人多就系咁。蛋白燉鮮牛奶，每次都會點嘅，因為真系好好食，燉得好滑，好香濃嘅鮮奶味，蛋白又嫩，入口滑溜溜嘅，又唔系好甜，每次食完一碗都覺得唔系好夠。阿妺比較中意杏仁燉奶，好濃嘅杏仁味，牛奶一樣咁香滑，中意杏仁味嘅朋友推薦點呢個，口感同蛋白燉鮮奶一樣咁好。火腿炒滑蛋，呢個更加要食喇，蛋炒得好嫩，好滑，味道又剛剛好，火腿片用料上乘，夾系三文治中間，一啖咬落去，無比嘅滿足感啊，極度推薦呢個，好好食。