更多
2015-10-08
3689 瀏覽
名人坊高級粵菜由當年富商林伯欣既家廚鄭錦富先生主理, 名菜多不勝數: 燕窩釀雞翼, 清湯/紅燒牛腩, 富哥炒飯, 名人蛋...以及一系列既小菜.在下幸運地, 都算叫食過香港大部分高級中菜, 龍景軒, 福臨門, 明閣, 浙江軒...等等等...若只論食物味道, 喺在下心目中, 頭2名必為這裏 - 名人坊高級粵菜 及 跟這裏幾十步之距既 大班樓. (至於第一屬誰, 還得多試幾次...這裏的粵菜實在做得令人驚嘆! 來過這裏已不下五次, 在下不才, 未搵到大錢, 試唔到餐牌裏面既貴價菜式(鮑參翅肚), 每次都係食午飯套餐/ 小菜, 但這已足夠俘虜在下...餐廳在九如坊蘭桂坊酒店1樓, 九記牛腩附近, 蓮香樓行上DD. 不過係中環/上環地鐵站行過去都要大約10-15分鍾. 今日友人渣車先去銅鑼灣, 再打的, 十分方便~今餐主要係一盡地主之誼, 友人女友遠道從馬來西亞來探訪, 並曾提及過想試試地道廣東菜, 哈, 實在没有比這裏更適合的餐廳.今日可能係中秋翌日, 1點到餐廳都只係得小貓三四隻. 甫出電梯就見到一個小櫃放左幾本米芝蓮書, 同一本俾名人簽名既簿, 翻開見到一眾高官都曾經係座上客, 梁愛詩
在下幸運地, 都算叫食過香港大部分高級中菜, 龍景軒, 福臨門, 明閣, 浙江軒...等等等...若只論食物味道, 喺在下心目中, 頭2名必為這裏 - 名人坊高級粵菜 及 跟這裏幾十步之距既 大班樓. (至於第一屬誰, 還得多試幾次...
這裏的粵菜實在做得令人驚嘆! 來過這裏已不下五次, 在下不才, 未搵到大錢, 試唔到餐牌裏面既貴價菜式(鮑參翅肚), 每次都係食午飯套餐/ 小菜, 但這已足夠俘虜在下...
餐廳在九如坊蘭桂坊酒店1樓, 九記牛腩附近, 蓮香樓行上DD. 不過係中環/上環地鐵站行過去都要大約10-15分鍾. 今日友人渣車先去銅鑼灣, 再打的, 十分方便~
今餐主要係一盡地主之誼, 友人女友遠道從馬來西亞來探訪, 並曾提及過想試試地道廣東菜, 哈, 實在没有比這裏更適合的餐廳.
今日可能係中秋翌日, 1點到餐廳都只係得小貓三四隻. 甫出電梯就見到一個小櫃放左幾本米芝蓮書, 同一本俾名人簽名既簿, 翻開見到一眾高官都曾經係座上客, 梁愛詩, 梁振英, 曾蔭權... 唔知幾時先可以到在下簽名留字呢??? 哈哈~ 今次被安排坐喺餐廳偏廳, 侍者基本門面功夫做足, 派餐牌, 簡單介紹, 開茶.
這裏的行政午餐最抵食, 只賣$198, 包一碗例湯, 炸妙齡乳鴿, 小菜3簡1 (蒸魚/ 琵琶豆腐/ 梅菜扣肉), 白飯, 一碟菜, 一個甜品....真係抵到爛... 叫了三位午餐, 加了$120蚊upgrade左白飯做半鍋富哥炒飯. 餐廳經理同在下都算有D交情~ 所以只係加左30蚊, 換來了3款tasting portion的小菜 (有齊琵琶豆腐同梅菜扣肉, 再加一個欖菜肉鬆四季豆), 而在下訂位時已給友人他倆預訂了2隻燕窩釀雞翼.
FOOD AND COMMENTS:
Menu: Executive Lunch Set x 3 + A La Carte
1st Dish: 苦瓜排骨煲黃豆
這裡的老火例湯不容錯過, 用料十足, 不落任何味精. 今日既湯苦瓜排骨較為濃味, 苦瓜既味道十分"出", 只係略嫌落鹽重手左... 飲到一半同餐廳經理反映, 佢即時跟進, 番入廚房試味後亦都認同我們所說的, 連忙跟在下同友人講對不起, 並告知大廚會即時煲過, 仲好堅持一定要俾我地食完炒飯再嚐試...哈哈, 是臉子問題嗎??
