有一段時間沒有去觀塘APM的美食廣場，原來今年初又翻新了！連同今次，記憶中最少裝修過三次。上一次，整個美食廣場交給了 CitySuper 旗下的 Cooked Deli 營運；今次裝修後，轉了營運商，名字也改為 Food Fiesta。共有10多間餐廳及小食店、甚至有間專門販售從日本各地搜羅回來的日式杯麵，包括部份地區限定版。餐廳以日式口味為主，其他風味只有泰國菜及川菜，似乎未夠多元化。但日式料理是很多香港人的偏好，在生意角度上來說也是正確決定。巡了一個圈，見到兩間以「俺流」為名字的食店，聯想起同樣位於APM 內的「俺流塩らーめん」，到底是否有關係？揀了「俺流カツ」試試。記得好多年前 food court 概念引入香港初期，全部由商場自行營運，缺乏品牌概念及形象管理。近年大型商場內的 food court 則整體租予餐飲集團，再統籌分租給其他餐廳。優點是強化形象推廣、高效餐廳組合管理、集中櫃枱買餐；缺點就是價位被拉高，始終多了 food court 營運單位要賺錢。「俺流カツ」主打日式吉列定食，同時提供少量款式大阪串炸、其他風味日式定食及日式碗飯(丼)。送餐區上面擺放了三碟吉列美食。有別於正式舖位的日式餐廳，並非採用仿真度極高的精緻料理模型，而是真係可以食得入口的真食物！相信要每天更換！小小的開放式廚房內只有兩位嬸嬸員工，由準備食材至炮製各款美食全部由二人負責。窺探櫃檯後的備餐區，有齊炮製日式吉列美食的必備食材：麵粉、雞蛋、麵包糠。雖然只見兩個小炸爐而並非大炸鍋；但在 food court 餐廳的有限空間內，仍然能夠堅持待客人落單後才新鮮炮製、即叫即炸，保留了要「吉列」好味道的必要條件，已經相當難得。既然餐廳叫「カツ」，當然要試主打美食，揀了吉列豬柳·蝦定食（$98）。定食包括味噌湯、白飯、椰菜絲及漬物。吉列豬柳·蝦的賣相同送餐區的樣板差不多一模一樣，望落去又同高級日式吉列專門店有得媲美，第一個印象相當不錯。味噌湯意料之外地相當好味道，甚至好味過一些更貴的鮨店出品。吉列豬扒醬汁也相當正宗，有少許果香。椰菜絲質素就很差，乾身、欠缺水份，唔夠新鮮；奉客前已經預先加入了柚子醋醬汁，味道一般，及不上豬扒醬。先食吉列蝦。咬下去非常鬆脆，內裏的蝦肉有少許爽口，談不上很鮮味，勝在夠大隻。然後食吉列豬柳。第一塊肉質鬆軟、豚味鮮甜；估不到親民價的日式吉列也有這種質素。定食有兩件豬柳，每件切開兩塊；之後食另一件豬柳，味道同一件比較沒有大分別，但肉質就差很多。這一件有很多筋膜、非常靭，完全無法咀嚼。估唔到同一份定食的兩件吉列豬柳，質素可以有如此大的差別！吉列出品熱辣辣、表層麵包糠夠鬆脆，做到了美味日式吉列的重點。雖然食材質素唔穩定，勝在價錢合理，比起坊間所有日式吉列專門店便宜一大截，可以一試。

Bookmark左呢間一汁一菜一段時間，出左消費券又係時候食餐好既，行完APM既松本清同Apple Store順便買埋外賣返屋企，揀左兩個餐，有湯、一品料理同白飯，白飯用既係日本珍珠米，口感特別唔同啲 🔸湯 + 一品料理 + 日本米飯 ($79)🔸 🌟法式龍蝦濃湯 私心推介大家要試下佢地既龍蝦湯，用上大量龍蝦肉煮成既龍蝦湯，最後加入忌廉增加口感，濃稠適中，食到啖啖蝦肉，超正 🌟番茄菠菜芝士雞卷 一品料理揀咗番茄菠菜芝士雞卷，番茄汁可以撈飯，嫩滑既雞肉包住芝士粒同菠菜，三重口感又夠開胃，好好食 🔸湯 + 一品料理 + 日本米飯 ($69)🔸 🌟北海道甜粟米雞肉豆乳濃湯 另一款湯就試下佢地既北海道產甜粟雞肉豆乳濃湯，北海道既粟米特別香甜多汁，就咁食同用黎煲湯一樣咁正，配料仲有雞肉、甘筍同西蘭花，健康好味又足料，高質 🌟油揚豆腐黑豚薑汁燒 另一款一品料理就揀左油揚豆腐黑豚薑汁燒，反而呢款好有驚喜，燒汁送飯當然正啦，炸豆腐吸哂燒汁既精華，仲有爽口有嚼勁既黑豚肉，推介

