同朋友去皇家太平洋酒店Staycation 包餐飲消費額 揀咗堤岸酒吧及餐廳🥂 揀咗黃昏時間坐餐廳戶外位置 希望可以睇到黃昏靚景 🌄見證白天🌞至黑夜🌠天色真係好靚呀👍 勁Chill🥂 有個優惠套餐係$158 任選2款飲品🥂及3款小食 另加一 我哋揀咗➡️ 炸洋蔥圈🧅 薯條 🍟豬頸肉同埋白酒🥂 炸洋蔥圈🧅必食 好鬆脆足料 食到停唔到口😛

事隔多年無黎皇家太平洋食自助餐， 見到會員又推出返生日買一送一喎， 就約左個吃貨朋友一齊刷返餐勁既， 餐廳環境幾闊落，座位隔得算幾開。 自從早排食完某間無野食既自助餐， 即刻覺得呢度自助餐食物種類豐富， 沒對比沒傷害，兩人共$488 + 10% 沙律，冷盤，煙三文魚，八爪魚 🐙 壽司🍣魚生刺身都幾優質，鮮味🥳 中式粉麵 🍝 ，即切牛肉，選擇多。 鰻魚炒飯甜甜滋味，加日式醬油炒， 爐端燒 🍢 燒杏鮑菇加醬油又係正， 冷凍海鮮有蝦🦐蟹腳🦀青口同螺， 都算幾新鮮。有款熱盤我夾左三次， 就係牛脷，厚身，好香好淋，入味！ 最驚喜係竟然有香檳🍾️，易入口， 成件事好值回票價🥰有三款香檳。 另外，我好鍾意佢地甜品果部份， 因為佢係我食過自助餐入面黎講， 算係比較多選擇既一間，有窩夫🧇 又有幾隻口味既movenpick雪糕🍦 芒果布甸，中式糕點同埋小蛋糕🍰 朱古力慕絲蛋糕，好香朱古力味。 伯爵茶焦糖燉蛋，蛋香帶有茶香🥰 迷你葡撻，質素好，拍得住肯記！ 芝士撻仔，入面係半流心既芝士， 好香濃既芝士味，真心有驚喜既☺️ 最後仲可以拎走半磅嘅生日蛋糕， 因為我之後要去行街唔係返屋企， 我就問侍應可否雪住轉頭返嚟拎， 佢好有禮貌，影完相就幫我包返， 雖然蛋糕送既，但都有貼心服務☺️ 兩百幾蚊人均有咁既美食同服務👍🏻

位於尖沙咀皇家太平洋酒店中港城裏，坐位有分室內室外露台，室外吹住海風應該都好寫意，旁邊就係新起海濱長廊，食飽散步睇夜景好浪漫🌃。 前菜簡單雞蛋生菜蝦肉卷，加左小小酸辣菜脯好惹味；小食大蝦🍤選擇左黑胡椒炒夠火辣啖啖肉；主菜當然係招牌海南雞飯，油飯香，雞肉淋，配搭三小碟醬汁老抽、薑茸、辣椒🌶️，口感濕潤，無骨雞髀肉肉嫩飽滿，很好送飯。 菜類選擇咸魚炒銀牙，大大條銀牙又圓又粗超有口感，配埋咸魚調味美味健康。

難得老公放假，當然要一齊去街sweet , 第一次黎 Pierside Bar & Restaurant , 明明見到OpenRice 有人係4 月11 日post寫呢個bar 有個超值package $158 1+2+3 combo 優惠，2 drink ， 3 小食，好超值，但係落單時侍應話飲品只可以選擇指定紅洒和白洒，啤酒，仲話一定冇推出過可以揀其他drink, 本來想要揀cocktail, 只好揀白酒同blue girl 。 但係佢地menu 真係冇寫清楚，唔知係咪真嘅有的人可以揀其他drink , 好奇怪！ 講返飲品，白酒同blue girl ，正常味道，我另外都叫咗杯cocktail Pina Colada , 味道好有椰香，good . 小食方面我哋叫咗以下三款： 我地大嘅18:45 order , 但係小食成半小時後先到，佢應該係同其他客人order 一齊整。 脆香雞翼 ： 真係好脆，送到過嚟夠熱，味道都好味 大澳黃金魷魚圈：呢個最好味，配埋他他醬，真係very good . 迷你松露芝士漢堡: 呢個外型可愛，但係味道普通，牛肉唔係好熱，冇肉汁比較乾咗。 另外有叫咗一個德國脆炸豬手，呢個真係15 分鐘左右送到黎，差唔多每台客人都有order 呢個，真係炸得夠脆同埋唔會太乾，味道都好好，但係配果醬冇乜特別。 整體食物好味，坐位都舒服，我同老公一齊都覺得滿意，如果果package 可以加少少錢轉飲品就更加perfect .