去到最後臨食甜品時, 特意再奉上一碗, 今次咸度剛剛好, nice! 不過其實我地已經好飽了.
苦瓜排骨煲黃豆
117 瀏覽
0 讚好
0 留言
2nd Dish: 蝦餃
友人女朋友喜歡食點心, 特意點一籠蝦餃. 上枱時, 老實說, 賣相並不佳 (冇咩光澤, 俾人一種幾頹的感覺), 有一隻塊皮仲穿左添... 但這裏的食物是不能以貌取人的...
皮夠薄, 唔痴口, 蝦經過少許調味, 但亦能保留到香濃蝦味, 肉質爽口, 味道出色, 好食! 不過, 若論全城最好味的蝦餃, 還要數灣仔福臨門 - 荀尖鮮蝦餃, 至今未逢敵手.
蝦餃
$48
114 瀏覽
0 讚好
0 留言
3rd Dish: 琵琶豆腐
強烈推介! 琵琶豆腐是一道很傳統的菜式, 街外餐廳很常見, 但就以這裏做到最好! 街外通常係大量魚肉, 只放少許豆腐, 而呢度則將豆腐捧為主角, 佔了大約4分3既分量, 外表輕輕炸到脆一脆, 入面保持豆腐既嫰滑, 少用左魚肉, 炸既時間變相減少, 所以一D都唔燶, 塊外皮主要係為滑溜既豆腐製造少許不同既口感.
呢度冇用茨汁, 反而提供了醋同椒鹽, 俾食客自己調味. 友人女友十分喜愛呢道菜, 大讚有水準兼特別!
琵琶豆腐
108 瀏覽
0 讚好
0 留言
4th Dish: 生炸妙齡乳鴿
又係呢度既名物, 先講乳鴿, 果真妙齡, 一放落口就分辨得出, 汁多肉嫰~ 出面好多餐廳都Self Claim係妙齡...但食落又老又鞋又乾...分明就係一隻老鴿, 扮後生!
呢道菜式最考功夫既就係...乳鴿本身...隻鴿唔嫰, 神仙都難救!
笑話一則: 之前黎食, 侍者強調呢度D乳鴿係生炸..."生炸"???...在下同友人呆左, 眼都突埋...生炸? 者係點??? 監生掟隻乳鴿落滾油炸熟佢...? 咁殘忍??? 所以先咁好食????? 唔X係嘛...
原來生炸係指....將隻鴿, 由未煮過炸到熟到食得為止...中間冇蒸冇煮過...如生炒糯米飯, 由生米炒成熟飯.
餐廳好細心預備晒手套紙巾濕紙巾, 值得一讚! 在下喺其他人既食評見到可以將乳鴿原隻上免切, 望到都流晒口水.
生炸妙齡乳鴿
121 瀏覽
0 讚好
0 留言
5th Dish: 紅燒牛腩
牛腩, 就係令在下愛上呢度既主要原因...容許在下用3句說話表逹佢既好味道:
1. 在下從來都未食過咁好食既牛腩!
2. 真係好食到你唔相信!
3. 如果你搵到更好味的, 話俾在下知, 在下找不到!
第一次黎食飯, 侍者好努力推介在下試一個清湯腩, 本身十萬個不願意, 黎呢度食牛腩? 說笑吧, 我不如一陣食完落去九記仲好啦... 不過見佢誠意拳拳加上半逼半氹, 即管試一次啦... 食完, 驚為天人!!! 當時果幾舊牛腩好食到呢...在下既表情, 以為拍緊周星馳套食神...
在下唔敢講呢度既紅燒汁/ 清湯是否天下第一, 但牛腩確實為舉世無雙. 選用牛坑腩, 略帶一點肥 (所以那一陣牛肉香十分濃郁), 而那塊肥, 並不是一整舊在肉旁, 而係分怖均勻, 打個比如~ 像和牛. 唔講既話, 在下還以為用緊A4和牛燜牛腩, 點解唔係A5? 因為淋得黎還嚐到牛腩既細緻肉質紋理, 不致於含住一舊牛油, 此乃在下認為燜牛腩之最高境界, 燜到夠入味, 夠淋, 但唔會淋到爛.
