更多
2015-12-09
2467 瀏覽
11月頭收倒朋友Wilson WhatsApp ,話會搞個蛇蟹宴,問有問興趣參與?一睇食飯地方係九龍灣嘅大榮華圍村菜,即刻興趣大減,原因係我食過元朗大榮華老店好幾次,點心同埋小菜都覺得平平無奇,不過既然Wilson 叫到,而果晚亦冇乜野做,決定赴約!當晚延開六席,我問Wilson 呢個會唔會係佢商會搞嘅event ,點知佢話本來係屋企人生日叫左一圍,諗住一家人食飯,點知講開左好多商會嘅會員都有興趣,搞搞下變左六圍!當晚菜單每圍HK$3,300,以上菜單包括五酲十年老花雕,唔包其他酒水,需加一。就咁睇菜單真係超抵,每位只係HK$300 ,淨係大閘蟹每隻四兩嗰啲,喺大閘蟹專門店都賣成7-80 蚊隻,呢圍菜每人有兩隻,蟹成本如果自己買都舊半水,自己去食野,食物性價比永遠係我選擇食肆嘅第一位,呢個亦係我決定參與呢個蟹蛇宴嘅重要因素!要同睇我呢段食評嘅朋友講聲唔好意思,因為同枱嘅朋友係唔識嘅,所以唔係幾好意思相機食先,隨左大閘蟹外,都冇影食物相。以下係每道菜評語清蒸大閘蟹(24隻公)蟹並唔係我特別喜歡嘅食材,自己點菜唔會叫,同埋以前食親蟹都會整損個嘴,所以自己好少點!呢個蟹賣相好靚,蟹身飽滿,金
當晚延開六席,我問Wilson 呢個會唔會係佢商會搞嘅event ,點知佢話本來係屋企人生日叫左一圍,諗住一家人食飯,點知講開左好多商會嘅會員都有興趣,搞搞下變左六圍!
當晚菜單
每圍HK$3,300,以上菜單包括五酲十年老花雕,唔包其他酒水,需加一。就咁睇菜單真係超抵,每位只係HK$300 ,淨係大閘蟹每隻四兩嗰啲,喺大閘蟹專門店都賣成7-80 蚊隻,呢圍菜每人有兩隻,蟹成本如果自己買都舊半水,自己去食野,食物性價比永遠係我選擇食肆嘅第一位,呢個亦係我決定參與呢個蟹蛇宴嘅重要因素!
要同睇我呢段食評嘅朋友講聲唔好意思,因為同枱嘅朋友係唔識嘅,所以唔係幾好意思相機食先,隨左大閘蟹外,都冇影食物相。
以下係每道菜評語
清蒸大閘蟹(24隻公)
148 瀏覽
2 讚好
0 留言
先食抓,鮮甜!每隻蟹腳都好好肉,蟹嘅膏都飽滿甘香,配以薑絲陳醋同食,更有風味!
蛇絲手打鯪魚球
鯪魚球煙靱彈牙,鯪魚滑新鮮固然重要,打魚滑嘅手勢亦好重要,聽我媽子話一定同一方向攪拌魚肉,即順或者逆時針,如果唔係魚肉會非當鬆散,呢個魚肉師傅做得好出色!喺丸裏面嘅蛇絲好鮮味,但就有啲靱!
砂窩花膠絲燴蛇絲生翅
湯頭本身好濃,料足到不得了,每羹𢳂起都料頭十足,牙揀翅、蛇絲、花膠都好足料,其他配料就木耳雞絲等等。呢幾年年年都食三兩次蛇羹,以呢個最足料好味!
福祿湯鮑魚扣鵝掌
飽汁味道唔係好重,應該只係用左上湯同蠔油去做汁底,但味道都唔錯,鮑魚用左罐頭飽,每隻大過匙羹小小,煙靱黐牙,雖則話係罐頭,但質素幾高喎!唔似有啲產自紐西蘭大大隻嘅鮑魚咁,個心竟然嚡口嘅。鵝掌炆得好入味,之前應該先炸再揾八角桂皮等香料炆過。
頭抽乳豬拼五味雞
嘩!好大份量。隻雞連埋乳豬相信有成三斤肉擺响面前。
開頭以為係普通燒乳豬,點知原來係鹵水乳豬,皮同肥肉黐住分唔開,咁唯有成件啪入口啦,嘩!好食到呢,啲肥肉竟然一啲都唔膩,仲好爽脆,真係極品!席中食客個個都對佢讚不絶口!
雞非常鮮!頭抽配製嘅鹵水覆雜惹味,記得之前喺元朗大榮華食過呢個雞,雞味欠奉,同今晚食倒呢隻差天共地
玉蘭炒肉眼根臘肉
又係大大碟,芥蘭估計有成斤,啲菜炒得好香,有落薑汁紹洒就梗嘅,但佢呢支炒菜紹興彫估計好靚,散發出嚟嘅彫香係我平時廚房用果支嘅幾倍,肉眼根係我最鍾意食豬兩個部份其中之一,聽豬肉佬講係豬背近朳嘅兩條嫩肉,肉眼根其實炒同蒸都好好食,呢碟菜充份利用左肉眼根嘅鮮味同臘肉嘅咸香味,互相交織出一份豐富嘅味道!
肥滔駕到
呢味唔係菜,而係滔滔喺宴席尾聲喺灣仔大榮華趕過嚟同主人家打聲招乎!順便講下啲雞呀、花彫呀啲資料咁,佢仲好有禮貌咁同當日啲賓客合照,我冇合照,但都影左佢一張相。
主菜上哂,到左飯麵同甜品,成晚嘅食物都好好食,點知就喺麵同飯度出左事!
臘味糯米飯
焾身到暈,入口𡁻兩啖即刻漿左,臘味又少左啲,糯米飯焾身已經扣左60分,冇乜臘味扣5分,碟野得番35分!
薑蔥撈手打麵
啲麵又碎又焾,從來未食過咁樣狀態嘅所謂手打麵,薑蔥味係好足嘅,但整體真係唔想評價.....
頭先嗰兩味,令小弟由有天堂跌左落地獄嘅感覺,差落好大,希望甜品唔會更落一層樓啦!
奶黃馬拉糕
食左啖,即刻由地獄折返人間,呢個點心我响大榮華食過幾次都係水準之作,今次亦唔例外,奶黃味香糕鬆軟,但穩穩覺得今次食嘅有啲散感覺,不過我都覺得佢依然係一件好高水準嘅糕。
紫薯沙酥角
外皮係鬆化酥皮,紫薯饀有番薯香味而唔太甜,好天然冇添加任何增味香精,需然咁做味道會淡左,但係勝在自然,整體而言味道中上。
花彫
係上海老順嘅泰彫,十年彫,需然唔係幾識欣賞黃酒,但佢入口醇厚甘甜,算係我係香港及江浙一帶飲過唔錯嘅花彫酒!
總結: 食野真係要講性價比嘅,雖然兩道飯麵都異常難食,但只計頭六道菜都已經非常超值!散席後,走去揾左趙姓經理傾下,到底我自己訂會唔會可以用相同價值食翻呢啲菜呢?答案係可以,所以第二日即刻吹雞,叫啲朋友一齊encore,順便下次補翻啲食物圖片。
張貼