難得老公放假，當然要一齊去街sweet , 第一次黎 Pierside Bar & Restaurant , 明明見到OpenRice 有人係4 月11 日post寫呢個bar 有個超值package $158 1+2+3 combo 優惠，2 drink ， 3 小食，好超值，但係落單時侍應話飲品只可以選擇指定紅洒和白洒，啤酒，仲話一定冇推出過可以揀其他drink, 本來想要揀cocktail, 只好揀白酒同blue girl 。 但係佢地menu 真係冇寫清楚，明明寫任選兩款飲品，唔知係咪真嘅有的人可以揀其他drink , 好奇怪！ 講返飲品，白酒同blue girl ，正常味道，我另外都叫咗杯cocktail Pina Colada , 味道好有椰香，good . 小食方面我哋叫咗以下三款：我地大嘅18:45 order , 但係小食成半小時後先到，佢應該係同其他客人order 一齊整。 脆香雞翼 ： 真係好脆，送到過嚟夠熱，味道都好味 大澳黃金魷魚圈：呢個最好味，配埋他他醬，真係very good . 迷你松露芝士漢堡: 呢個外型可愛，但係味道普通，牛肉唔係好熱，冇肉汁比較乾咗。 另外有叫咗一個德國脆炸豬手，呢個真係15 分鐘左右送到黎，差唔多每台客人都有order 呢個，真係炸得夠脆同埋唔會太乾，味道都好好，但係配果醬冇乜特別。 整體食物好味，坐位都舒服，我同老公一齊都覺得滿意，如果果package 可以加少少錢轉飲品就更加perfect .

今次嚟到食位於中港城皇家太平洋酒店旗下嘅餐廳 有室內同室外座 室外嘅話遠處就望到個開頭都幾有feel 我就叫咗沙嗲、炒貴刁同星洲咖喱雞 沙嗲有雞牛豬 可以叫齊晒三款 啲肉係有炭燒味 咬落去亦都有肉汁味 配埋花生沙嗲醬一齊食 超惹味 至於炒貴刁亦都好有鑊氣 再加上獨特嘅調味 令人食唔停口 至於星洲咖喱雞個汁都好濃味 有淡淡的椰香味 配埋飯一齊食就最夾 可以食晒成碗飯 因為我去嘅時候唔算多人所以服務都算唔錯 位置亦都坐得好鬆動 幾舒服 好啱一家大細嚟食

朋友介紹話OK，結果就來試試。 我訂的海景房，本身包早晚兩餐，價錢連加一是2千幾，價錢算合理。 先講晚餐，晚餐整體水平可以接受，可以選擇的款幾多，而且分：日式、印度、中試、海鮮、甜品等吾同區域。感覺如下： 【好】：蝦、蟹都算新鮮🤤，甜美的。 【好】：甜味選擇可以，而且味道不錯。 【一般】：鵝肝、牛扒可以接受。不過一定要拿熱的，即剛剛整好，而且馬上吃，差不多接近入口即溶，但一放耐左就好一般了。 【一般】：龍蝦解凍情況一般，而且味道好淡，一定要加少少汁，感覺不及皇家太平洋。 【差】：生蠔不肥美，而且非常腥😥，熟三文魚都是。 早餐方面：質素比想像好，對比其他酒店，選擇算多 。 服務方面：人手足夠的，我去的當晚，基本滿座，但都可以。 整體表現：不粗，值得再來！

