更多
2016-02-03
1293 瀏覽
一行6人無無聊聊出左PMQ行下，順便黎試下前兩晚tbb套夜消磨介紹既The Walrus，本來一心想食下蠔同海鮮，去到門口唔洗等位，見佢門口張枱放左個煲喺度，侍應妹妹見到我地眼望望，就行出黎話呢段期間有350兩位既海鮮火鍋，岩喇⋯天氣凍凍地，有火鍋食就梗係試下啦！餐廳細細一眼睇晒，全部用高身檯櫈，唔可以坐得好hea好舒服，但種小店氣氛都好輕鬆既，坐低之後侍應妹妹見我地凍冰冰，介紹我地飲杯Mulled wine暖暖身先。開飯喇～先黎佢地既招牌特色蠔，有三款，我唔記得其中兩款叫咩名第一款三文魚生蠔他他配血橙sorbet，sorbet好清新，食到粒粒蠔肉好鮮甜，第二款有一粒大大粒梅酒波子同三文魚子，一口咬開用分子料理方法做既梅酒波子，唔算太濃酒味，反而三文魚子超太粒，口感勁正！第三款我記得叫Lady Gaga，上面一條條紫椰菜啫喱，中間夾左醃蘿蔔，呢款食落好爽脆，食完呢三款蠔，帶俾一個新既體驗，原來食蠔唔只淨係一隻蠔肉放入口先係好食，原來蠔仲可以配合唔同既配料，質感同味道都會好唔同。食完呢幾款唔夠喉，另外叫多一round蠔，大至上呢度既蠔係好新鮮，不過當然同其他蠔吧一樣，不時不食，時令款式唔
餐廳細細一眼睇晒，全部用高身檯櫈，唔可以坐得好hea好舒服，但種小店氣氛都好輕鬆既，坐低之後侍應妹妹見我地凍冰冰，介紹我地飲杯Mulled wine暖暖身先。
開飯喇～先黎佢地既招牌特色蠔，有三款，我唔記得其中兩款叫咩名第一款三文魚生蠔他他配血橙sorbet，sorbet好清新，食到粒粒蠔肉好鮮甜，第二款有一粒大大粒梅酒波子同三文魚子，一口咬開用分子料理方法做既梅酒波子，唔算太濃酒味，反而三文魚子超太粒，口感勁正！第三款我記得叫Lady Gaga，上面一條條紫椰菜啫喱，中間夾左醃蘿蔔，呢款食落好爽脆，食完呢三款蠔，帶俾一個新既體驗，原來食蠔唔只淨係一隻蠔肉放入口先係好食，原來蠔仲可以配合唔同既配料，質感同味道都會好唔同。
食完呢幾款唔夠喉，另外叫多一round蠔，大至上呢度既蠔係好新鮮，不過當然同其他蠔吧一樣，不時不食，時令款式唔係長期keep住供應既～
食完凍野就食火鍋，兩人一鍋，用龍蝦牛乳味噌湯底，配料有：
鮑魚-爽口彈牙
龍蝦-好多羔，滾完個湯超甜
魷魚-幾好
翡翠螺-正常
蝦-鮮甜
蠔-肥美，不過要滾耐啲
蜆-都唔錯
仲有啲蔬菜，點都要食啲蔬菜補充纖維
煮晒啲海鮮之後記得要飲幾啖個湯，完全充滿海鮮既鮮甜味，好正！最驚喜係打完既時候，廚師叫侍應妹妹問我地想唔想將湯底煮個懀飯或者意粉，我地咁為食就梗係要啦，我地叫左兩個火鍋所以煮一個飯同一個意粉，我個人覺得懀飯真心正，個飯吸收晒鮮甜既湯汁，仲加左芝士落去煮，好濃郁，連最後一滴湯都無浪費，一個火鍋兩種享受！
最後黎到就要食埋甜品先夠完滿，叫左佢地自創既朱古力蠔配海鹽焦糖雪糕，朱古力蠔係自己倒模上色，以假亂真，海鹽焦糖雪糕亦係佢地自家製既，食得出大廚既心思。
其實今次原本想主要食蠔同其他海鮮，但咁岩食到個咁抵食既火鍋，所以都好有驚喜，下次有機會再黎可以試埋其他菜式～～
59 瀏覽
0 讚好
0 留言
56 瀏覽
0 讚好
0 留言
57 瀏覽
0 讚好
0 留言
55 瀏覽
0 讚好
0 留言
68 瀏覽
1 讚好
0 留言
47 瀏覽
0 讚好
0 留言
張貼
