Banchan & Cook - 龍年限定菜式 今日黎到太古城一間韓式cafe，適逢龍年的限定食品，非常有意頭！ 新年套餐 $560 龍氣逼人龍蝦蛋包飯 +$82 新年套餐嘅主角，蛋包飯係這間Cafe嘅招牌，配上大大隻彈牙嘅龍蝦，色香味俱全。 三重芝士炸千層豬扒蕃茄意粉 炸得香脆鬆化嘅千層豬扒配上熱熔嘅三重芝士仲有酸酸甜甜嘅蕃茄扁意粉。 大笑蝦蝦煎蔥餅 香脆嘅蔥煎餅，配上大大隻大蝦同埋鹹香嘅芝士。 花生醬牛角包窩夫配龍鬚糖 即叫即整牛油味香濃嘅牛油角包窩夫配上濃郁花生醬、煉奶當中夾着忌廉再配上新年氣氛濃厚嘅龍鬚糖。 芝士奶蓋龍井茶 焦糖脆脆鮮奶咖啡 鹹香嘅芝士奶蓋配上醇香嘅龍井茶，焦糖脆脆鮮奶咖啡就好似一杯飲得嘅甜品一樣。

套餐最方便咩都有啲，唔洗再左簡又簡，有兩個主食，一個小食，一甜品同兩杯野飲 龍氣逼人龍蝦蛋包飯 對媽好黎講蛋包飯好新奇，佢話蛋好滑，仲有龍蝦肉食幾好 三重芝士炸豬扒蕃茄意粉 炸豬扒做到肉薄而且滑，芝士多好難得，麵包糠炸得好香脆，蕃茄意粉香濃，我地都認為超級好食 炸雞拼盤（柑橘炸雞）（洋蔥汁炸雞）（蜜糖炸雞） 拼盤可以揀三款炸雞味道，我哋就試咗新嘅洋蔥汁味，同埋Mami少食嘅其他味道，三款味道都好香各有特色 但一致認為蜜糖炸雞今次係最好食，事關佢係最滑嫩，而且炸雞好多汁 但係新嘅洋蔥汁都好令我歡喜👏👏 蜜桃茶（熱） 食完咁油膩嘅嘢，飲蜜桃茶一流，可解油膩 芝士奶蓋茶 好耐冇飲過芝士奶蓋，佢嘅芝士奶蓋唔會飲完好膩既感覺，感覺上冇咁肥（自我感覺良好）🫣 伯爵茶布丁牛角包窩夫 喺花生醬龍鬚糖同佢二選一真係好糾結 但好彩叫咗呢個Mami好鍾意食，佢話唔會好甜，雖然好多伯爵茶cream但係唔會好似平時原味cream咁膩 最出眾係個布甸，唔會好甜，而且有別於平時食嘅布甸口感，幾唔錯👍

Ban chan and Cook 新推出有龍年元素的嚐吃套餐，一個價錢包曬主菜、小食同甜品，十分應節同時又有儀式感。 餐廳環境舒適，光線柔和，偶爾有不同菜品和主題限定佈置推出，適合鐘意打卡的朋友。一入座店員即呈上前菜，是酸蘿蔔和青瓜🥒，酸酸甜甜又爽脆，好開胃。 主菜： 火辣辣龍蝦年糕：龍蝦肉鮮甜啖啖肉！年糕煙煙韌韌，醬汁是蕃茄口味，酸酸甜甜好有追吃性，年糕又做到掛汁效果，一啖接一啖。 三重芝士炸千層豬扒蕃茄意粉🍝： 芝士做到拉絲效果，趁熱食不得了。炸粉不會太厚，豬排肉質嫩滑配合香濃芝士🫕滋味十足。蕃茄意粉用上新鮮蕃茄，濃而不膩，帶點清甜，意粉比較碎濕濕，如果轉用天使麵或者扁意粉會有更多層次。 炸雞拼盤：三款口味甜辣、柑橘🍊、洋蔥汁！ 三款都各具特色，特別推介柑橘，酸酸甜甜 ，食落好似西檸雞😂甜辣醬十分經典，甜中帶辣，外皮香脆得很，雞肉用上雞胸肉，粉粉嫩嫩。用料上乘幾乎無輸。 花生醬牛角包窩夫配龍鬚糖： 花生醬牛角包窩夫附上煉奶，帶點奶醬多嘅感覺，牛角包窩夫質感較實，而龍鬚糖做到鬆化效果，配合草莓🍓中和油膩感。 焦糖蘋果紅豆沙冰：焦糖味非常濃厚仲有咬口嘅紅豆🫘淡淡蘋果清新香氣，點少得焦糖脆脆增加口感。 紅噹噹火龍果沙冰： 成杯飲品好Igable 😝啖啖火龍果肉，純天然，仲溝埋利賓立，整杯飲品呈紫紅色，大紅大紫🩷好意頭。 總結： 東涌「龍」之元素韓國菜 環境舒服 朋友聚會🎈好地方 #BANCHANandCOOK #omurice #friedchicken #koreacafe #cafe #croffle