長達5天的復活節假期，本是港人外遊的重要黃金檔期，可惜疫下當前無法出走，最近發現皇家太平洋酒店柏景餐廳Café on the PARK剛於四月換上日式爐端燒自助餐主題，難得放假就來品嚐東瀛美食，讓味蕾遊走在日本。 餐廳環境寬敞，充滿空間感，店員勤快收碟執拾，坐得舒服自在。 加上復活節亦有不少佈置裝飾，感受濃濃節日氛圍。 全晚冰鎮海鮮源源不絕地供應，款式有龍蝦、蟹腳、鮮蝦、鮮蜆、藍青口及翡翠螺等。 我自己就最喜歡吃蟹腳，爽彈蟹肉雪白細膩，鎖住原始鮮甜海味。 魚生刺身即叫即切，包括三文魚、八爪魚、甜蝦及吞拿魚等多個款式。 軟殼蟹手卷是即點即製，讓紫菜保持輕脆的口感，握得緊密的飯粒緊緊包裹著炸得金黃香酥的軟殼蟹。 爐端燒帶來多款熱辣辣的串燒美食，再掃上特製醬汁帶出食材的鮮味及香氣。 值得一讚的是爐端燒放出來都是小份量供應，所以廚師全程忙於現場即燒以作添補，因此食物較易保持剛剛煮好的熱度。 芝士焗龍蝦表面鋪滿澎湃芝士，配上啖啖肉的開邊龍蝦，芝味與鮮味同時滿瀉。 燒鱈魚肉質豐腴嫩滑，配上甘甜的日式燒汁，燒出誘人的焦香甘味。 鵝肝燒飯團於表面掃上甜甜的爐端燒醬汁，再烤成如飯焦般脆口，內藏滿口油香的鵝肝。 錫紙清酒煮蜆帶有微醺酒香，而且洗得夠乾淨，裡面也沒夾雜沙粒。 日式清酒煮牛尾是我個人的心水推介，肉質軟身卻仍帶有嚼勁，不會過韌，炆煮得極之入味。 餐廳內所有熱盤、冷盤和甜品由專人代夾，讓食客吃得衛生又放心。 最為驚喜的是有瑞士熱溶芝士供應，將芝士放在加溫器前不斷的加熱，用刮刀一刮，讓濃濃鹹香的芝士滾滾流到食材上。 可以將Raclette混搭香脆多士、餅乾及多款食材，風味更多變，令我不禁陷入這邪惡拉絲的魅力。 啖啖肉的炒龍蝦鉗，表面撒滿蒜頭、香蔥等，讓龍蝦變得份外香口。 原條蒸魚大條又厚肉，魚肉鮮嫩，不會蒸得過了火候，高蛋白低脂肪，可說是老少皆宜的菜式，而且最原始簡單的做法原汁原味，反而能更突顯出食材本身的鮮味。 熱盤款式還有燒西冷牛扒、香草焗羊脾、燒豬柳、日式麵豉醬焗比目魚等等，肯定可滿足各食肉獸。 三十功名中式燉湯以原盅蒸燉，內有螺頭、花膠、蟲草花等滋補食材，真材實料，湯頭清澈，喝得出沒加味精。 沙律冷盤以單獨小碟的器皿盛載，整潔又方便，我自己就最喜歡煙三文魚，脂肪條紋清楚利落，魚肉鮮美而有彈性。 甜品部的海量款式多得壯觀，甜點控一定要記著留肚！ 今次換上復活節限定的新款式甜品，例如彩虹拿破崙蛋糕、甘筍杯子蛋糕、熱情果雞仔蛋糕、賓尼兔棉花糖等，賣相精緻可愛，更有過節氣氛。 新登場的主題甜品有日式栗子蛋糕，蛋糕質感綿密濕潤，栗子泥香醇軟滑，充滿濃厚和風栗香。 朱古力慕絲蛋糕鏡面晶瑩剔透，可可味夠濃醇，彩虹拿破崙蛋糕層次感豐富，一層疊一層的酥皮香脆中滲出輕盈的牛油香。 蘋果金寶以烤焗過的金寶碎灑面，夾雜著切粒果肉，將蘋果的天然酸甜果香與玉桂的特有香味交互融合，齒頰留香。 還可任食瑞士名牌Mövenpick雪糕，總共有六款口味選擇。 除了汽水、咖啡或茶之外，更有近年十分流行的 Detox Water和健康果汁，輕盈無負擔。 還有金銀花雪梨茶熱飲供應，味道天然清甜，清熱解毒。