曾經問餐廳點解可以咁好食: 餐廳經理答: 我地餐廳其實同隔離既九記牛腩用同一幅牛腩, 佢地要肥果部分, 在下立即搶口: 咁你地者係用瘦果部分啦~
她說: 唔係~ 我地係用靚果部分~ 哈~ 吹漲~
除了牛腩, 裏頭還有牛筋, 也很出色, 但以牛腩的驚喜最大!
呢度菜式還有另一個主角 - 白蘿蔔, 燜得入味不多說, 本身既甜度已經夠俾驚喜大家. 唔好睇佢大大兜, 友人, 友人女友, 在下喺向經理大讚呢道菜既同時, 已瞬間將佢消滅.
鄭師傅既煮功加靚食材, 就如倚天加屠龍...出面邊有得比...九記都要讓一讓位...絕冇誇張成份!
紅燒牛腩
129 瀏覽
0 讚好
0 留言
極邪惡的食物, 餐廳經理呢隻惡魔, 太可惡了! 將每款小菜變成tasting portion 俾我地試, 在下特登點琵琶豆腐就係怕自己失控點左呢個邪惡之物...最後被奸計得逞...
扣肉, 一層肉, 一層肥, 看賣相已經知道哪有不好食的理由. HAE講就係入口即融, 專業既講法就係食緊佢既melting point~
但在下想提一提, 一道梅菜扣肉是否高質, 並不只看扣肉, 梅菜才是用來分高下. 肥豬肉做到入口即融不難, 梅菜都煮到就是高手, 而這裏做的就是教材! 靚既梅菜, 經長時間燜煮, 窩內還保持到其形狀, 但用筷子一夾就知真偽了, 在下誠意推介.
幸好没點白飯...否則GG了...連一滴汁都唔會放過.
梅菜扣肉
$10
108 瀏覽
0 讚好
0 留言
7th Dish: 燕窩釀雞翼
這裏的成名之作, 也是手功菜. 先將雞翼去骨, 再釀入用雞湯煨過的燕窩入去, 然後拎去炸! 燕窩給得一點都不吝嗇, 塞到滿滿的.
一疏疏既燕窩伴著雞翅, 味道還好吧. 菜式無疑是很特別, 很少在街外找到, 非常值得一試. 但像廚魔既份子小籠包一樣, 試過便算了, 在下食過兩次也冇再叫了, 始終不便宜, 120蚊一隻, 雖然價錢已是超值, 因為手功費心機都唔止, 但有些東西試過便好了.
燕窩釀雞翼
$120
102 瀏覽
0 讚好
0 留言
燕窩釀雞翼
211 瀏覽
0 讚好
0 留言
8th Dish: 上湯菜心
上湯菜心, 菜心是上等貨色, 面頭放了丁點金華火腿調味, 清清地, 為食過既濃味菜式清一清口腔.
9th Dish: 欖菜肉鬆四季豆 (半份)
又係一道小菜既Tasting Portion, 在下唔係太識得欣賞 (唔係唔好味, 只係在下唔識分好同壞). 但友人好喜歡, 差唔多食晒成碟.
欖菜肉鬆四季豆
$10
83 瀏覽
0 讚好
0 留言
菜式冠上自己的大名, 絕對是信心的保證. 炒飯用料簡單, 金華火腿, 蛋, 蔥, 蝦, 就係咁多~ 前三者切到好fine, 大約係每粒米的一半, 心機菜是也.
炒飯講求粒粒分明, 這裏做到, 不少高級中菜廳都做到; 但炒到每粒飯外面乾身, 內裏保持軟熟, 就少之有少了, 每次黎呢度都會叫富哥炒飯, 次次保持水準, 没有失手.
