更多
2014-10-15
2704 瀏覽
係中環夜媽媽經過都唔知食咩, 行過見到未收就行左入去食啦. 坐低先知原來都幾貴, 不過中環嘛, 就算啦. 叫左個餐食, 成個餐都四百幾@@ 有一隻乳鴿, 我都好耐冇食過乳鴿, 以前成日都上大陸食. 哩隻乳鴿比起以前食果D都幾細隻, (唔知係咪細個食咩都覺得好大件嘅關係) 好多骨 又冇乜肉, 仲要係間禁high class嘅餐館度就廢事用手食啦, 用刀叉食就唔係好方便啦... 不過D汁先係賣點 好似係. 真幾好味嘅, 果個係瑞士汁, 甜甜地咁幾好味, 不過可惜嘅係隻乳鴿唔係好入味, 嘥左個汁 另外個餐仲有籠點心, 一個係黑松露豬肉燒賣, 黑松露味唔夠出, 不過其實佢得幾粒係個面度, 都預左唔會好有味. 一個係普通蝦餃, 真係普通, 冇咩特別. 一個係菠菜粉果, 所以個皮就係綠色啦, 不過其實我食唔出有菠菜味xd 仲有一碟茄汁意粉, 有蝦果d, 冇乜送, 有d齋, 個汁又唔係好夠, 愈食愈覺得好乾... 個餐仲有餐包同餐飲嘅, 係個二人餐, 不過我都係覺得好貴, d野其實唔係好特別, 不過食環境咯, 個FEEL的確好high class嘅~
張貼
