小曼谷泰國美食 (已搬遷) 新店位置

已經有一段時間冇來九龍城食泰國野， 每次來都一定會幫襯呢間， 貪佢坐得舒服。今日下午1點到達， 仲有好多位， 食都一半已經滿座了。泰皇咖哩炒硯 $108呢個泰皇咖哩可配蝦/蟹/硯， 因為得2個人， 所以叫左硯， 咖哩不辣， 偏甜， 咖哩很香， 加了蔥和薑來調味，很濃郁。硯肉冇沙， 很大隻， 很足料， 肉質鮮甜彈牙。點了一碗白飯 和一客蒜容包 ($25/4件) 來伴著咖哩吃，蒜容包熱辣辣， 金黃又香脆， 點咖哩一流。泰式拼盤 $108小有蝦餅， 魚餅， 春卷和香葉包雞。雞有一點太乾身，雞汁全流失， 肉質變硬。 蝦餅值得一讚， 蝦味濃， 很彈牙， 炸得香口。 魚餅質素也不錯， 加了很多不同的香料去釀魚餅， 令味道更加有層次。春捲味道一般， 不過不失。燒烏頭 $98 等了35分鐘才到， 證明是即叫即燒， 烏頭內有香茅和香茅葉， 用來去除腥味。 肉質不錯， 很鮮味， 燒得香口， 恰到好處。