另外, 最怕食炒飯食到最後窩底都是油, 這裏完全没有這個問題. 炒飯味道簡單直接, 加埋枱上少許自家制的XO醬, 又是另一道人間味美. 在下本身都好飽, 還有點擔心會食唔晒個飯, 浪費廚師心血, 但最後都食左三碗, 清晒...連相都唔記得影...sad
有人曾經在網上批評呢個飯呃錢, 收人$240蚊一窩, 用料郤只是普通貨色. 請注意, 不要放錯重點, 富哥炒飯賣的是鄭師傅多年的經驗, 這是用再多的金錢也難買到 (起碼在下分別付了差不多四百個大洋, 食過3星龍景軒及2星欣圖軒既炒飯, 也不及這裏一半如意).
炒飯, 最能見真章!
11th Dish: 陳皮紅豆沙配芝麻湯丸
實實在在的一碗紅豆沙, 没有什麼花巧, 甜度適中, 稀杰剛剛好, 起沙是基本要求. 亮點不用說也知道是陳皮的香味, 未食放在枱邊都聞到, 放落口更是不得之了. 芝麻湯丸中規中矩, 皮夠薄, 芝麻香亦足!
在下跟友人開笑說, "陳皮紅豆沙"本應如此.
只怪街外有些做得差的, 雖掛著"陳皮紅豆沙"的名, 卻没有陳皮香, 稀到仿佛似溝水, 冇沙可言, 剩下的只有沙糖的甜和粒粒還未熟透的紅豆, 這...哪是人食的...狗都唔食....
陳皮紅豆沙
99 瀏覽
0 讚好
0 留言
1. 普洱茶 (Price: $20 茶錢 (每位))
OVERALL COMMENT
FOOD AND BEVERAGE
喺食物味道上無可挑剔, 每次來食飯, 在下也覺是完美之作. "隱世廚神"這個名銜 (多謝友人TM幫在下搵到個"銜"字點寫...執筆忘字...), 鄭錦富先生當之無愧!
若要在雞蛋裡挑骨頭, 上菜速度倘有改善空間. 不知是否我們差不多有成11道菜, 菜上得比較急 (或者係在下跟友人食得有D慢...掛住傾計). 食到中段放到成枱都係餸, 攤凍左可能對味道有少少影響, 不過情況並不嚴重.
另一個未能在食物方面拎滿分既原因係喺餸菜賣相方面, 在下同友人有不同的意見, 在下覺得呢度既食物跟環境, 跟師傅的為人一致: 平淡踏實, less is more. 友人則覺得過於單調, 没有精啄細磨, 欠缺了兩星米芝蓮應有的賣相. well, 各花入各眼吧~
ENVIRONMENT
一如在下標題: 實而不華. 這裡不似玉蕾及其他酒店中菜廳, 没有金雕玉砌, 但裝修倘算雅致, 坐得舒服. 雖然當日餐廳差不多滿座, 但在下坐果個area得3張枱, 一張我地, 一張2人枱, 一張6人枱 (大部分仲係鬼), 所以唔覺嘈, 可以靜靜食呢餐飯.
唯一可能有不足的地方係洗手間, 唔係唔乾淨, 只係如果可以係呢個位再裝修得好一點會更好, 友人就因此在呢欄扣了一點分.
SERVICE
各侍者做得不錯, 斟茶換碟清枱樣樣做齊, 笑容禮貌細心都見到. 當然, 跟半島felix確實還有距離, 但也能給到窩心的感覺.
至於餐廳經理, 不記得是否叫May (在下經常忘記東西), 十分親和細心, 每每都察覺到客人的需要, act before ask, 客人還未出聲, 已經把事處理好, 或許, 這就是經驗. 她完美演繹了"賓至如歸"呢四個字: treat your customers as your guests. Guest 指來家作客的朋友, 對待你的客人如同你家的座上客, 這是比專業更高一個境界, 因為她, 成餐飯食得更開心, 亦為整個dining experience 錦上添花!
唯一可再改進的是, 電話take booking的先生, 可以更有禮貌, 更有manner, 始終呢個係同客人的first contact point, 請注意..
WORTHINESS
經理的好客, 加上差不多試勻成個午餐所有美食, 如果連雞翼都唔叫, 一千蚊都有找, 所以真係好抵. 捧住個肚走, 又飽又滿足!
多謝友人同友人女友賞臉呢餐飯, 下次在下來馬來西亞再作探訪, wish you an enjoyable time in Hong Kong!
張貼
