新斗記 (已搬遷) 新店位置

同朋友試得西餐多，今次都係時候試下中菜。本身訂左位，所以都唔需要等，但發現原來就算係平日，地下一層得八、九張枱，但都坐得滿，呢間餐廳相信都係出名。見到枱上餐具，好夠懷舊氣息。點菜時實在有太多選擇，所以隨意先叫三樣餸試下先，分別係出晒名既乳豬、桶蠔同羊排。個個係呢度留言既都話乳豬係必食，所以少少地就叫碟例牌。朋友一咬層皮，我都聽到脆既聲，無可否認，皮脆肉嫩確實係事實，但相反我覺得欠缺左香味，口感十足但味道一般。而桶蠔亦都好味，蠔既size中等，薑蔥吸晒蠔味，係整碟餸既靈魂。因為朋友同我都係愛羊之人，見餐牌有“手抓羊排”都出於好奇想order，但餸名旁邊一隻辣椒，都擔心會好辣，不過我地都膽粗粗去試下！上菜時就即係有驚喜，原來似四川麻辣既煮法，以為真係好辣，其實一D都唔係，咬一啖就知羊吸左辣既精華，好有麻香味，但仍然保留住自己既羊羶味，煮既火候岩岩好，骨同肉一咬就分開，食到呢度相信都未夠飽（冬天呀~~~），所以再叫兩個餸！啫啫唐生菜煲都好味，因為食得太多肉，點都要叫番碟菜來消化下！蛋白薑米蒜香蟹飯，蒜香味濃郁，可惜就係蓋過蟹既鮮味，同時薑蒜味浸入飯內，所以飯變成精華，而唔係蟹，但食到呢度已經