放工太夜附近冇咩嘢食，去咗位於APM food court「food fiesta 」嘅點餃，原本打算食套餐：京式炸醬麵配煎菜肉餃三隻及涼拌小菜，同小籠包，但係太夜已經售罄，只可以單點炸醬麵，同叫咗八隻泡菜豚肉餃，相對嚟講冇咁抵，不過味道都唔錯。今次試嘅係蒸餃有個蒸籠喺度，似食緊點心，下次可以試吓煎餃或者湯餃，應該別有一番風味。或者早少少買套餐，因為只係加$10就多三隻餃子仲配一個小食真係好抵食，如果仲可以配埋豆漿就好啦不過唔多見到有得加嘢飲

今日同朋友去apm行街，行完後打算搵野食，但apm商場食店一來太多人，二來好多都食過，三來如果係好食嘅都唔平。於是上網search到呢間“一起食堂“食台灣野餐廳。雖然要行多五分鐘先到，但食完後覺得呢四分鐘路程係值嘅！ 首先，一入去裝修感覺有d似日式feel，燈光柔和，乾淨整齊，座位數目都算多。因為當時係星期日6:00pm左右, 未有太多客，但一到7:00pm, 已經有七成滿。 講返最主要嘅食物，我地兩個人order左兩碗麵，兩個小食，兩杯飲品。 必食推介1）花雕麻油雞湯麵： 雞肉無骨嫩滑，花雕酒可因自己喜好加多加少，面質係似幼身烏冬，好彈牙，湯底清淡得黎有雞湯同麻油味，搭配花雕酒另成碗麵都散發香濃味道。 必食推介2）紅燒三寶牛肉麵： 牛腩同牛腱都炆到淋，好有牛味，兩粒牛丸亦好彈牙，湯底係有少少辣嘅濃郁紅燒湯。鍾意牛肉麵嘅一定要試！！ 小食方面，我就會推盬酥雞，呢度嘅盬酥雞炸得啱啱好，雞肉都係嫩滑，食落又唔會覺得好熱氣，味道同出面其他盬酥雞有點不同，我覺得分別係雞肉質素同炸粉分量，如果呢度有啤酒就正！ 古早滷水拼盤：豬耳爽口，雞蛋，雞翼同牛展都好入滷水味 飲品方面，我地order左一杯凍嘅珍珠奶茶同一杯凍嘅古早檸檬紅茶，兩杯都係半糖甜，味道啱啱好，珍珠有咬口，茶味適中。 Overall黎講，係一間PC值好高台式餐廳，一定會再幫襯。下次要再試下其他食物。 埋單$320, 人均$160， 如果去apm餐廳，呢個價，一定食唔到呢個質素。 去開觀塘朋友不仿一試！

假日出開APM買啲嘢，唔想行太遠就喺返APM搵食啦。 知道神山拉麵其實前身就係麵屋武藏，印象中唔係話出色，但都不過不失，所以就揀咗食神山，諗住都正路，起碼對得住80幾蚊再加一嘅價錢。 叫咗角煮豚肉拉麵，無諗過可以咁乾。 諗住一件乾咗啲唧，另一件睇落都幾肥，應該會好少少，點知： 好啦，溏心蛋應該唔會出事喇啩？ 咬嗰時都小心啲，唔想個流心融於湯中，但點解咁熟呀… 不過講真，湯同麵都仍然不過不失。 朋友叫沾麵，麵條比湯麵更好，但佢哋話勁鹹，反而湯麵就還好。 服務態度嚟講就好個別，上菜位侍應心情似乎麻麻，黑口黑面掉低碗麵就走咗。但其他侍應都有啲ok嘅。

觀塘雖然食店多，但lunch time要坐低搵個地方食飯都唔係咁容易，又要適合約朋友泊車，咁一於去APM食啦！一book就book咗這間食店，叫咗兩個午餐，其實有少少攪笑，我和朋友食野口味差唔多，紛紛叫了一人一個海南雞飯，仲要大家要食雞髀😂雞髀咬落去肉質鮮嫩，隻雞髀都算有D肉食（我好怕食D骨多肉少的雞）食海南雞其中精髓個醬汁都很重要，佢有兩個味道，若果有埋黑醬油就更加正！個午餐套餐包多一個小食，朋友叫咗豬頸肉米卷，我就叫咗南瓜條，咬落去無乜味無乜特別！乾口！仲送多杯龍眼冰，見議加一兩粒龍眼肉會好啲，因為無乜味，惟有清清地當水飲啦！環境方面我地對住窗邊位，感覺也算開揚，坐位算舒服，趕時間去也是適合之選。