一直都好想嚟食, 好有香港特色的裝修設計，而且個名好特別, 仲要成日爆場，今次訂定位。 先飲佢哋嘅特色啤酒同埋cocktail 本地製造啤酒🍺 Sunset Peak 大東山 啤酒有菠蘿味，桃，好清新 Special Tonight Cocktail 🍹 龍鬚糖配上薑汁雪糕再加Rum 酒 店員將Rum 酒燒熱再淋上雪糕龍鬚糖面，味道好複雜，好似一道甜品一樣。 北海道帶子薄切配蟲草花金蒜欖油辣椒龍口粉絲沙律 中西越南合璧的創意菜式，味道酸酸甜甜好友越南風格，粉絲配上蟲草花清爽，薄切帶子有鮮味，有微辣，味蕾多種層次。 廿四小時慢煮叉燒配日本溫泉蛋加香蔥豬油飯 大豆芽紫洋蔥,茄子，炒菇 豬油飯汁非常可口，味道鮮甜 澳洲和牛面頰煎腸粉及粉腸 沙嗲汁濃郁，和牛肉質鮮嫩，粉腸及腸粉注滿醬汁，非常惹味 甜品 中國白腐乳法國白芝士焦糖燉蛋 配上煉奶多士 加上草莓🍓 Cream brûlée 的做法，沒有想像中的腐乳味，反而帶點點香，好特別

［中環］何蘭正 . 北海道刺身帶子薄切配蟲草花金蒜欖油辣椒龍口粉絲沙律，銀蒜米醋汁 食剩指數:0/100 刺身帶子薄切鋪滿底部 上面有蟲草花同粉絲 粉絲好彈牙 加埋帶子鮮甜味同個bb辣既醋汁 幾fresh幾開胃 . 24小時慢煮伊比利亞叉燒配日本溫泉蛋，紅洋蔥漬，香噴噴香蔥豬油撈飯 食剩指數:0/100 叉燒係呢度既招牌 慢煮叉燒好香腍 豬油撈飯又係好惹味 加埋溫泉蛋蛋汁 撈埋真係好香 . 先炆後煎澳洲和牛臉，配濃香沙爹汁，西蘭花苗，鐵板先炆後煎豬粉腸及腸粉 食剩指數:0/100 和牛臉肉質軟腍帶點膠質 係奢華版沙爹牛 底仲有粉腸同腸粉 切到個size都好似 粉腸處理得好好 無奇怪內藏味 沙爹汁好香濃 輕微既辣度 整個組合好新鮮 . 中國白腐乳，法國白芝士焦糖燉蛋配煉奶西班牙鬆脆包，無花果醬，綜合野莓 食剩指數:0/100 一開始聽到白腐乳配甜品都嚇一嚇 食落發現match到不得了 白腐乳同白芝士既味加埋 就係帶點咸香既creamcheese 將焦糖燉蛋搽落個包度 真係好香好驚喜 . 飲品叫左兩杯特色既Cocktail . 爆檸VLT 食剩指數:0/100 係Vodka加檸檬茶 酒精版既檸檬茶一樣清新 酸甜balance到 酒感唔算太重 . 薑味龍鬚糖風味甜品酒Dragon's beard Dessert cocktail 食剩指數:0/100 呢杯打卡必叫 店員會即場點火 個火焰黑冧酒加落去 龍鬚糖即溶化加薑味雪糕 畫面好靚又好飲 飲落幾香甜易入口 似bailey帶點薑味既感覺 . 地址:雲咸街29號東方有色大廈2樓

