滇川雲南小鍋米線 (已結業)

滇川原來有好多分店，食開粉嶺個間，今次黎食下呢間先。豬肚豬耳大豬小酸辣米線賣相真係唔多好，好似比人摷完咁。三樣餸都切到好幼好細，真係食唔太出係咩味囉。金菇冬菇蟹柳小酸辣米線金菇比左三份一紮，但成舊上都幾難咬開，而且就咁卓熟無味嘅，冬菇又係細切，人做蟹柳基本上隻隻都一樣味。腩肉大腸酸辣米線腩肉同大腸都滷得入味，不過都係個句，超薄切，無哂口感，無叫小辣但湯底都係好淡。肥牛豬肚熱伴紅薯粉比起湯米線份量大好多，成碗滿滿嘅紅薯粉，啲粉本身無味，但加埋個啲肉醬同鹹酸菜一齊食又幾好味，食到底仲好鹹添。豬肚同上，肥牛係火鍋肥牛片，超肥，又係卓熟無味，連少少牛味都無得個韌字，叫肥牛仲貴啲唔抵呀。加左餐飲凍奶茶同凍檸茶，好淡但好在夠多冰，夠哂凍降下温。坐得近門口位，都幾熱，食到滿頭大汗。