更多
2010-05-10
7 瀏覽
7-5-2010一直想同朋友 J 嚟呢度食 lunch, 但次次唔係佢被公事纏身, 就係我唔得閒, 經過多次改期, 是日終於「排除萬難」嚟了 Set lunch 包兩個 course 及飲品, 2 人就盡量叫唔同的食物方便試多 d, 另加一個 dessert share 食.先嚟 table bread, 乜成個 potato 咁大 剛出爐熱辣辣, 咬落外鬆脆內鬆軟, 麵粉味重, 正! 掛住食, 無影相 tim. 仲有 grapefruit soda 做 welcoming drink, 味道一般, 不過實在有誠意, 感覺不錯.First Dish 大家都揀了 Long Island Clam Chowder: 湯底 cream 味頗重, 質地算幼滑, 飲落夠香又唔太飽膩, 仲有大量洋蔥及 bacon, 加埋幾甜的蜆, 味道豐富唔少之餘, 亦咬口十足, 幾喜歡.Second Dish #1 係 slow-cooked salmon, 下面的好似係 wild rice? 煮成 "risotto" 狀又有點 barley feel, 咬落煙煙韌韌又帶點粗糙, 幾得意; sal
一直想同朋友 J 嚟呢度食 lunch, 但次次唔係佢被公事纏身, 就係我唔得閒, 經過多次改期, 是日終於「排除萬難」嚟了 Set lunch 包兩個 course 及飲品, 2 人就盡量叫唔同的食物方便試多 d, 另加一個 dessert share 食.
先嚟 table bread, 乜成個 potato 咁大 剛出爐熱辣辣, 咬落外鬆脆內鬆軟, 麵粉味重, 正! 掛住食, 無影相 tim.
仲有 grapefruit soda 做 welcoming drink, 味道一般, 不過實在有誠意, 感覺不錯.
First Dish 大家都揀了 Long Island Clam Chowder: 湯底 cream 味頗重, 質地算幼滑, 飲落夠香又唔太飽膩, 仲有大量洋蔥及 bacon, 加埋幾甜的蜆, 味道豐富唔少之餘, 亦咬口十足, 幾喜歡.
Second Dish #1 係 slow-cooked salmon, 下面的好似係 wild rice? 煮成 "risotto" 狀又有點 barley feel, 咬落煙煙韌韌又帶點粗糙, 幾得意; salmon 肉汁豐盈, 滑得無話可說, 帶淡淡魚油香, 食落夠味又唔膩, 好食喎 旁邊的 asparagus 亦清甜, 可惜有少少渣啦; 仲有少少啡色 sauce, 賣相味道都極似日式胡麻醬, 唔知乜來的?
Second Dish #2 係 roasted chicken with black olive-mustard crust, lemon potatoes and carrots... order 時以為係 chicken breast, 點知嚟了隻 chicken drumstick, presentation 仲好靚 雞皮軟軟的, 算薄, 食落唔油, 雞肉就夠軟熟; 不過最好食係個檸檬-based 醬汁, 酸得來帶點 creamy, 十分開胃, 好食 不過檸檬汁味的 carrots 及薯仔就唔多啱我, 食「漬物」一樣的感覺真係唔太喜歡.
甜品揀了 tiramisu, 不過嚟了咖啡 gelato + mascarpone 層 + 杏仁酒味餅底的一個「塔」, 雖然味道唔差, 但就絕對唔係 tiramisu
餐飲要了咖啡: 幾香, 夠濃, 不過有點澀, 對我嚟講亦有點太啃, 唔算十分喜歡.
食物不錯, 環境裝修簡潔好坐又乾淨, 自然光下食飯真不錯 店員們唔算十分 friendly, 但幾有禮貌, service 都不錯的.
埋單每人約 $220, 唔平, 不過地段-wise 算係咁吧, 而且食物真不錯, 都值得一試的.
張貼
