小曼谷泰國美食 (已搬遷) 新店位置

今日一行九人同媽咪慶祝母親節，媽咪話想食泰國菜，於是提一早一日訂位，好彩有訂到位，一去到見到好多人等位。我地叫左豬、雞、牛、腎沙嗲串燒，咖哩炒蜆、小食併盤、蒜蓉包、馬拉盞通菜、燒牛仔骨、芝士蝦丸、椰青飯同菠籮炒飯。碟炒蜆D蜆超大隻，咖哩唔算好辣，配蒜蓉包一齊好好食，略嫌個蒜蓉包硬左D。椰青飯啲料唔多，所以唔係太like, 其他野食不過不失，不過唔知係咪太多人等位嘅關係，D野食唔係好夠熱，相比上次同奶奶食，我同老公都覺得上次好食D。