更多
2015-10-29
5187 瀏覽
喺中環返工,成日都會去鏞記食Lunch,不過自從地面裝修之後都無去過,近日見佢終於開返,急不及待要同同事去食個lunch,睇吓個新裝修係點。 終於開返喇! 門口同以前一樣,不過踏入大堂,感覺真係唔同晒,寬敞咗同摩登咗,仲加咗卡位,感覺煥然一新。幾位靚姐喺門口好熱情咁問我地幾多位,之後就帶咗我地去長枱嗰邊,張長枱對住燒味檔,一邊食一邊見到師傅切燒味,感覺有啲似外國嘅Chef table。 同以前一樣咁旺場 以前嘅茶係一壺壺上,而家就一人一杯私家茶,幾有特色!個杯仲有埋杯蓋保暖,成件事又開心咗! 嚟到鏞記,繼續叫返我嘅必食燒味飯,就係燒鵝油雞飯啦(HK$95)。今次再叫埋上湯魚尾雲吞(HK$45)同家鄉肉丸粥 (HK$50),再一人嗌咗碗例湯(HK$26)。 碟頭飯嘅賣相比以前靚咗同精緻咗好多,我最愛嘅燒鵝就同以前一樣咁正!加埋老火例湯蕃茄薯仔煲雞,簡直係絕配呀! 家鄉肉丸粥,鐘意食粥既人都知,粥底係靈魂,要足料熬製,先會夠綿夠火候同入味,加埋滑滑嘅肉丸,大滿足。 本來已經飽飽地,不過嚟到又唔可以唔食魚尾雲吞,佢地呢度嘅魚尾雲吞做得夠正宗,一口一粒size剛剛好,雲呑結唔會太實,湯底充滿蝦
終於開返喇!
門口同以前一樣,不過踏入大堂,感覺真係唔同晒,寬敞咗同摩登咗,仲加咗卡位,感覺煥然一新。幾位靚姐喺門口好熱情咁問我地幾多位,之後就帶咗我地去長枱嗰邊,張長枱對住燒味檔,一邊食一邊見到師傅切燒味,感覺有啲似外國嘅Chef table。 同以前一樣咁旺場 以前嘅茶係一壺壺上,而家就一人一杯私家茶,幾有特色!個杯仲有埋杯蓋保暖,成件事又開心咗! 嚟到鏞記,繼續叫返我嘅必食燒味飯,就係燒鵝油雞飯啦(HK$95)。今次再叫埋上湯魚尾雲吞(HK$45)同家鄉肉丸粥 (HK$50),再一人嗌咗碗例湯(HK$26)。 碟頭飯嘅賣相比以前靚咗同精緻咗好多,我最愛嘅燒鵝就同以前一樣咁正!加埋老火例湯蕃茄薯仔煲雞,簡直係絕配呀! 家鄉肉丸粥,鐘意食粥既人都知,粥底係靈魂,要足料熬製,先會夠綿夠火候同入味,加埋滑滑嘅肉丸,大滿足。 本來已經飽飽地,不過嚟到又唔可以唔食魚尾雲吞,佢地呢度嘅魚尾雲吞做得夠正宗,一口一粒size剛剛好,雲呑結唔會太實,湯底充滿蝦子同大地魚清香,飲完仲有陣陣回甘,忍唔住成碗湯飲哂!
我地今餐連茶錢同加一,總共食咗HK$288,平均一個人$150有找,相當合理。以中環呢區食lunch嚟講,有咁嘅水準、環境同服務,算係好唔錯!下次可以再Encore!
張貼