Trattoria Doppio Zero (已結業)

今晚提早同老公慶祝拍拖紀念，一早上網揾餐廳。之後見到呢間餐廳食評都幾好，所以book左呢間餐廳。7:30到餐廳嘅時間冇咩人，亦都唔需要等位。啲侍應服務好好，又有禮貌。坐低之後侍應好有耐性咁介紹有咩好食，最後落左幾款侍應介紹嘅菜式。等左幾分鐘之後啲嘢食就到。整體來說餐廳服務，環境，食物質都好好，下次會再去 第一道:番茄蒜蓉多士同紅菜頭多士，味道很好。 第二道:火腿蛋沙律。賣相唔錯，味道一般。可能本身對沙律唔係好大興趣 第三道:雞鵝肝醬搽麵包。個醬搽喺麵包上食，味道好夾。但麵包數量有啲少，浪費左個醬。 第四道:紅菜頭芝士雲吞。食落口好香嘅紅菜頭味，有少少甜味的話唔錯。 第五道:牛骨髓雲吞。味道同普通餃子冇分別，個人都係鐘意紅菜頭雲吞 第6道:黑毛豬扒。個汁唔錯但分量少左啲，肉質鮮美都值得一食。 第七道:銀鱈魚。味道適中，魚肉嫩滑 最後就係飯後甜點，係咖啡雪糕。食時將咖啡倒入雪糕中，令雪糕有好香嘅咖啡味。最後配上呢味甜點做晚餐完結非常滿意。