上海婆婆336 (已結業)

我們三大三小到門口，無訂位！侍應通知只有個半鐘食飯！安排我們坐梳化位！地方好闊落！坐三個細路都唔會嘈到旁邊！新派裝修亦好靚！叫咗：雞絲海蜇--海蜇爽口！雞絲無乜味！但個汁好咸！一般！蔥油海蜇--可能呢個係後加！咸之後食就覺得淡！同埋呢碟質地比較硬！最後食唔晒！鎮江肴肉--正常！生煎包--個飽皮好厚！餡唔多！仲要唔係好多汁！比較乾唔好食！生煎鍋貼--皮煎得香脆！多肉汁！正！雪菜肉絲炒年糕--雪菜唔會好咸！炒出來比較清爽！食完唔會膩！正！上海婆婆炒菜飯--好普通一個炒飯！無乜特色！不過味道唔差！炒得乾身！粒粒分明！黃金四季豆--最差呢個！未試過咁煮四季豆！所以點！上枱賣相已好油！雖然好多咸蛋包住，但又唔夠咸！只係覺得好油膩！命要係推介菜式食物好快送到！味道大部份都唔錯！但唔跟正常人次序！冷熱食物撈亂上！速度極快！侍應好勤快！不過我兩次加單，其中一個男侍應就十分黑面！佢都有幫我！但我叫佢時佢明明笑緊！一到我叫佢就黑住面行來！落完單走開又笑笑口！可能我阻住佢傾偈！呢間餐廳廁所不在店內！要行去商場內！距離都幾遠！唔方便！到結賬時，我都未走！（家人已先出去）我知門有人排緊隊！亦唔想阻住你做多轉客！