南小館 (已結業)

這上海菜館我曾經光顧過，但不是這間分店，路經此地就試試這兒有無分別先。必叫當然係小籠包啦，都係一貫水準，皮唔算薄，湯汁就多，但肉就無特別，算合格但不算出色。另外生煎包，四個痴住上，外包皮略厚但算煎得好，因為外皮有脆口，內裡肉滲汁，夠鮮味，比小籠包更出色。最後份炒菜苗，其實算不上菜苗因為一來大條，二來有點老，味道普通略油，建議用細棵菜心苗效果必更佳。