𝘽𝙖𝙣𝙘𝙝𝙖𝙣 𝙖𝙣𝙙 𝘾𝙤𝙤𝙠推出嘅𝙏𝙖𝙨𝙩𝙮 𝙏𝙧𝙚𝙖𝙩 𝘾𝙤𝙢𝙗𝙤由主菜、小食到甜品都好應節充滿「龍」年原素 ✦龍氣逼人龍蝦蛋包飯 原條龍蝦身肉配上滑溜蛋包飯，龍蝦肉爽口彈牙，醬汁近似龍蝦湯味道 ✦火辣辣龍蝦年糕 龍蝦肉鮮甜，年糕煙煙韌韌，醬汁唔算好辣，反而帶點蕃茄酸香，幾有追吃性 ✦大笑蝦蝦煎葱餅 大蝦結實有嚼勁，大葱增添爽脆口感，味道帶甜，唔會有好大陣青味，薄餅邊煎得焦脆 ✦花生醬牛角包窩夫配千層拉絲龍鬚糖 花生醬牛角包窩夫附上煉奶，帶點奶醬多嘅感覺，牛角包窩夫質感較實，有龍鬚糖幾得意幾有驚喜！ ✦焦糖芝士山咖啡 挪威焦糖芝士嘅香味好濃郁，同咖啡幾夾，混合黎飲亦都增添左口感，咸咸甜甜幾得意 ✦芝士奶蓋龍井茶 香甜嘅芝士奶蓋好𝙘𝙧𝙚𝙖𝙢𝙮 ，龍井茶清甜，兩者味道平衡得幾好

最近經過太古，餐廳推出了新菜嚐食套餐，配合農曆新年的來臨，新年期間便和家人吃飯。 <嚐吃套餐> $560 五花肉玫瑰燉飯 玫瑰燉飯用西蘭花碎畫圈點綴有心思。玫瑰醬汁和肥瘦適中的五花肉濃郁美味。 火辣辣龍蝦年糕 龍蝦肉鋪在年糕上，年糕是長條型，口感煙韌，喜歡醬汁夠多。 大笑蝦蝦煎蔥餅 蝦蝦煎蔥餅表面有大蝦，蝦肉爽口，夾雜芝士、韭菜，味道有層次，伴上的醬汁味道酸酸辣辣，更能提升蔥餅香氣！ 花生醬牛角包窩夫配龍鬚糖 很少有少見有含有龍鬚糖的甜品，相信是為了配合龍年而推出。牛角包鬆脆x香甜濃厚的花生醬是perfect catch，旁邊附有煉奶。 芝士奶蓋龍井茶 原本想點火龍果沙冰，可惜沙冰機壞了。改點芝士奶蓋龍井茶，龍井茶味明顯，茶甘濃郁，挺解膩。