每次行經門口都見人龍排隊之過江龍（春水堂） 今日專程🚗同太太到這店.📌春水堂人文茶館 (創紀之城五期(apm)) (觀塘) 觀塘觀塘道418號創紀之城五期apm一樓L1-1號舖.營業時間早上11時30分至晚上22時正到達.但我哋喺11時到達.距離開舖時間還有30分鐘已經見到有幾個人排隊.我哋都行過去一起排隊。 到咗啦.我哋係第三枱顧客.可以係還在安排顧客入座時段.來一張沒有顧客的環境下打卡.場內環境都好靚.令我有一點優雅舒服感覺.呢度都係用QR落單.有唔明白之處.侍應生會用熱誠態度過嚟協助.👍👍👍 點餐如下： 1. 紅燒牛肉麵（半筋半肉）X1 $88元 2. 黃金香酥雞 X1 $52元 3. 金沙芋泥丸 X1 $49元 紅燒牛肉麵（半筋半肉）有齊兩種口味.湯底夠濃.唔會好鹹.😋份量比較少啲.價錢唔成正比！😔黃金鹽酥雞.粉漿超薄.外皮香脆.入口肉汁鮮嫩.😋😋😋金沙芋泥丸.外皮芋泥炸得香脆.餡料是流沙鹹蛋黃.唔會好杰.又唔會好似啲水咁流出嚟.有啲似熔岩👍😋😋😋

好味指數:4.7/5💛💜回頭指數:5/5💜行街行到好攰想搵個地方休息, 見到APM原來有韓國餐廳，堅係好特別又好味嘅一間餐廳。不得不讚！一行入間餐廳，已經感覺裝修好特別, 即刻叫份芝士炸雞! 好快就到, 不油膩, 芝士味好香!! ，味道濃郁，充滿鮮味, 成個味道都好匹配… 好快再下次!!

今天中午我們上了觀塘站極尚大喜屋日式放題，地點在觀塘鱷魚恤中心，從觀塘站過APM行過去很近，交通方便，因此12點開始的放題我們早15分鐘到達當時，已經人頭湧湧，果然大牌子餐廳在區內已經很多人已認識，這天不是假期亦有很多捧場客，中午時分放題和定食兩種價目，放題$228由12點到3點，內裏的規劃佈局很大，座位充足而員工的服務很勤快，客人中亦有小孩所以員工的服務很重要能做到多而不亂很專業，用凍蝦和蜆作前菜，其他用手機落單方便，食品出來到很快，刺身的質素很高三文魚油甘魚八爪魚甜蝦帶子又甜又脆這就是質素，炸蠔炸鮮奶天婦羅蝦，最特別就是炸軟殼蟹，外脆內嫩加上咖喱醬和脆麵包就10分完美的配合，記憶中就只有這裏有提供，刺身放題可以喝有酒精類的飲品但我有烏龍茶、解茶就夠，再加上甜品，為這個午餐畫上完美的句號了。

最近都大魚大肉，今日買外賣時就決定吃清淡點，試試這間bookmark許久的日式小店🍴以日本料理中最常見的組合「一碗湯一個主食」為概念，提供輕便簡約的日式洋風輕食，餐單可見有羅宋湯、豆乳湯、咖哩飯、沙律等，適合追求健康的人士。
——————————
限定二人前 $178
二人餐單可選兩款湯、一款咖哩飯、兩款小菜及兩杯飲料，份量看似不多，實際卻相當飽肚！

🔸意大利產番茄蔬菜濃湯（配溫泉蛋）加入洋蔥、甘筍、蕃茄、西芹、青椒等熬成的蔬菜濃湯，最後拌上一隻溫泉蛋，口感層次好豐富🥬
🔹一汁一食和牛羅宋湯（+$10）羅宋湯使用新鮮牛肉及多款蔬菜煮製，如薯仔、甘筍、西芹等等，每口都是豐富湯料，味道相當濃厚，充滿肉味及茄香🍅
🔸和風番茄雞肉咖哩飯限定口味當然要試，使用多種香料及番茄熬製的咖哩，濃香而濃稠，溫和帶酸，完全不辣；雞肉大塊亦多，嫩滑入味～ 🔸番茄菠菜芝士雞肉卷 雞上髀肉捲入芝士和菠菜，以棉繩紮好後，用牛油及蒜蓉煎至金黃再切片，配上酸甜的番茄醬汁再煮，雞卷彈牙之餘，亦有菠菜的清新及芝士的creamy。

🔹油揚豆腐黑豚薑汁燒
相當日式的家常菜之一，薄切的黑豚片加入生薑燒汁，與油揚、洋蔥、甘筍絲及椰菜同炒，酸酸甜甜非常下飯，最愛的是油揚豆腐，充分吸滿醬汁！

今日工作關係需要到觀塘APM, 到達時已經3點，揾個地方食個快飯先。 行咗一陣見到Super Sandwiches, 諗住都好，佢地的食物一向都唔會令我失望，叫咗個焗雞胸菠菜南瓜汁長通粉。 有4塊雞胸肉，味道及份量OK 菠菜的份量太少啦，食2啖就無晒，可以稍為加啲 長通粉的份量同樣可以加啲，同埋之前煮得太耐，用叉食時散晒 飲品反而令人滿意，凍咖啡夠香濃。 整體食物味道及品質只屬一般，性價比麻麻。 凍咖啡的質素OK, 挽回唔少食物的失分。 另外，APM分店較其他Super Sandwiches相對較細間，感覺較為擠迫。