明記腸粉 (已結業)

皮蛋瘦肉粥，原來明記係無蔥提供。不是生滾，耐係餚足幾小時既老火靚粥。濃濃肉香、源汁原味，皮蛋滑彈黏黏味道濃郁。基本上無需再添加任何調味，大愛！粥底棉棉滑滑，厚薄恰到好處，溫度剛剛燙嘴最好食。魚蛋豬皮腸粉，結實真魚蛋總好過假魚蛋索索聲啦，淡淡咸香、淺淺魚味。唉，以為咩辣魚蛋咁巴閉，原來只係淋上咖哩汁，厚厚黏黏，而甜味重過咖哩味，辣味 feel 唔到。點會係白烚豬皮架，咖哩豬皮開心好多，爽爽的水水的無油益。熱燙燙腸粉夠晒滑喎，又有彈性，雖然未及即拉腸粉咁滑，不過已經係中上水平喇。浸上大量我親自調製秘傳混醬，香辣麻甜有齊，美味可口。腸粉加皮蛋瘦肉粥，淨係依兩點已令我大愛，good！加油。豉油皇炒麵，炒麵都炒左段時間，水氣已使到麵條有點濕潤又有點腍，乾爽及嚥韌度急降，味道免免強強，豉油香氣不夠突出，可能撈粥食會更好味。無蔥真好，芽菜夠熟我食得到。魚肉燒賣，淋上大量辣椒渣，微辣帶香，咸味濃郁配上淡口魚肉燒賣剛剛好，辣椒渣味道屬於配潮州粉果那一種。魚肉燒賣保持結實富彈性，不會蒸到溶晒或腍劈劈，合格。起初侍應姐姐問我要辣定唔辣？我諗左一陣答全部醬都要呢。侍應姐姐話醬自己落喎，魚蛋要辣定唔辣？可否一早