更多
2016-02-05
791 瀏覽
收爐的團年飯選擇在金都渡過,BOOK 左十二點半,去到就開到位俾你。由於叫左好多野食,以下都係節 錄左部分。燒腩仔肥瘦都適中,不過就鹹左D,皮唔夠脆,而且無黃芥末呢個必備的拍檔。燒鴨半隻跟鮮茄雞球米線($108),其實最抵食呢個,有鴨有雞有蕃茄,鴨肉多汁雖然皮唔脆,米線份量唔吝嗇,湯底清,食得出係鮮蕃茄唔係罐頭湯,最有誠意之選。南乳豬手,可能偽瘦豬,所以隻手有D瘦,都算入味,不過不失咁啦~~炸芋角,好似唔係間間酒樓會有的懷舊點心,炸得好香口,脆卜卜,入面有D鹹水角果類的餡料,以為係甜但原來係鹹的。呢個真係好好笑,第1 次見炸魷魚會配搭炸薯條=0=,魷魚好食唔會太韌,粗身而且唔厚粉,然而薯條真係無味,心諗加左薯條係咪可以俾少D魷魚你?節省D成本呢?早知問阿姐有無蕃茄醬~杞子桂花糕,應該唔會可以整得難食的,所以呢個都唔太伏,杞子仲有好多粒TIM。冰花杏香燒霜雪,唔係我好文采,佢真係咁寫架XD開頭以為係杏仁霜之類,點之錯了,原來係冰糖雪耳燉雪梨,大家不妨一次,叫1個試下就好,不過唔合我口味。椰汁煎年糕,厚切煎,煙韌有椰汁的清香,有驚喜,不會太甜。紅豆沙,唔係起沙,有粒粒紅豆。外表炸得唔錯
燒腩仔肥瘦都適中,不過就鹹左D,皮唔夠脆,而且無黃芥末呢個必備的拍檔。
燒鴨半隻跟鮮茄雞球米線($108),其實最抵食呢個,有鴨有雞有蕃茄,鴨肉多汁雖然皮唔脆,米線份量唔吝嗇,湯底清,食得出係鮮蕃茄唔係罐頭湯,最有誠意之選。
南乳豬手,可能偽瘦豬,所以隻手有D瘦,都算入味,不過不失咁啦~~
炸芋角,好似唔係間間酒樓會有的懷舊點心,炸得好香口,脆卜卜,入面有D鹹水角果類的餡料,以為係甜但原來係鹹的。
呢個真係好好笑,第1 次見炸魷魚會配搭炸薯條=0=,魷魚好食唔會太韌,粗身而且唔厚粉,然而薯條真係無味,心諗加左薯條係咪可以俾少D魷魚你?節省D成本呢?早知問阿姐有無蕃茄醬~
杞子桂花糕,應該唔會可以整得難食的,所以呢個都唔太伏,杞子仲有好多粒TIM。
冰花杏香燒霜雪,唔係我好文采,佢真係咁寫架XD開頭以為係杏仁霜之類,點之錯了,原來係冰糖雪耳燉雪梨,大家不妨一次,叫1個試下就好,不過唔合我口味。
椰汁煎年糕,厚切煎,煙韌有椰汁的清香,有驚喜,不會太甜。
紅豆沙,唔係起沙,有粒粒紅豆。
外表炸得唔錯的蛋散,入口鬆架,唔脆的,呢個伏了......
最伏是馬豆糕......馬豆唔知有無十粒,稀到出水,落多D魚膠粉會好D啩.......總括講,上菜的時間真係要等半個鐘,如果肚餓會比較慘,要等下先有得食。而味道真係唔差就收貨,唔使點期望太高,見到懷舊點心同特別名稱的點心可以試下,這是發掘這酒樓的另類樂趣。另外我覺得D醬真係要問阿姐拎,點解腸粉無甜醬、花生醬?蘿蔔糕都無,春卷無沙律醬......唯一好處是呢度夠靜,可以慢慢食同傾計。
張貼
