更多
2016-01-06
1867 瀏覽
有台灣朋友黎香港，佢話之前係中環食果間日本沾麵好好食，話想再去！原來遠在天邊，近在公司前，就係我公司路程三分鐘唔洗既周月，因果日其實我朋友都趕飛機，又撞正食飯時間，去到門口大排長龍朋友都話ok照等，乜咁大味/魅力，排隊時店員都出黎問幾位派飛仔，同時見到門口旁邊有塊太陽曬到差唔多甩色既餐牌有我朋友極力推薦既沾麵和其他不同口味既湯拉麵，一路等一路等，排到既位置就係舖頭既玻璃窗前，望望面，原來呢度既麵條係自家製，睇落好似好有水準，因為自家製除左係一個啅頭，仲可以叫保持品質既做法，前面果一卷野就係麵皮，切開就係等陣要食既麵條了！！ 仲差一張檯就到，入到舖內，空間感較窄，因為真係好多人，店員都無停手係咁做，到我同朋友坐低後，大大本既Menu除左見到既沾麵，仲有飯和其他湯拉麵及餃子等小食，但鑑於我朋友話呢度湯拉麵唔好食，最後我決定簡左香辣沾麵試試！不得不提呢度既沾麵原來有得簡size，100，200同300g共3種選擇…而且係同一價錢架，唔清楚份量有幾多？平時你係街食意大利粉一碟就係100g左右，我就貪心性格要300g，另店員都會問番客人個麵要冷上定熱上，我簡左熱上! 同朋友傾下計，發現原來有
朋友都話ok照等，乜咁大味/魅力，排隊時店員都出黎問幾位派飛仔，同時見到門口旁邊有塊太陽曬到差唔多甩色既餐牌
有我朋友極力推薦既沾麵和其他不同口味既湯拉麵，一路等一路等，排到既位置就係舖頭既玻璃窗前，望望面，原來呢度既麵條係自家製，
睇落好似好有水準，因為自家製除左係一個啅頭，仲可以叫保持品質既做法，前面果一卷野就係麵皮，切開就係等陣要食既麵條了！！ 仲差一張檯就到，入到舖內，空間感較窄，
因為真係好多人，店員都無停手係咁做，到我同朋友坐低後，大大本既Menu
除左見到既沾麵，仲有飯和其他湯拉麵及餃子等小食，但鑑於我朋友話呢度湯拉麵唔好食，最後我決定簡左香辣沾麵試試！不得不提呢度既沾麵原來有得簡size，100，200同300g共3種選擇…而且係同一價錢架，唔清楚份量有幾多？平時你係街食意大利粉一碟就係100g左右，我就貪心性格要300g，另店員都會問番客人個麵要冷上定熱上，我簡左熱上! 同朋友傾下計，
發現原來有教學教你點食沾麵1.夾麵2.浸湯3.加湯4.飲湯，原來食你呢碗麵好似都幾麻煩，睇多兩睇麵都上檯了
如圖所見，有一碗湯同一碟麵，但係上檯時碟麵有啲瀉左出黎，呢樣要鬧！我未沾湯食時夾左淨麵試下，質感煙煙韌韌，唔錯！同時都飲左啖湯，湯裡面有筍，芽菜，香蔥，叉燒等材料整成(加多粒溏心蛋就好喇)…雖然見碗湯紅色好似好辣，飲落其實只係微辣程度，反而有點偏鹹……單獨試完兩樣後，開始如佢既教學咁食先，夾一注麵…放湯浸浸沖過涼，拎起擺落口，呢個過程要温柔啲，因為我食得較粗魯，係上述動作攪到啲湯汁彈到四圍都係…浸過湯既麵條食落比頭先更煙韌，而且多一種爽口感覺，加上頭先偏鹹既湯汁遇上味道淡淡既麵條又恰如其份，味道剛好！隨著麵條漸冷，冷縮熱漲既關係，冷既麵條索左温熱既湯汁，反而越食越好味，如是者食左約200g麵都開始飽！！正常男人份量……當麵食完後，揚手叫店員加湯，店員會係果碗湯汁加上奶白色既湯水，等客人直接把湯汁當湯飲左去，雖然碗湯汁加左湯水好似溝淡左，但味道都係咁鹹 ，湯都係小飲為妙，整體中規中矩。張貼