Banchan & cook限定期間二人set 韓式美食配搭極有龍年氣氛食材！ 龍氣副人龍蝦蛋包飯 呢度嘅蛋包飯一向好出色 圓圓滿滿靚到唔捨得切開🥺 龍蝦尾啖啖肉，加上雜菌龍蝦汁 矜貴又好味！ 三重芝士炸千層豬扒蕃茄意粉 幾特別，炸得酥脆嘅外殼 入面係一片片豬肉片夾住芝士 怪不得叫千層豬扒 蕃茄味不假不太甜，調味啱啱好 大笑蝦蝦煎蔥餅 鍾意食韓式煎海鮮餅嘅必試 芝士厚厚的有拉絲效果 配韓式辣醬真係好味到停唔到口 花生醬牛角包配龍鬚糖 前陣子行花市一直諗有冇機會食到龍鬚糖 （結果係冇😓） 估唔到竟然喺度食到，仲要超好食！ 感動到，呢個甜品我覺得必食 花生醬加上生忌廉好夾 肥爆都忍唔住食曬一隻牛角包🙈 份量真心大，起碼兩個人share先食得曬 小壺入面係煉奶 但我覺得唔落都夠甜了 二人set共三款鹹點一甜品和飲品x2 溶化朱古力 濟州綠茶鮮奶 極完美嘅一餐 個人覺得份量係三個人都夠食 尤其是如果係女仔食嘅話 店內裝修非常浪漫 係女仔打咭或情侶怕拖好去處❤

Banchan & cook 嘅招牌蛋包飯及炸雞無可置疑是客人回訪嘅最大理由～我哋就係其中一家🤭 我家小朋友是「蛋包飯控」但對餐廳嘅食物質素、環境及衞生都好有要求🫠Banchan & cook絕對係我家首選👍 除了有不同口味嘅蛋包飯外，餐廳還經常根據節日/主題提供不同嘅限定菜式及飲品（啱哂喜歡打卡嘅朋友仔）；另外很喜歡餐廳環境舒適，光線柔和及其他節日及主題限定怖置，享受美食之餘又可以打卡📸 今次因為遇上新年期間限定菜式🐉 所以我哋都點咗嚟應下節： 🌸龍氣逼人龍蝦🦞蛋包飯 $210 賣相相當吸引，與餐牌上的圖片相符 切開炒蛋，流心炒蛋緩緩流出，配埋香軟調味炒飯，真心很治癒及幸福感十足！龍蝦夠新鮮，爽口彈牙～推介👍 🌸大笑蝦蝦煎蔥餅 $98 若果喜歡食蔥餅嘅朋友一定會喜歡，上層大大粒鮮蝦，內層滿滿的蔥，餅底煎得很脆口，不會太油膩，夾埋一齊食口感豐富又好食！ 🌸韓式炸雞（無骨半份） $108 每次必點之一，尤其蜜糖炸雞好食到停唔到口，肉質嫩滑又甜又脆口，配搭韓式年糕及薯條，簡直是小朋友及大人至愛，眼見每枱都枱總會有一碟係枱👍 🌸花生醬牛角包窩夫配千層拉絲龍鬚糖 $92 非常特別嘅甜品！好少見有龍鬚糖嘅甜品，加上花生醬牛角包窩夫，窩夫有牛角包的鬆脆又有千層的口感，雖然有糖但味道不會太甜，整體上也不錯👌 🌸溶化朱古力 $42 🧡🧡🧡🧡 🌸焦糖脆脆鮮奶咖啡 $48 🧡🧡🧡🧡 下次繼續會再回訪及期待新驚喜👏

餐廳的環境充滿自然的波西米亞風🦥，淡雅的色調襯以花草擺設和柔和燈光，在The Forest中打造了一個細緻恬適的空間。💐🪹🍂🤎 🪻冬蔭單骨炸雞翼 $82 炸雞翼色澤金黃香脆，炸得外脆內嫩，表面灑上一層冬蔭功粉，香氣撲鼻。中間的雞肉散發出豐富的雞肉香，口感濕潤多汁，令人忍不住一口接一口品嚐。 🪻豬腩生菜包 $118 豬腩肉的肉質肥美多汁，上桌時散發出的香氣引人垂涎。將豬腩肉鋪於生菜內包裹,再蘸點惹味的秘製醬汁。一口咬下，飽滿的肉味在口中蔓延，非常誘人。 🪻芒果蟹肉沙律 $118 芒果蟹肉沙律用了新鮮芒果，點綴於鮮美的蟹肉中，與沙律菜的爽脆清新交織在一起。除了紫洋蔥味道偏辣，整體散發清新的滋味。 🪻三色冰奶蓋 $48 首先上桌的三色冰🌈，賣相非常吸引，充滿質感。龍鬚糖製成的奶蓋七彩繽紛，呈紅、黃、綠三層顏色。舀一口入口，味道甜而不膩，讓人驚喜連連！ 🪻斑蘭椰汁糕（4件）$48 每一顆椰汁糕都小巧可愛，吃起來分外心情愉悅。口感軟軟綿綿，濃郁香甜卻不膩口，先是椰香撲鼻而至，斑蘭味道似有似無的清香也在其中，入喉後帶來甜甜的回甜。 🪻椰皇 $42 椰皇水的味道清新回甜，傳來陣陣椰香氤氳。 青花 旺角奶路臣街17號THE FOREST 1樓107-108號舖

