八月花 (已搬遷) 新店位置

就嚟要過年啦，好開心吖~~今日要同媽咪一齊出去辦年貨，不過我自己就覺得香港噶年味真係一年不如一年，不過我地屋企都算比較傳統啦，不過買野之前都係先去飲茶啦~~南非鮑魚蛋撻，真係好特別吖，蛋撻上面有鮑魚，而且鮑魚鮮嫩多汁，口感香滑，再加上蛋撻噶蛋撻皮酥脆，口感大爆炸吖！！燕窩蛋撻，同樣好特別，一般噶茶樓根本食唔到，蛋撻上面竟然有燕窩！！燕窩嫩滑噶口感系蛋撻到真係完全發揮曬出嚟~~~大蝦腸粉，好多蝦，而且腸粉噶口感好細滑！晶瑩剔透噶蝦餃絕對系飲茶必點啊，蝦餃皮透明，而且啲蝦爽口彈牙！