依家講下我喺荃灣食到嘅“地道食堂”嘅真心推介👍！首先，佢嗰碗石鍋生薑豚肉飯，啱晒食得激嘅我！佢個生薑緊緊揾落去，啖啖肉嘅豚肉又唔會太淡，加埋溫泉蛋黐豬肉，口感豐富，暖笠笠，仲要生薑香味四溢，食得咁開心呢！😋

話說返嗰盤卡邦尼意粉，啲意粉q彈得滯，醬汁濃郁帶點奶香，食一啖幾乎係戀愛嘅味道！😍紅燒豆腐斑腩煲就更加唔使講，豆腐紮實，斑腩肉質鮮嫩，湯汁又有深度，一飯下肚，心情都跟住好起來。

至於招牌酸菜魚，簡直係過癮至極！魚肉滑溜溜，配上酸爽酸菜同鍾意辣嘅朋友哋即刻讚好🔥！再講吓嗰個菠蘿冰，清新爽口，係完美嘅收尾大作！

總括嚟講，呢家食堂幾得我心，好食又唔貴，可以話係荃灣石礦寶藏！下次有空，仲要叫多啲朋友一齊黎切磋食呀！🥢🍚🍜

今日心血來潮想同屋企人食打冷，一search打冷就會見到好多人推介呢間，於是就嚟試吓，冇book位，6點幾去到，好彩冇人排隊，入面都唔滿，3個人坐張大圓枱。 椒鹽鮮魷 $109 份量還好，有十幾舊 啲椒鹽唔算好香，不過好咸，啲鮮魷有啲厚粉 豉椒炒蜆 $99 有幾隻都有沙，少少辣 火腩豆腐斑腩煲 $119 火腩大概5-6舊，斑腩3-4舊，有啲豆腐有啲菇 唔算好香，火腩少少鞋，斑腩實肉，豆腐夠淋，個汁唔太濃味 蠔餅 $86 熱辣辣上枱，個餅好脆，啲邊位都好脆，都幾多蠔，而且啲蠔幾鮮幾香，唔會太腥 星州炒米 唔會太多粉喺啲麵上面，炒得幾乾身不太油

週末去黃埔探朋友，佢請我去祥榮餐廳食晚飯，餐廳係黃埔區係老字號，地方夠大又整潔，食物多元化，價錢親民，招呼客人有禮貌。 主食奉送餐湯，有中湯、忌廉湯、羅宋湯選擇，今日中湯係冬瓜湯，夠火候又足料，味道清甜。忌廉湯濃稠，口感香滑。 豉椒肉片炒河，炒得夠鑊氣，大大碟份量十足，肉片鮮嫩，滑滑的河粉沾滿豉椒醬汁，十分惹味！ 豆腐斑腩煲，跟白飯。將炸至外表呈現金黃色的斑腩及豆腐，以特調醬汁拌炒後用煲仔上檯，熱辣辣香噴噴，其軟嫩的口感及滋味讓人回味不已！ 凍鴛鴦味道香濃，保留港式原味道。 紅豆冰，紅豆林甜，甜度適中。 港式懷舊西多士，即叫即做，用兩塊厚方包中間夾有花生醬餡，將麵包沾上蛋漿拎去炸。麵包厚身外脆內軟，加上牛油和糖漿交融的味道，美味可口！

今日和朋友經過黃大仙現崇山，發現一間有小菜、炒粉麵、各種焗飯的餐廳，種類繁多，便決定入內試一試。 店內裝修環境不錯，位置空間充足，附現代感之餘，亦不失有舊香港的味道。 老火例湯 黑椒薯仔牛柳粒 餐牌寫着推薦便叫了試一試，果然沒有令我們失望，牛柳粒肉質鬆軟，黑椒味融入牛柳粒，惹味十足，薯仔有甜甜的蜜糖味，十分適合配搭米飯食用。 枝竹豆腐斑腩煲 枝竹豆腐斑腩煲分量十足，很適合和朋友一起互相分享，枝竹和豆腐十分入味，斑腩外脆內軟，非常滋味。 檸茶BB 感覺滿滿的檸檬味，外觀像一般檸檬茶，但味道像將檸檬搞碎了融入檸檬茶，令人有開胃的感覺。