今次就去咗一間位於東涌商場東薈城入邊一間韓國餐廳🤔平時商場人流就好多，因為好多名牌，不過就冇乜特別啱食～今次試左嘅菜式真係驚艷到我！🫰🏻🙆🏻‍♀️ 我揀咗五花肉玫瑰燉飯，平時好怕食肥豬肉，不過啲五花肉煮得入味口感又好，每一口都好有層次感，嗰飯醬汁都濃郁，非常好食😛👍🏻 另一道菜係三重芝士炸千層豬扒蕃茄意粉，豬扒香脆，芝士非常邪惡，正正意粉酸酸地更係啱啱好，一種豐富口感嘅絕佳搭配😁❤️ 大蝦煎蔥餅係招牌之一，大蝦新鮮有彈性，餅皮又酥又香，好開胃🙌🏻 甜品揀咗花生醬牛角包窩夫配千層拉絲龍鬚糖😆非常特別冇見過用龍鬚糖做主題嘅甜品，真係一個驚喜！👍🏻👍🏻 牛角包香脆，花生醬濃郁，再加上千層拉絲龍鬚糖，食到一絲絲嘅口感，甜而不膩👏🏻 整體環境非常舒適，係一個適合與朋友家人共聚、享受美味的好地方。下次一定會再光顧！🙆🏻‍♀️l

Ban Chan & Cook推出全新金龍賀蛋餐牌！梗係要立即去食！坐位舒適寬敞空間感十足！ 🦞🍳龍氣逼人龍蝦蛋包飯 ：超巨型整條龍蝦尾好Igable ! 龍蝦口感彈牙，肉嫩鮮甜； 滑滑嘅蛋生熟適中蛋味香濃保持水準，蛋包飯沾點龍蝦汁更滋味，配菜仲有沙律菜，飯量好足！ 🌶️🦞火辣辣龍蝦年糕 ：頂層有鮮嫩的龍蝦肉；年糕口感彈牙煙韌，辣度剛好有點韓式年糕的creamy而且唔油膩！ 🍗炸雞拼盤 ：可自選三款炸雞，我揀左蜜糖味、原味及芝士味三種；蜜糖味醬汁包住雞皮，肉質鮮嫩多汁；原味及芝士味比較乾身；炸雞肉外層炸至薄脆，口感香脆！ 🥜🥐花生醬牛角包窩夫配龍鬚糖 ：牛角包窩夫香脆鬆軟，搭配濃郁的花生醬和香甜的龍鬚糖，十分夾！ 🍫飲品點了凍朱古力及🍹荔枝梳打，清清甜甜又可解下辣 😋
Banchan and Cook 반찬앤쿡
📍太古城道18號太古城中心2樓222A號舖

