漢陽苑韓國料理 (已結業)

收工最好食番餐，同三五知己又食又傾最減壓！好耐冇食漢陽苑，原來得番佐敦一間咋，黎試下先！地段方便，價錢合理既韓燒已經好少，成層都係漢陽苑，好多位，冇訂位都可以即刻有得坐！ 真係好多野食，燒肉都成四十款以上，熟食都成三十款以上，又有壽司刺身，又有湯，又有好多甜品！我地食左五花腩、多春魚、薄牛排、肥牛、魷魚、粟米、雞排、 辣豬排、牛柳粒、雞翼等等韓燒，大部分都ok, 牛排、雞排最好食！ 熟食有炒蜆、炒蟹、蟹蓋、泰式鳳爪、四季豆，海鮮類好食！三文魚刺身好新鮮肥美！估佢唔到啊！甜品食左竹庶茅根、蕃薯糖水、芝麻糊、啫哩、布丁、咖啡糕、椰汁西米露，都係中上質素！ 整體來說，我覺得熟食&甜品好食過燒肉！飽到走唔郁！