明記甜品 (吳松街) (已結業)

我比較小食中式糖水，但喺佐敦試左好多間新式甜品後好失望。所以今次試下中式糖水。糖不甩好好咬口，唔會好硬。抵讚～木瓜雪耳好清甜，雪耳有林有爽，雖然我本身比較喜歡林嘅雪耳。不過都唔錯～ 芝麻糊加芝麻湯圓都算滑身，唔會好似沖包芝麻糊咁太過甜～ 蛋花馬蹄爽，馬蹄真係好清爽，不過我就覺得有點偏甜左小小咁多多。 雖然舖仔細，坐出面好有懷舊街檔嘅感覺。但喺廟街附近都算唔錯。等嘅時間基本上係唔駛等咁濟，見住佢客如輪轉，可想而知啲姐姐嘅服務態度當然係一般啦。但食物質素喺佐敦黎講算好。比起啲所謂新式甜品好出太多了！下次再黎食過^^