更多
2015-02-06
3425 瀏覽
茶餐廳既常餐係最多人叫的，亦係最簡單易做的。要睇一間茶記既基本功同有冇心機去做，就要睇佢個常餐啦。華星冰室一向以常餐聞名，但係呢度個常餐居然比華星仲好食！所謂既常餐，都係指通心粉、煎蛋/炒蛋、腸仔火腿午餐肉等等。再配一杯又濃又滑既奶茶，咁就perfect啦。好可惜我唔好奶茶 ，如果唔係我都試下呢度啲奶茶。一入門口，場內裝修非常懷舊，好似返左去細個果陣時啲冰室咁。地下的小石磚、天花上的吊扇、牆上的假窗，一切一切都很有味道。惟店內員工好似睇唔到人咁，叫極都唔應人、又唔算非常繁忙，最終要叫人叫左6-8分鐘先有人落單。我叫左個常餐，$39，貴華星1蚊。叉燒通粉，同華星比，好明顯個湯係夠味好多，呈現淡奶白色唔似出面有啲餐廳湯底似清水。食通粉最怕就係好粉、或者好硬。呢度個通粉texture 剛剛好，擺入口唔會散開曬。叉燒唔會煮過頭、煮到冇曬味同乾曬，仲保留到甜甜地同有肉汁。而份炒蛋火腿多士係意想不到咁好食。華星炒蛋真係出曬名，我之前都食過幾次，好滑好有蛋味但近日份量明顯係減少左。估唔到呢度個炒蛋都唔會比華星差，除左唔會炒到好散之外，亦夠曬滑同濕潤。各位可以見到圖中既多士上面塗滿左厚厚既牛油，呢樣絕
所謂既常餐，都係指通心粉、煎蛋/炒蛋、腸仔火腿午餐肉等等。再配一杯又濃又滑既奶茶，咁就perfect啦。好可惜我唔好奶茶 ，如果唔係我都試下呢度啲奶茶。
一入門口，場內裝修非常懷舊，好似返左去細個果陣時啲冰室咁。地下的小石磚、天花上的吊扇、牆上的假窗，一切一切都很有味道。惟店內員工好似睇唔到人咁，叫極都唔應人、又唔算非常繁忙，最終要叫人叫左6-8分鐘先有人落單。
我叫左個常餐，$39，貴華星1蚊。
叉燒通粉，同華星比，好明顯個湯係夠味好多，呈現淡奶白色唔似出面有啲餐廳湯底似清水。食通粉最怕就係好粉、或者好硬。呢度個通粉texture 剛剛好，擺入口唔會散開曬。叉燒唔會煮過頭、煮到冇曬味同乾曬，仲保留到甜甜地同有肉汁。
而份炒蛋火腿多士係意想不到咁好食。華星炒蛋真係出曬名，我之前都食過幾次，好滑好有蛋味但近日份量明顯係減少左。估唔到呢度個炒蛋都唔會比華星差，除左唔會炒到好散之外，亦夠曬滑同濕潤。
各位可以見到圖中既多士上面塗滿左厚厚既牛油，呢樣絕對絕對係比華星優勝。拿冇坤大家，冇photoshop 過，啲牛油真係多到流曬出黎架！！！
如果俾多一蚊，我寧願食呢度啦，完全勝在通粉之上。不旓過兩間茶記都稍稍貴左些少，食個茶餐都要貼新40蚊。真係懷念果陣物價較低既時光。
張貼