餐廳係全家周不時都幫襯嘅，因為價錢比較平，而且出品穩定，非集團經營，而且唔會好爆場，位於中空大堂空間感十足👍 晚市其實相對少食，午餐約$5x區內算抵食，晚市小菜由$68-128之間居多。 枝竹豆腐斑腩煲 上枱熱辣辣起晒泡泡斑腩量都多，而且調味夠，魚肉滑，枝竹豆腐唔會落好多搶晒主角風頭 菠蘿生炒骨 外皮脆，內裏軟嫩不乾，個汁唔多唔少，料頭落足，色、香、味俱全 啫啫雞煲 出街食平平無奇，呢度嘅啫啫雞煲居然有豬潤咁得意味道夾，豬潤爽滑唔鞋。雞用上雞件，連骨更滋味 南乳粗齋煲 南乳味啱啱好唔會太淡太濃。材料豐富多樣甘筍、粟米仔、木耳、茄子、枝竹同粉絲，非常滿足又健康好味

有咗屯馬線之後去九龍城方便咗，所以有時都會去嗰頭覓食！呢間中菜見有唔少好評，一於入去試試！ 🍭芝士龍蝦伊麵($480) 呢個超級好食！！本身同親屋企人飲茶一定會點😍 呢個芝士好多好澎湃，每條伊麵都掛滿晒芝士汁😍😍 選用西澳龍蝦，龍蝦肉份量好多，煮得有咬口唔會淋，真係好味道！ 🍭椒鹽炒鮮魷($98) 鮮魷大大件，好有鮮味，炸粉唔會太厚，熱辣辣咁食到外脆內軟！上面灑上大量蒜片，極度香口！ 🍭豉椒炒蟶子王($180/4) 呢個我都大力推介🫶🏻 蟶子王好大隻，肉質鮮嫩～ 佢有蒜蓉蒸同豉椒炒兩款選擇，因為經常食蒜蓉蒸所以就試下豉椒，更加鮮香惹味！ 🍭紅燒豆腐斑腩煲($88) 因為想食豆腐所以叫咗呢個煲！份量又係超級多，豆腐幾好食，斑腩啖啖肉～ 🍭手拍青瓜($68) 冇諗過上菜係長條形咁上，超多青瓜，酸酸地開胃～

和同事一起去紅磡灣中心見客，之後齊聲話要去食嘢醫肚，因為已經近晚餐時間。行過一間餐廳，紅椒力量燈光明亮，裝修簡潔，餐廳食物選擇非常多元化，中式泰式新加坡菜應有盡有，而且價錢非常貼地，吸引左我哋入去試試！ 中菜二人餐，包2款小菜、湯、飯、熱飲。 老火湯夠火喉，味道清甜。 豆腐斑腩煲：斑腩經炸熟後外層酥脆內裡肉質細嫩，配合爆香後的醬汁炒勻，炸香的豆腐超嫩滑，配合爆香後的醬汁炒勻，味道鮮香濃郁！ 蝦仁炒滑蛋非常嫩滑，蝦仁彈牙爽口，炒蛋軟熟幼滑，加上韭黃和蔥花更有口感。 白飯軟熟有飯香。 紅豆冰：啖啖的紅豆香加上順滑濃郁的淡奶香，簡直是絕配，用最傳統的高杯，好有懷舊感！ 凍咖啡夠香濃，冰凍解喝！

平時去九龍城都係食泰菜 今次食中菜 食左餐豐盛海鮮餐 餐廳裝修好有兒時港式中菜館風味 主打各款海鮮小炒 款式超多 款款都好出色😍 🔸芝士龍蝦伊麵 $480 龍蝦啖啖肉，肉質爽口彈牙，伊麵好有嚼勁，配上香濃嘅芝士醬汁，味道濃郁香滑，龍蝦同芝士嘅結合好豐富，有爆多芝士，超邪惡！ 🔸椒鹽鮮魷 $108 鮮魷經過椒鹽炸至外脆內嫩，口感酥脆多汁，椒鹽調味帶出鮮魷嘅鮮味同香氣，令人垂涎欲滴。椒鹽鮮魷食落有辣香嘅口感，同時亦帶有微微咸香，非常開胃。 🔸豉椒炒蜆 $98 豉椒炒蜆嘅蜆肉鮮嫩多汁，豉椒調味帶出一種獨特嘅鹹香味道，蜆肉同豉椒嘅結合，令菜式更加風味獨特。蜆肉炒得啱啱好，保持住蜆肉嘅鮮甜，口感滑嫩，完全無沙！ 🔸紅燒豆腐斑腩煲 $108 豆腐入面嘅滑嫩質地同紅燒斑腩嘅鮮美肉汁完美融合，斑腩燉得軟嫩入味，令豆腐吸收咗豐富嘅湯汁，口感鮮美豐富，加上煲仔煮出嘅香氣，令味覺更加香濃。 🔸京都肉排 $108 肉排外脆內嫩，炸至金黃酥脆，肉質鮮嫩多汁。京都肉排獨特嘅醬汁帶有微甜味，增添咗肉排嘅層次感，令味道更加香醇，絕對係肉食愛好者嘅不二之選。

