Trattoria Doppio Zero (已結業)

今日相約兩位友人食晚飯。一入到餐廳就有位好親切嘅鬼妹帶我地入座😍環境暗暗地靜靜地幾有情調，都幾適合情侶約會。 落完單就黎左份包，不過不失啦冇特別~ 我地點左份雞鴨肝醬，店員稱因為鵝肝製作過程殘忍 所以使用雞鴨肝~ 個醬完全唔漏 醬上面仲落左紅酒 配埋多士食簡直一流！個醬份量仲要好足，差啲食唔曬！係略嫌多士燶了少少。再黎就係呢個炸芝士豬肉球。食落芝士味唔太燶，個豬肉味十足，熱辣辣脆脆地配埋個酸酸地嘅汁又係好好味！之後就到呢個紅菜頭意大利餃。連一向唔中意食紅菜頭嘅我都覺得非常回味！紅菜頭加芝士釀埋一齊好甜 面頭兩淋上creamy嘅白汁，夾到不得了，必叫之選！跟住就到甜品喇 反而甜品冇主菜咁出色。呢個espresso加雪糕都算好味 上面塊花生醬餅乾最好食 可惜得一小塊 唔夠分！第二個甜品就係呢個粟米布丁加雪糕。呢個真係唔係個個接受到 布丁比較似叮熱左嘅牛油粟米😷不太開胃一般般。