土屋 (已搬遷) 新店位置

同內人, 朋友CF食甜品行過女人街就見到呢一間土屋見到幾好所以入黎食環境算係幾好, 可能因為仲早 (九點), 所以人唔太多, 好舒服 都有唔少既甜品可以選,於是就叫左 招牌木糠布甸 同 朱古力心太軟招牌木糠布甸 黎到好靚口感幾特別, 有D似雪糕+面包糠。味道幾好, 唔太"林", 而且唔太滯 朱古力心太軟 黎到都唔錯!好香牛油味, 而且入面既朱古力心真係好熱同會流出黎!!!加埋云尼拿雪糕真係幾好食下次行過會再黎!