筷子記

營業中

休息中

每次都一定叫沙嗲汁撈油麵，餸通常都必叫包心魚肉卷，馬交魚肉同麻辣豬頸肉。有時就會叫青春魚肉腐皮卷同瑞士雞翼。我會比較少叫D本身多水份既餸例如係生菜同魷魚，因為唔想有太多水整淡左D美味既撈麵汁。附上一張相係同事叫既組合（生菜、魚蛋、冬菇撈茄汁米粉）跟據當時人既評語都感到佢覺得唔太好味。每次叫沙嗲汁因為覺得隻汁香得尼帶甜味，怕辣既朋友應該都食倒。試過一次加辣汁，雖然幾好味，但我個人食到馨晒，個心都熱埋，係好刺激的，我會推介鍾意食辣既朋友一試但我就食唔倒了。包心魚肉卷係類似切片日式魚蛋既樣子，不過係魚肉包住豬肉，口感同味道我都中意^^馬交魚肉就有點似打邊爐既魚滑（或生菜魚肉）咁既做法，形狀係不規則既條狀，絕對無魚腥味，口感竟還有些像墨魚丸（條）。麻辣豬頸肉其實無想像中咁辣，可能係因為俾甜甜既沙嗲汁中和左，但相當入味，而且肥瘦參半，屬好味之選。飲品方面，我會推介佢既無花果蜜，聽個名已經覺得特別，不過較甜。