曲奇四重奏 (已搬遷) 新店位置

4﹣2﹣2011(Fri)大年初二去外婆家拜年，舅母照例畀返一盒禮我o地拎返屋企，我見外型咁grand，應該係貴o野。搭車時睇睇，應該係謝寧o係九龍城開o個間餅店o既出品，返到屋企反轉個盒至睇到中文，真係呢間出o既蝴蝶酥。到（5﹣2﹣2011Sat)大年初三朝早，同男友出發去佢屋企前食少少o野，原本想煎蘿蔔糕，但男友話唔喇，唔想洗o野。咁....咁試呢個蝴蝶酥啦。打開後，嗅到好香，忍唔住食喇，佢好鬆脆，唔似平時食o個啲咁硬，而味道係甜甜地，有蜜糖甜味，的確幾好食，我同男友一連食四件至停手，如果唔自控，真係分分鐘一次可以食晒，所以千祈唔好將佢獨留畀小朋友。唔知幾錢，但肯定好貴。