更多
2016-04-25
6258 瀏覽
之前參加左朋友囡囡嘅一歲生日派對，小朋友生日party通常都係麥記攪，係鏞記攪我就真係第一次見。第一次黎鏞記貴賓廳，印象唔錯喎！地方高雅寬敞，仲放到backdrop同氣球做影相區！生日宴菜單上第一道菜前，先黎一碟溏心皮蛋同自家製酸薑，作為開胃菜一流！第一道菜係炭燒家鄉雛鵝乸，表面睇係隻炭燒燒鵝，但其實係有香菇釀左入燒鵝裡面，充滿炭香同香菇味，皮香肉嫩，侍應話呢個菜式係需要預訂先有得食！主人家果然豪爽，呢個鍋仔花膠燒排翅，一人一鍋，感覺好矜貴。排翅份量足，一夾起個個都「嘩嘩」聲，花膠仲又厚又嫩滑，而且湯底濃郁，真係無得輸呀！蝦子冬筍明蝦球，蝦球大大粒而且爽口彈牙，至於冬筍我就唔食嘅，不過旁邊親友都大讚冬筍味道清新，最後成碟清哂，我估應該都唔錯。原條清蒸大紅東星斑，咁大條魚蒸到啱啱好，魚鮮肉滑，師傅掌握火候嘅功夫真係好掂！荔芋鮮明帶子盒，外層酥脆，芋泥中間包住大大粒帶子，香口得黎唔會太滯，係好考功夫嘅傳統手工菜之一。食完煎炸嘢，黎個清清地嘅銀杏三耳(黃耳、榆耳及木耳)扒豆苗，簡單菜色，味道清新，而且炒得夠火喉。八寶紅鱘，最初以為紅鱘係魚配糯米飯，原來係膏蟹，呢隻紅鱘單係蟹蓋已經大過我隻手掌
生日宴菜單
上第一道菜前，先黎一碟溏心皮蛋同自家製酸薑，作為開胃菜一流！
第一道菜係炭燒家鄉雛鵝乸，表面睇係隻炭燒燒鵝，但其實係有香菇釀左入燒鵝裡面，充滿炭香同香菇味，皮香肉嫩，侍應話呢個菜式係需要預訂先有得食！
主人家果然豪爽，呢個鍋仔花膠燒排翅，一人一鍋，感覺好矜貴。排翅份量足，一夾起個個都「嘩嘩」聲，花膠仲又厚又嫩滑，而且湯底濃郁，真係無得輸呀！
蝦子冬筍明蝦球，蝦球大大粒而且爽口彈牙，至於冬筍我就唔食嘅，不過旁邊親友都大讚冬筍味道清新，最後成碟清哂，我估應該都唔錯。
原條清蒸大紅東星斑，咁大條魚蒸到啱啱好，魚鮮肉滑，師傅掌握火候嘅功夫真係好掂！
荔芋鮮明帶子盒，外層酥脆，芋泥中間包住大大粒帶子，香口得黎唔會太滯，係好考功夫嘅傳統手工菜之一。
食完煎炸嘢，黎個清清地嘅銀杏三耳(黃耳、榆耳及木耳)扒豆苗，簡單菜色，味道清新，而且炒得夠火喉。
八寶紅鱘，最初以為紅鱘係魚配糯米飯，原來係膏蟹，呢隻紅鱘單係蟹蓋已經大過我隻手掌，蟹蓋同肉身都充滿蟹膏，好甘香！肉質亦結實飽滿👍🏻。同佢一齊整嘅糯米飯吸盡蟹嘅精華，超好味！
個麻婆炆米認真夠壯觀，似足個巨型雪花冰，全枱人即刻比相機食先☺，呢度菜好講究，點食法？侍應要好有技巧同心機咁將麻婆豆腐汁同米粉攪勻，唔可以燶底、動作要快、時間要準，整體味道都好ichiban！
美鵝相輝係煎堆同埋鵝做型嘅兩款點心，做得好精緻。 唔講唔知，原來鵝型點心就係蘿蔔絲酥餅，好味道。
你睇下對鵝幾cute！呢個煎堆皮薄餡靚，外面炸得香脆，裡面包住熱辣辣嘅奶皇餡，咬落煙韌，甜度適中，正！
最後黎一碗合桃露湯圓，應該係用生磨合桃，所以合桃味好濃，食落好滑又唔係好甜，啱晒我口味。
好耐冇食過咁豐富同好味高水準酒席，大滿足！下次屋企人有party 都一定會諗起黎鏞記！
張貼