早前經過收到餐廳派的傳單，午餐望落都好似幾豐富，初初以為係西餐廳，意外地係食中菜！ 好奇睇睇睇佢哋嘅晚市餐牌，貌似份量都幾多，適逢臨近新年，就同屋企人試吓！ 裝修有啲日式風格，門口更有個好靚嘅打卡位 難得一聚又冇揸車，今日就試吓揀雞尾酒，睇得出調酒師花嘅心思，特別係呢杯lemon pie,真係好似食緊檸檬批咁，上面嘅裝飾原來全部食得！竟然係龍鬚糖 老人家揀咗花茶，仲有個暖爐仔座住壺茶 食物賣相精緻，剩係蛋都可以令人不停打卡 醉鮑魚要讚一讚，花雕酒釀好香好入味！ 咸蛋蝦球都幾大隻，性價比高，媽咪一向嘴刁都讚 酸菜魚魚肉再嫩滑啲就更好，但睇返張單咁大兜先$288真係抵食！ 店員推介火方，但我哋又想食菜就轉咗火腿津白，果然冇介紹錯，火腿有驚喜，童叟無欺又係大大片，蜜味十足！ 因為老人家想食翅就加左一份，又係大大煲，店員仲不時睇睇需唔需要加湯，好細心！ 重頭戲係嚟試佢嘅招牌片皮鴨，雖然見唔到佢片鴨，但服務加分，且份量充足，提供熱石板俾我哋keep住鴨皮香脆同熱辣辣，我哋食得慢仲幫我哋換板 店員仲推介咗花雕焦糖布甸，呢個配搭真係聞所未聞，個個掛住食已經唔記得咗要影相，味道竟然出奇地夾，明明好飽都想食多兩啖！ 臨走到門口打卡，店員好熱心咁幫我哋影咗好多幅，傾咗幾句先發現原來餐廳新開張，服務真心係抵讚，不停幫我哋清枱面啲紙巾垃圾，check 住需唔需要幫我哋換碟，又加湯仲斟埋茶，所以都想留個好評讚下！

ATUM嘅西餐一直好出色，今次一於試下馬來西亞菜！ 檳城大蝦炒粿條 $118 炒粿條其實即係炒河粉！呢份炒粿條嘅配料豐富，有豆乾、芽菜、蛋等，仲有大大隻蝦超彈牙，風味十足！ 辣死你媽 $118 辣死你媽係燒雞椰漿飯。燒雞脾大大隻，外脆內軟勁juicy，一切就爆汁！椰漿飯甜甜咸咸，非常特別。側邊仲有辣醬，無論係沾雞脾定係撈飯都好正好惹味。 鹹蛋黃肉鬆薯條 $68 呢個薯條嘅份量多到嚇親我地！薯條有滿滿嘅沙律醬，面頭仲有好多甜肉鬆、鹹蛋黃碎，令人食唔停口。 三色咖吔醬烤吐司 $58 平時最鍾意食嘅馬拉小食就係咖吔多士，今次見佢有個三色咖吔醬，決定試試佢。三色原來係咖吔、咖啡同香蕉，三種口味一齊食都幾夾幾好食！ 珍多尖蕊龍鬚冰 $46 呢杯飲品造型特別！面頭有一球龍鬚糖，下底係珍多冰，好好飲！ 紅毛丹椰子冰 $36 椰子冰係用椰青水做底，飲落清新解膩。

經過見到呢間裝修幾搶眼嘅星馬菜餐廳 鮮明嘅橙黃色logo 同開揚嘅半戶外座位 ღ 馬來沙爹雞串燒 肉質嫩滑多汁唔柴唔硬，點上一層厚厚嘅沙爹醬，入口味道濃郁惹味 ღ 馬來風光 食落鹹香微辣，又夠鑊氣，相當惹味 ღ 檳城蝦麵摻摻 摻摻意思係有油麵同米粉，食落更有層次，配料有4隻爽彈大蝦 、油條同雞蛋🥚，口感豐富 ღ 咖央雪油烤吐司 吐司夾住雙重咖央醬同牛油🧈 吐司香脆，味道鹹鹹甜甜，邪惡又美味 —— ღ 珍多尖蕊龍鬚冰 面頭放上色彩繽紛嘅龍鬚糖，賣相吸睛好搶眼🔥打卡一流，入口香甜 ღ貓山王榴槤白咖啡 陣陣榴槤香，每啖都充滿榴槤味，仲飲到有榴槤肉添☺️ ღ蝶豆花茘枝冰 有原粒爽滑荔枝，味道清新 ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