更多
2015-07-11
392 瀏覽
約咗好朋友去Mega Box相緊，諗住搵間好啲又坐得舒服啲嘅餐廳食晚飯，去到十樓見到日和號好似幾特別，又可以有卡位俾小朋友坐，隔離十勝又要等位，就一行五個大人一個小朋友入坐試下呢間日和號。睇完menu諗住叫嘢食，舉手示意諗住等服務員過黎，舉咗五分鐘都無人理，而其間係有店嘅服務員望到，但唔知係咪因為唔同崗位唔可以黎落單，就由我地繼續舉手。最後係要同行友人放大聲線"唔該"一位路經但都睇我地唔到嘅服務員，先終於可以叫到嘢食。同行友人分別叫咗一份豬軟骨飯（正式名稱唔記得喇）同一份有海膽嘅丼（都係唔記得咩名）份豬軟骨飯一上枱，我地真係嘩一聲，上面隻煎蛋仲燶過我塊面，乾過我啲皮膚，唔明點解咁都可以照俾個客食。海膽唔新鮮，有陣怪味同埋啲服務員上餐嘅時候唔會講呢份係咩，要靠大家自己去分辨呢份嘢係咩又或者我地問到佢先會講。後尾先見到枱側邊有應該係俾客人自己寫ORDER嘅紙。可能因為我地無寫到俾佢地，所以佢地先唔得閒幫我地落單喇，雖然由頭到尾無人話俾我地聽係唔係要咁做。一行五個大人一個小朋友，食咗四百一十蚊，唔可以話貴嘅，但係食物質素同服務都唔值呢個價錢囉，唔係見佢唔駛等位都唔會中伏，所以話下次揀食店時都
同行友人分別叫咗一份豬軟骨飯（正式名稱唔記得喇）同一份有海膽嘅丼（都係唔記得咩名）
份豬軟骨飯一上枱，我地真係嘩一聲，上面隻煎蛋仲燶過我塊面，乾過我啲皮膚，唔明點解咁都可以照俾個客食。
海膽唔新鮮，有陣怪味
同埋啲服務員上餐嘅時候唔會講呢份係咩，要靠大家自己去分辨呢份嘢係咩又或者我地問到佢先會講。後尾先見到枱側邊有應該係俾客人自己寫ORDER嘅紙。可能因為我地無寫到俾佢地，所以佢地先唔得閒幫我地落單喇，雖然由頭到尾無人話俾我地聽係唔係要咁做。
一行五個大人一個小朋友，食咗四百一十蚊，唔可以話貴嘅，但係食物質素同服務都唔值呢個價錢囉，唔係見佢唔駛等位都唔會中伏，所以話下次揀食店時都係揀要排隊嗰間好啲。
呢間嘢絕對唔會再食第二次！
張貼
