更多
2015-06-25
9905 瀏覽
大佬東次次返香港公司開會，都會搵小弟食番餐晏聚一聚，依啲機會一年都有好幾次。今次約得匆匆，由小弟拍板食乜，就大家近近哋到歷山大廈地庫嘅北京樓，屬美心集團中高檔嘅外省菜館，以往都有幫襯過佢哋其他外省菜館，一向印象良好，環境、服務、食物水準都有番一定水平，但相對，消費就比一般酒家高啲，尤其是晌中環區，今餐就成為一頓矜貴嘅午飯 。嚟得依度食晏嘅大都喺啲OL、中高層人士，所以，以斯文居多，環境無咁嘈雜。一室棗紅色地毡，配米白色牆身，部份以通花白木門相間，滲出點點古雅氣息。好似潮庭、八月居……其他外省菜館一樣，餐具都寧舍精緻優美 。不過，從餐具可見，依間北京樓都開業超過10年，印象中早年好似翻新過，至少門面都唔同晒，然而，杯碟都留下歲月嘅痕跡。 小食：青瓜、豆乾 $28 正等待老友太太嘅時候，食住前菜，講講近況。青瓜爽脆酸香，豆乾淡香咬口，邊食邊談，正好輕易打發一下時間。順帶一提，茶錢收$18位，點咗鐵觀音，貪其唔太濃又醇香。 蘿蔔絲酥餅 $48 一客有3件，啱啱好一人一件，炸得色澤有點深，但絕對夠香夠酥脆，酥餅底沾滿白芝麻，多添一份香味，而且，入口一啲都唔油膩，內裡嘅蘿蔔絲既清
嚟得依度食晏嘅大都喺啲OL、中高層人士，所以，以斯文居多，環境無咁嘈雜。一室棗紅色地毡，配米白色牆身，部份以通花白木門相間，滲出點點古雅氣息。
好似潮庭、八月居……其他外省菜館一樣，餐具都寧舍精緻優美 。不過，從餐具可見，依間北京樓都開業超過10年，印象中早年好似翻新過，至少門面都唔同晒，然而，杯碟都留下歲月嘅痕跡。
小食：青瓜、豆乾 $28 正等待老友太太嘅時候，食住前菜，講講近況。青瓜爽脆酸香，豆乾淡香咬口，邊食邊談，正好輕易打發一下時間。順帶一提，茶錢收$18位，點咗鐵觀音，貪其唔太濃又醇香。
小食：青瓜、豆乾
$28
370 瀏覽
1 讚好
0 留言
一客有3件，啱啱好一人一件，炸得色澤有點深，但絕對夠香夠酥脆，酥餅底沾滿白芝麻，多添一份香味，而且，入口一啲都唔油膩，內裡嘅蘿蔔絲既清甜，又多汁。
蘿蔔絲酥餅
$48
333 瀏覽
1 讚好
0 留言
素菜餃子 $65 煎餃嘅功夫倒無咩特別，味道亦平平穩穩無驚喜，但搓皮嘅手勢及刴菜餡嘅功夫先見真章，餃皮搓得好夠薄，薄到微微透出菜餡嘅翠綠，食落又唔會一糰粉咁；餃內嘅韭菜切得纖細，口感綿綿。
素菜餃子
$65
351 瀏覽
1 讚好
0 留言
清真樓牛肉餡餅 $44 牛肉餅外皮搓得好薄，餅面鋪滿白芝麻，甘香可口，餅內嘅牛肉餡雖然肉汁唔叫得好澎湃，但有點油香，此外，刴得鬆化有咬口，唔會太碎好免治咁，又唔會太散，口感剛好。
清真樓牛肉餡餅
$44
194 瀏覽
1 讚好
0 留言
西檸雞 $108 聰明在於炸雞扒跟個檸檬醬分開上，減低檸檬醬直接淋晌炸雞扒上而整腍啲炸漿皮。粉漿蠻薄，又唔油，雞扒亦富肉汁，個檸檬醬酸甜清新，不過質感太「杰」 ，與其叫醬，不如如膏似啲，依部份令碟西檸雞嚴重失分，亦喺令小弟晌笑臉同OK之間俾分嘅決定因素。
西檸雞
$108
367 瀏覽
1 讚好
0 留言
喜洋洋鮮茄蝦仁鍋巴 $148 蕃茄鮮蝦滿滿一窩，一片驕紅，真有喜洋洋嘅意味，而鍋巴則只有6件，前者酸香鮮活，蕃茄味濃不作假，鮮蝦十分爽口，而整個「茄醬」就咁入口都得喎。至於後者做得好鬆脆，添加蕃茄鮮蝦，非常好食，可恨只有6件咁少。
喜洋洋鮮茄蝦仁鍋巴
$148
197 瀏覽
1 讚好
0 留言
北京六必居炸醬拌麵 $60 炸醬肉末鋪滿成個碗面，伴有切得粗幼如一嘅青瓜絲，將兩者混和撈勻，食落既有肉醬香，又有清爽感，確有齒頰留香之感，而粗身嘅麵條掛滿汁，煙韌有咬口，雖然做法簡單，卻喺好食 。
北京六必居炸醬拌麵
$60
285 瀏覽
1 讚好
0 留言
雖然，叫得北京樓，主打應該喺賣京菜，不過，從餐牌所見，已加入其他地方菜系。我哋亦無話一定要嚐京菜，老友落嚟，志在一聚。事前講明今次有小弟埋單，最後，都被老友截餬，實在唔多好意思 ，因為之前大班樓食晏又喺佢找數 。
張貼
