小南國 (已結業) 查看

中環萬宜小南國服務差得很。 首先，落單時要係個滙豐咭大閘蟹餐的頭盤𢵧兩樣，負責訂枱的朋友問九個人有四碟，有四款，每樣一碟，部長話唔得，四碟都只可𢵧兩款。咁朋友就放個餐牌上轉盤叫我哋𢵧，我只答了一句話我無所謂，叫訂枱個朋友𢵧，跟住個部長就好晦氣咁話，你哋唔𢵧我落唔到單。 九個人，開咗壼普洱茶，叫開多壼香片又叫幾次。 九個人，第一盤大閘蟹上十三隻，之後隔好耐再上五隻？點解唔九隻九隻上？或者一次過十八隻？個鍋唔夠大蒸晒十八隻？真係唔知喎！ 其實九人坐十二人枱好鬆動，做乜係都要係我個位上菜，上菜呀姐多次差點批踭我個頭，我要不停閃開，其實隔兩張櫈無人坐，你去嗰度上會好好多，枱與枱又離好遠，大條路比你行過去。 個阿姐收食完蟹的碟，點知係我櫈後不小心倒了一地蟹殼，佢執起個碟，然後一地蟹殼到我哋走都無人清理。 入主題，食兩隻公(聽講九月圓，十月尖)都無白色膏。黃色膏亦不香。大閘蟹是這次聚餐主角，主菜令人失望。 炸黃魚好食，除了中間一大條骨之外，整條連小骨也能吃而且味道不錯，魚肉也不乾。 東坡肉也好吃，不過同一間食肆也有參差，好耐之前係呢度食過東坡肉係唔好食的，今次好食。