假期天氣太熱，郊區太多人，結果由野餐轉去afternoon tea。 臨急搵都冇咩可能book到，walk-in等半島又唔太想，搵搵下見到尖沙咀皇家太平洋酒店的「柏景餐廳」下午茶有afternoon tea，唔貴之餘評價都不俗，最重要係有位。佢而家做緊「悠然下午茶」set，人頭周一至五$208，周末同假期$228，如果預先上官網訂位同全數畀錢，仲有8折，係極之抵（更抵的在後頭）。 去到柏景，職員話座位full左（同時有自助餐同tea），然後禮貌地請我哋去附近堤岸酒吧，嗰度細少少，但可以對住海景，也不錯。 好快三層架就送上（圖中為三人分），有齊鹹甜點同scone，連飲品。最底層係鹹點3款，除咗三文治，其餘兩款都有驚喜，尤其牛油果鮮蝦咯嗲，蝦肉好爽，牛油果軟滑，鹹中帶酸，好開胃。迷你松露牛肉芝士漢堡的牛肉都幾juicy，調味都唔錯。 甜點佔兩層，全部不過不失，反而賣相最一般的香橙忌廉撻幾好食，甜中帶微酸，餅底鬆化。最膩的當然係榛子朱古力慕絲。 另外一碟係scone同兩款鹹點，scone有原味同提子味，有奶香但比較鬆散，大力少少都會粉碎。附上的clotted cream同柑橘醬都唔錯（個人比較鍾意士多啤梨醬）。班尼迪係全場最好食點心，鵪鶉蛋雖然細隻，但流心蛋黃都幾多，parma ham又夠鹹香，配埋烘得微脆mini pancake，屬誠意之作。炸蛋白幾似日式放題嗰啲，都算唔錯。 最吸引嘅係，佢提供的所有點心係可以叫侍應refill，而且無限次數，所以抵上加抵。我哋就encore左3次鮮蝦咯嗲同班尼迪，本來想食scone，但實在有心無力。 如果唔係堅持要去五六星酒店，呢度絕對值得一試，食物質素同環境對得住價錢有餘，性價比超高。不過唔清楚呢個優惠做到幾時，有興趣最好事先問問。

見到超美的cocktail, Blue Monday也變Happy Monday!! 早前與好友到皇家太平洋酒店的Pierside暢飲, 只因有超值package!! 雖然很便宜, 但沒有將貨就價, 讚呀!! 超值package 就是$158+10%就有兩杯飲品(指定紅白餐酒及啤酒)及三款$38小食.  例如香辣素牛肉粟米片, 讓人吃不停口! 三款醬料分別是牛油果醬, 蕃茄莎莎醬及sour cream. 我就喜歡三款拌在一起吃.
水牛城雞翼辣度適中, 仍能保持其肉汁, 藍芝士醬汁令人又愛又恨, haha.
朋友這份迷你松露牛肉芝士漢堡, 聞說也十分美味, 牛肉味濃鬆化.
另外, 任何兩杯飲品配一款$38小食, 飲品同時享半價, 這個較有彈性, 因可選cocktail/mocktail, 像我兩杯cocktail加一款小食, 就$116. 介紹這杯Pierside Sangria, 以橙酒代替紅酒, 突顯水果的顏色, 而且更易入口.
另一款則是The Blueberry Night, 有冧酒、椰汁及藍莓, 配搭新穎, presentation也漂亮, 微甜, 也適合女生.
朋友這杯Kamikaza 好吸睛! 忍不住也要相機先飲.
喜歡吃薄荷醬的就不要錯過印度脆餅, 即使放涼了也很香脆, 喜歡這醬的清新.
無論用那個package也夠抵! 想要多些肉肉, 就必點德國脆豬手$138, 皮超脆, 有肉有皮最滋味, 又有酸菜及酸瓜, 這碟我可吃很多!
最後要了一份海鮮拼盤 $168, 凍蝦、青口、蟹腳, 每樣都鮮甜可口.

都不知多久未有試過幾個人去酒吧飲杯酒，談談不同話題，和舊朋友見面聚聚舊，食下小食，係肆虐疫情嘅呢一年，呢類嘅活動一隻手都數得晒。
以前平凡嘅活動，原來可以那麼遙不可及，當然令人更加活在當下，有得食好食，有得去好去，誰知道明天發生什麼事。

