更多
2013-11-15
4471 瀏覽
軟殼蟹手卷同D紫菜都好脆, 應該係炸好左軟殼蟹放得夠凍先包手卷,所以好脆芥辣魷魚好夠辣非常好食~泰式蝦壽司,火灸三文魚壽司, 鰻魚壽司三款都無咩特別播~刺身有柱貝,甜蝦,象拔希靈魚, 出奇地好食, 夠凍呀!柱貝係由一粒大的切細粒, 味道鮮甜, 夠凍,另外甜蝦亦非常鮮甜, 最值得一讚係你寫幾多, 佢都大約比到你, 所以唔洗經常因為廚房比少左要追加~~清酒任飲的室溫清酒, 第一次飲唔熱唔凍, 估唔到都唔錯呀!淡口的, 其實我平時麻麻地清酒架, 不過呢度的淡淡地反而好o岩我呀!燒物羊架….有羊味, 不過唔太熱燒牛肉串…..麻麻地, 好硬燒菠蘿…..好夠味夠熱, 好好食呀!好似出去BBQ燒果D啊~煱物肥牛煲…..甜豉油湯底加韓式粉絲, 食落好有牛陣感覺, 好食呀!泰式蜆煲…..辣汁檸檬湯底加蜆, 唔怕辣的我完全無問題, 好食呀!臨走前, 由於我地唔知有雪糕糯米滋送,之前果個職員(最初話無位比我地果個)見我地等緊lift,即刻比返每人2粒雪粒糯米滋,為這餐放題畫上完美的句號
軟殼蟹手卷同D紫菜都好脆, 應該係炸好左軟殼蟹放得夠凍先包手卷,
所以好脆
芥辣魷魚好夠辣非常好食~
泰式蝦壽司,火灸三文魚壽司, 鰻魚壽司三款都無咩特別播~
刺身有柱貝,甜蝦,象拔希靈魚, 出奇地好食, 夠凍呀!柱貝係由一粒大的切細粒, 味道鮮甜, 夠凍,
另外甜蝦亦非常鮮甜, 最值得一讚係你寫幾多, 佢都大約比到你,
所以唔洗經常因為廚房比少左要追加~~
清酒任飲的室溫清酒, 第一次飲唔熱唔凍, 估唔到都唔錯呀!
淡口的, 其實我平時麻麻地清酒架, 不過呢度的淡淡地反而好o岩我呀!
燒物羊架….有羊味, 不過唔太熱
燒牛肉串…..麻麻地, 好硬
燒菠蘿…..好夠味夠熱, 好好食呀!好似出去BBQ燒果D啊~
煱物肥牛煲…..甜豉油湯底加韓式粉絲, 食落好有牛陣感覺, 好食呀!
泰式蜆煲…..辣汁檸檬湯底加蜆, 唔怕辣的我完全無問題, 好食呀!
臨走前, 由於我地唔知有雪糕糯米滋送,
之前果個職員(最初話無位比我地果個)見我地等緊lift,
即刻比返每人2粒雪粒糯米滋,
為這餐放題畫上完美的句號
題外話/補充資料：
心血來潮想食放題,
當日17:45打去訂位點知都有位, 訂了18:30好開心,
去到遲左幾分鐘大約18:35,
門口個職員同我講無位,
我即刻反駁話,
“你無位你又比我BOOK? 你覺得我打黎訂位o係唔黎架?”
之後講左一陣, 佢問我地介唔介意低一陣,
因為5點幾入座果D會在19:00走人,
心諗都算啦等佢幾個字, 個心果時有少少頂住…
不過呢個職員轉頭就問我地飲咩野, 叫我地飲住野先啦,
又比定疊紙叫我地畫定食物, 好啦, 做人唔好太計較~~
坐左一陣門口就有位啦,
由於畫得好紙仔所以一坐低就遞得,
而且好快有食物上台.
(以上食評乃用戶個人意見 , 並不代表OpenRice之觀點。)
張貼
