更多
2015-12-13
369 瀏覽
自問對佐敦區嘅餐廳都頗為熟悉,但係自己卻從來都未去過莊士倫敦廣場食飯。今次朋友主動邀請,就上到黎大喜家,放縱自己一晚。餐廳嘅環境都算寬敞,比起旺角尖沙咀嘅放題,坐得相對舒服。而侍應嘅招呼亦當周到,係我地點左啲日式小食同刺身之後,佢地亦都同我地介紹返有沙津吧,我當然就當仁不讓,即刻出去睇下有咩野食。見到沙津吧都有不同款式嘅沙津之外,其他前菜亦都有供應,包括日式八爪魚,菠蘿等等,味道唔錯之餘,亦見到侍應每隔一段短時間就refill一次,確保各種沙津前菜都係新鮮!食完沙津同前菜,緊隨其後嘅係我最引頸以待嘅刺身, 厚切嘅三文魚, 入口嫩滑; 帶子軟綿彈牙, 多吃幾粒也不怕; 鮑魚帶著原始嘅鮮味, 基本上不用點任何醬油, 都能食得出點點如海水般嘅咸味, 的確夠新鮮!各款壽司係極具質素, 飽滿嘅花之戀, 配上豐富嘅蟹籽, 感覺相當滿足! 而呢度火灸壽司, 我覺得比好多知名嘅壽司店更好, 特別要推介嘅係三文魚腩同埋浦燒鰻魚。三文魚腩比起普遍嘅三文魚, 魚油更盛, 魚香更濃, 經火灸燒過之後, 滋味程度係幾何級咁上升! 而鰻魚係小弟最為喜歡嘅魚類, 沾上醬油嘅鰻魚經火炙後, 滋味沒法擋!去得食放題,
而呢度火灸壽司, 我覺得比好多知名嘅壽司店更好, 特別要推介嘅係三文魚腩同埋浦燒鰻魚。三文魚腩比起普遍嘅三文魚, 魚油更盛, 魚香更濃, 經火灸燒過之後, 滋味程度係幾何級咁上升! 而鰻魚係小弟最為喜歡嘅魚類, 沾上醬油嘅鰻魚經火炙後, 滋味沒法擋! 去得食 放題, 點少得炸物同燒物。天婦羅固然出色, 但係都唔及金薯絲蝦有特色, 金黃色嘅炸蝦, 大大隻, 已經夠吸引, 再用薯絲包住, 外層脆卜卜, 內裡啖啖肉, 相信唔係度度有得食!
而燒物黎講, 個人相當之喜歡鹽燒雞中翼, 肉質嫩滑, 充滿肉汁, 外皮香脆, 吃起來香口惹味! 係食 甜品之前, 都試左幾款肉類, 特別要推介嘅係薄燒牛肉卷同埋羊扒。選用左非常優質嘅肥牛, 嫩滑無比, 而牛肉卷內有健康嘅蘆筍, 就算多吃幾件都唔會怕肥膩。羊扒值得推介嘅原因係完全食唔出有膻味, 係適量嘅香草作調味之下, 可以令大家豪氣大吃幾口。
最後, 我地以餐廳無限量供應嘅雀巢雪糕作結。每人埋單都只係大概二百蚊左右, 以旺區黎講, 價格的確相宜。
張貼