高質素新派冰室 餐廳新開張 好受街坊歡迎，夜晚七點去已經排緊隊 店舖空間闊落，環 境休閒舒適，佈置好有心思 打卡一流 食物方面絕對係超多選擇 揀唔落手，日日食都唔厭 提供多款意粉、焗飯、湯飯、扒類、 川菜 等等，款式創新，價格合理 份量好多，人均唔使$100 性價比高 晚市三人消費:$283 不設加一服務費 食評 我哋叫咗個二人餐，包括三碟餸 兩碗湯 兩碗白飯，兩杯飲品 仲可以免費升級特飲，只需 $188，超抵呀 羅宋湯✨ 明火例湯✨ 清炒時蔬菜✨ 份量多 味道適中 唔會鹹，好新鮮，值得讚! 海南雞(例牌)✨ 份量好足夠，雞肉夠嫩口，點上醬汁配飯好正 豆腐斑腩煲✨ 熱騰騰，鹹香惹味!大量豆腐及斑腩，好入味，配上白飯一流 另外個朋友叫咗個意粉~ 忌廉蝦球意粉 $95✨ 好飽肚好滿足 意粉好高質!熱騰騰，鋪上好多大隻蝦球，意粉佈滿香濃忌廉汁，好好味

很久沒有和Sikky見面，所以早幾天收早班，便約了她出來食晚餐。她還帶了嘉嘉，真的很久沒見，感覺她了長高了。我們去了荃灣八月茶室，食完又可以在南豐中心逛一會兒。又近地鐵站，大家回家乘車都方便。人均消費$133左右。 石鍋生薑豚肉飯配溫泉蛋$69 熱騰騰，香氣撲鼻，未食都聞到好香。本來以為生薑，嘉嘉會不會怕辣，怎知不會辣，而且用石鍋制作，熱度足夠，食到底都熱熱暖暖。而且烹調用的醬汁惹味可口，再傾弄穿溫泉蛋，攪拌白飯和醬汁，滋味十足。豚肉又香又軟，不硬不韌，嘉嘉自己一個都食了很多。哈哈。 卡邦尼意粉$58 意粉彈性可口。每人分享一小碗，人人都食得很滿意。 紅燒豆腐斑腩煲$72 豆腐和斑腩份量都幾多。食完一件又一件，然後還有很多在下面。配白飯一起吃，家常便飯很滿足。 招牌酸菜魚$188 Sikky說魚很滑，不停食就不停說很滑，哈哈。而且不腥，不過頗辣，但真的很滑，一放入口，咬兩口就直接吞。當中有其他配料。薯粉份量亦幾多，又彈牙，又煙韌。 菠蘿冰$13 跟餐所以加錢就飲到特飲。涼爽冰凍，消暑解渴。 熱杏霜$0 跟餐所以免費

一行到入去同佢講三個人，叫自己搵位，啲人企晒喺度唔知做咩，冇安排性，冇管理，個個企晒喺一個狹窄嘅空間等位。 本來叫左個枝竹火腩煲，一上枱打開蓋就聞到好大陣漂白水味，同職員講佢射波俾人，一個傳一個，仲要好晦氣講「有問題實換俾你，但係我唔到有味，唉，咁你唔好要囉，唔好要囉。」200幾蚊我仲要食氣 啲野食70幾蚊，好似碟頭飯咁嘅份量，金沙蝦球得10粒以內，仲要係細粒。枝竹火腩煲，後尾改咗做豆腐斑腩煲，唔係汁嘅，係水，隻布仲要唔熱。瑤柱金菇扒生菜，一粒瑤柱都冇，剩係得好少好少嘅碎碎。啲嘢全部好似烚完淋啲汁上去就算，仲衰過雙餸飯。 冇下次，可一不可再

