北京樓 (歷山大廈)

營業中

休息中

因為同事有信用卡75折優惠，所以去左哩間食，餐廳環境係好既，坐得好舒服。叫左一個片皮鴨二食，份量多既，鴨唔細，不過好瘦，無乜油香，乾左少少，甜醬杰得好誇張，皮正常。生菜包好食，不過唔算大碟，好夠味。不過無荀，有荀口感更好。蝦多士合桃，哩個要讚，蝦多士新鮮炸又鬆化又有芝麻香，唔油膩，無油益味，蝦膠彈牙。琥珀合桃好脆好香甜，成碟都好完美！拔絲香蕉，糖面厚得制，香蕉半熔好正，，外冷內暖。豆沙窩餅唔店，又厚皮，又凍，豆沙餡又唔夠！最後每人200蚊，價錢折左唔費，不過唔算太好食，眼見全間餐廳一半外國人，可能市場唔係香港人，唔洗做到咁完美咁，如果原價食就唔會黎。