筷子記

營業中

休息中

每次去澳門都會食當地嘅麵店同茶室，最愛鴨紅菜麵、沙爹尤魚麵，辣魚包 和 豬扒包。唔想坐一個鐘頭船程兼慳番船票錢，就會間唔中光顧筷子記。其實好似香港嘅車仔麵，枱上面有order紙按喜好揀粉麵、餸、醬汁和飲品，可選湯麵或撈麵。撈麵碟上，隻碟好特別細個買腸粉食嗰時見過，依家好少見囉。今次兩個人揀咗 1.豬皮、片頭、腩肉、蘿蔔沙嗲汁撈粗， 2. 麵筋、魚腐、肉羹、冬菇沙嗲汁撈幼麵。車仔麵嘅好處就係滿足你所有嘅慾望！ 有幾款餸我都鐘意，腩肉出奇地好味又唔太肥，麵筋質地軟淋淋索晒湯汁，魚腐都好味又係吸收晒啲湯汁。麵嘅份量幾多，原先想叫辣魚包不過太飽喇唯下次再試過。