🙋🏻‍♂️餓底探員今日睇完戲路過深水埗呢間冰室，見有好多街坊喺入面用餐，就決定入去調查，餐廳除咗有炒粉麵，碟頭飯，小菜，竟然仲有酸菜魚，麻辣雞煲，胡椒豬肚雞煲，但餓底我太耐無食過家常小菜，今次先調查佢嘅小菜先，有機會下次再調查埋其他 🐖🐟🍲豆腐雙腩煲 $78 📸表示個雙腩煲份量唔少，入面有豆腐，雙腩就有火腩同斑腩，仲加咗薑蔥同蒜，平時去茶記都係食豆腐火腩煲或者豆腐斑腩煲，呢個豆腐雙腩煲一次過食齊火腩同斑腩，好滿足 🙋🏻‍♂️表示個火腩食落軟腍，火腩皮吸收晒啲醬汁，食落好入味，食得出原先層皮應該係好脆嘅，斑腩炸到金黃色，外脆內軟，豆腐口感嫩滑，呢個煲價錢親民，食物高質，性價比好高 🦐🥚蝦仁韭黃炒滑蛋 $75 📸表示個蝦仁炒蛋好大碟，蝦仁夠大隻，加咗韭菜同蔥花一齊炒，簡簡單單但好有家常小菜嘅風味 🙋🏻‍♂️表示個炒蛋夠嫩滑，好有蛋香，蝦仁食落鮮甜，口感彈牙，韭菜同蔥花提升咗炒蛋嘅味道，好適合用嚟餸飯 🦑蒜香椒鹽魷魚鬚 $45 📸表示個椒鹽魷魚鬚炸到金黃色，底下用啲炸粉𢇃墊住 🙋🏻‍♂️表示個魷魚鬚炸得好酥脆，食落彈牙好有咬口，配上炸蒜同椒鹽令到個魷魚鬚味道更加突出 ⚠️小菜套餐包白飯同例湯，一坐低店員就遞上熱焫焫嘅例湯，個例湯都好足料，飲落好清甜 📈吃貨指數 😋好味度 8/10 🔙返啅度 8/10

兩個人食五碟餸都米話唔勁﹗黎得呢間梗係要試佢嘅燒鵝啦。例牌燒鵝兩個人食啱啱好，真係燒到皮脆肉香，而且佢層皮真係好薄，又唔會太肥，果然係招牌菜。 沙薑豬手就真係麻麻地，最敗筆係一D都唔入味，沙薑還沙薑豬手還豬手，呢個唔推薦。 黃金苦瓜都唔錯，不過如果層鹹蛋黃可以薄D應該效果會更好。 豆腐斑腩煲都幾好食，豆腐夠香滑，斑腩外面層粉都算薄，可惜唔夠惹味。 鮮魷蒸肉餅D鮮魷幾好食，不過肉餅太薄，咬落去唔係太好feel，肉餅始終要厚返少少先好食。 總結係燒鵝掂其他野(起碼呢4款)只屬一般。

呢間野因為一開始食過魚香茄子煲，豆腐斑腩煲覺得都唔錯之後再試其他野就出事 出事餐單如下： 豆腐火腩飯 - 非常咸，咸到食唔到1/3 五香牛腩飯 - 一啲都唔香，個汁無味既，牛腩好硬，越食越無胃口 滑蛋蝦仁 - 有啲韭黃，有啲傻菇，有啲蝦，個蛋好淺色接近奶白色，貌相怪之餘，係無咩味 梅菜扣肉飯 - 呢個超級無敵難食，扣肉好乾，唔講以為食緊湯渣，入口好鞋乾到粉粉地咁，梅菜重咸味，最後成碟只係食左幾啖，然後放棄掙扎 另外就係餐牌雖然寫住跟湯既，但你唔叫佢俾就會無

有冇諗過茶記可以食到酸菜魚或者羊腩煲？經過長沙灣發掘美食之時，居然俾我搵到呢一間企理全新靚裝修的茶餐廳，而佢並非一般茶餐廳咁簡單，係以川菜特色為主，另有時令當做菜式等等。 -蜜椒薯仔牛柳粒($78) 齋睇色水已經夠吸引，超有鑊氣啊！牛柳粒爽滑冇根，薯仔入味，蜜椒爽甜，食唔停口！ -四川回鍋肉($71) 四川回鍋肉係我最愛吃的川菜之一，口感偏麻辣，與以往食開偏甜的有點不同，鍾意食麻辣嘅朋友仔就唔好錯過啦！份量大碟之餘，新鮮即叫即炒，送飯一流呀！ -紅燒豆腐斑腩煲 ($72) 必點之選！豆腐煲內有各種菇菌類，紅燒豆腐入味，斑腩口感軟綿，大人小朋友都啱食，而家天氣咁凍食簡直啱晒！ 餐廳提供的菜品選擇豐富，加上店內的侍應姐姐同埋收銀哥哥都好nice，有問必應，實在很不錯！