更多
2014-12-02
1567 瀏覽
聖誕將至,又喺商家、食肆各出奇謀嘅日子,當然,唔少甜品店都會乘時推出應節蛋糕或甜品,近日就得知2/3 Dolci又推出咗幾款聖誕蛋糕嚟應節,有個裝,亦有件裝,更有唔少其他聖誕相關嘅產品。小弟工作地點跟中環店咁近,無理由錯過架!一向以少甜主義專注製作意式雪糕、手工蛋糕及咖啡嘅2/3 Dolci,佢嘅意式雪糕出名好食,其實蛋糕都好有水準,之前就曾經試過佢嘅Millefogile(雜莓拿破崙蛋糕)、Daisy(伯爵茶慕絲蛋糕)、Passiflora(熱情果慕絲蛋糕)(詳細食評可瀏覽:http://www.openrice.com/restaurant/commentdetail.htm?commentid=2383752&con=rvw),各款蛋糕真喺做得細膩高質素,今次再臨品嚐新款聖誕蛋糕,同朋友提早慶祝聖誕節。聖誕有唔少朋友都喜歡開派對,加個聖誕蛋糕就更能增添氣氛,見2/3 Dolci嘅3款個裝聖誕蛋糕賣相非常吸引,包括:紅噹噹星形嘅荔枝玫瑰慕絲蛋榚「Christmas Amore」($420 / LB、$620 / 2LB)、木頭外形嘅橙酒朱古力卷蛋「Yule Log」($238)及嬌
荔枝玫瑰慕絲蛋榚及橙酒朱古力卷蛋只有個裝,唯獨士多啤梨意大利有氣葡萄酒卷蛋有件裝發售,咁……又豈能錯過。淡淡士多啤梨味嘅粉紅色蛋白海綿蛋糕,極之輕盈鬆軟,中間包住原粒新鮮士多啤梨,果肉清甜,不過,最驚喜喺加入咗意大利有氣葡萄酒所做嘅鮮忌廉,柔滑得嚟滲出朕朕葡萄酒芳香,好有創意。
$60
48 瀏覽
0 讚好
0 留言
雖然明知喺用杯模倒出嚟,但潔白雪花嘅造型,冷艷而細緻,有啲唔捨得落刀嘅感覺。表層喺口感較輕柔嘅忌廉芝士,好似德國芝士餅一類咁柔滑,而內裡則喺相對較挺實嘅忌廉芝士,正正紐約芝士餅嗰種咁挺身濃郁,不過,因為中間加咗一層鮮雜莓醬,立時酸香嘅雜莓跟濃郁嘅芝士變得調和,唔會太過重膩。Neve,有外表,更有內涵!
$48
30 瀏覽
0 讚好
0 留言
翠綠嘅杉樹造型,再撒點糖霜,真喺夠晒意境。朱古力脆餅底加入果仁粒,已經有心思,而樹身喺蘋果慕絲,再加入混有玉桂炒過嘅蘋果粒,幼滑嘅慕絲散發淡淡嘅蘋果清甜,玉桂蘋果粒更喺香軟富玉桂香,不愧蘋果跟玉桂依一對「味力」組合。
$48
71 瀏覽
1 讚好
0 留言
小弟都喺鍾情甜品配咖啡,所以,又喺點一杯心愛嘅焦糖鮮奶咖啡。醇香柔滑嘅咖啡,蘊含輕盈嘅奶泡及沉香嘅焦糖,一啖餅,一啖咖啡,甜與香嘅交織,細味悠長。
$40
71 瀏覽
1 讚好
0 留言
以寶藍色星星外型吊飾盒為包裝,內有5片跟聖誕相關唔同造型嘅朱古力,如聖誕樹、薑餅人……等,均以黑朱古力或牛奶朱古力製作。 朱古力花生果仁(Crunchy Chocolate Dragees) $58
換上鮮紅色星星外型吊飾盒,甚為搶眼,內有7粒朱古力花生果仁,香脆嘅果仁被香濃嘅朱古力包著,永遠都大有市場。 瑪德蓮蛋榚(Christmas Madeleine in Tin) $108
本身喺源自法國嘅貝殼小蛋糕,遙身一變變得更的骰嘅花杯形小蛋糕,3款味道分別喺黃色嘅檸檬味、綠色嘅抺茶味和紅色嘅紅桑子味,每粒都獨立包裝,質感濕潤結實,淡淡牛油清香。若有法國朋友,送上依款小蛋糕唔知可唔可以稍稍為佢解鄉愁。 聖誕喺個普天同慶嘅日子,相信你都會跟家人或朋友一齊溫馨歡渡,共嚐甜蜜美點。
張貼