翠華餐廳 (已結業)

今日經過見翠華餐廳開翻喔，好耐無食呢度既海南雞飯喇，心思思想食，甘啱lunch time，一於食呢個喇。 翻新後環境變得更靚，增左好多美食，不過我系嚟食海南雞飯既，新野下次再試喇。服務態度真系麻麻地喇，個店員拎左杯凍水比我，問佢有無溫水，竟然當聽唔到，理都唔理我。影真嬲！今時今日咁既服務點得架！海南雞飯味道一D都無變仲系甘正，雞既份量好足，雞肉好鮮嫩好滑火喉又啱啱好，雞皮好薄夠瘦身食起來唔會好漏。雞睇落去好淡色，但系好入味，配埋又香又軟既米飯，好食到唔識講，怪唔得我對佢情有獨鐘喇。個湯就麻麻地，我唔系幾鐘意。另外叫咗杯熱奶茶，茶香奶滑好地道。唔知系太餓定系太耐無食，食完仲有個飯都未夠飽咁，就點多個豬仔包。豬仔包睇落好普通，就系烤麵包再系上面塗層牛油，不過都好好食，食起就知道火候控制得好好，好鬆脆加埋奶油甜味，擦出美味既火花。