更多
2016-01-28
705 瀏覽
經過蘭桂芳又想搵野食,就試下呢間泰式串燒,無坐位要立食,無所謂啦,咁樣反而會令你細心咁感受下呢一個地方。見到好多啤酒選擇,覺得如果我飲酒的話同朋友黎吹下水食下串燒都幾正。我就叫左雞肉,雞皮,牛仔骨,豬肉腸,豬頸肉,魷魚,白鱔同菠蘿,配1支可樂,最正係白鱔夠厚肉夠新鮮,豬頸肉夠爽口脆邊,豬肉腸大大條又juicy,牛仔骨有特別香草醃過夠惹味,但燒雞皮就比較油膩,建議2個人share 1串。店員細心問我要不要試佢地既特別醬汁,佢竟然3款全部都比左我點黎食,一款是有香茅香料的甜辣醬,是比較辣的一款,第二款是食慣食熟的泰式紅醬,點左佢即刻泰味出哂黎,第三款沙爹,夠香濃配雞肉豬肉串最夾啦,食左太多肉喇,最尾用菠蘿做收尾是絕對正確,食得出用鹽水浸過,燒完果肉更香甜又保留到果汁,開心度上升了,哈哈,繼續蘭桂芳搜奇。
張貼