有不少酒店嘅酒吧餐廳都已經開返，上次去完尖沙咀Hyatt嘅清清吧，今次就去下皇家太平洋的堤岸酒吧。


記得喺疫情之前曾經有個menu非常精彩，食咗好多唔同嘅小食，又飲左唔同嘅紅白酒。
今晚同兩位非常出名的知名博客食飯，我呢d小薯當然係聽下人講嘢學下野。


先來一杯sangria，我相信你未飲過咁可愛嘅sangria ，平時喺澳門見到都係一大壺比你自己飲，有個蘑菇杯咁可愛咁有特色，新鮮感滿分。 朋友J呢杯以Baileys為主角嘅Cocktail，更加襯呢個杯。
呢度嘅黑松露薯條絕對係令人吃不停口，食完一碟又一碟，黑松露不算叫做濃得令人害怕，就算不愛呢個味道應該都會喜歡。
飲酒食小食點可以唔食水牛城雞翼，辣辣地，送酒真係一流。
我點了蒜片和牛粒，樣子雖然並不甜美，但是絕對好食。
德國脆豬手，當然一定要送啤酒，令我想起平時可以喺街邊嘅大排檔食鐵板豬手嘅日子，可惜，依家只能喺酒店食處止癮先。
豬手如其名，個皮真係脆到不能再脆，啖啖肉送紅白酒可能不夠痛快？不如來杯Sapporo 啤酒。
一口漢堡，又可愛，又好食，旁邊嘅沙律醬反而係點晴之作。
呢度竟然可以叫到沙嗲軒嘅美食，我們當然不能錯過。點了從來水準極高嘅海南雞飯，完全沒有令我們失望。

不過我自己個人最喜歡的都是炒貴刁，就算頭先我哋食咗咁多嘢，我們依然有胃口食哂成碟，油香滿佈條條炒貴刁，每次吃咁地道嘅小食就自然諗起幾時有得再飛。
尾聲嘅串燒，我想到自己在新加坡街頭的food Centre，想到從前簡單想去就去買張機票嘅生活，才發現平凡不是那麼簡單。
因此而家可以平凡生活吃一口好東西，也是值得珍惜的幸福吧，正因平凡不是預期那麼簡單。
堤岸酒吧及餐廳

尖沙咀廣東道33號皇家太平洋酒店海景翼大堂高座

喺尖沙咀中港城隔離嘅皇家太平洋酒店有一間西餐廳，以前係相當旺嘅，不過因為疫情，中港碼頭關閉，所以人流大大減少。對於香港人來講某程度上都唔係一個壞事，今日就可以嚟到呢度享受一個寧靜嘅下午。餐廳環境相當寬敞，枱與枱之間有適當距離，令食客都更安心光顧。下午茶更加一啲都唔貴，用指定信用卡仲有六折優惠，埋單每人$180有找，真係非常超值。等咗大概十分鐘，tea set就已經登場，賣相算不俗。鬆餅有原味及提子味各兩件，送上枱時仍帶微暖，另配自家製柑橘醬及忌廉。最下層為鹹點，分別有
🍖巴馬火腿鵪鶉蛋班尼廸
🥑牛油果鮮蝦咯嗲
🌹脆炸玫瑰香檳燉蛋白
🥒香草青瓜忌廉芝士麥包
🐮迷你松露牛肉芝士漢堡中間嗰層就開始食甜點，包括
🍳法式燉蛋泡芙
🍓紅莓牛奶布甸
🍫榛子朱古力慕絲最頂層就有
🍊加州香橙忌廉撻
🍎焗富士蘋果芝士蛋糕
🍵宇治抹茶紅豆卷總括而言，食物就不過不失啦，最驚喜嘅就係當你食完一round之後，就可以要求encore你覺得好食嘅鹹甜點，淨係呢點都已經抵返晒。👍🏼


我個人就幾鍾意焗富士蘋果芝士蛋糕、法式燉蛋泡芙、迷你松露牛肉芝士漢堡，其實仲有其他都值得encore，不過又已經好飽，都係留待下次再嚟食過啦！

數數手指我原來已成個月沒吃自助餐了！趁著新春期間相約了美女在Royal Pacific Hotel 皇家太平洋酒店的柏景餐廳以香江情懷自助午餐解相思之苦！

1

這個香江情懷自助餐只要在最少一天前於官網預訂並繳付全費，那自助午餐、半自助午餐、週末自助早午餐或自助晚餐便可享高達6折優惠！ 像我吃的2.5hr自助午餐星期一至五的收費為成人原價＄338/位、折後＄236.6/位 ，小童原價＄238/位、折後166.6/位，長者原價＄278/位、折後194.6/位(已包括以原價計算之加一服務費)，真的超級抵吃最重要是自助午餐的選擇也超級豐富呢！
那待車媽媽帶大家走一圈看看有什麼食品選擇啦！甫踏進餐廳便是甜品區有雪糕迷大愛的Mövenpick雪糕專櫃，內裏還有六款口味選擇那麼多包括有薄荷朱古力、意大利奶凍、熱情果芒果雪葩、雲呢拿、士多啤梨及瑞士朱古力味，雪糕狂迷必定可以在此大快朵頤大滿足了！

1

而甜品櫃內放滿了小巧精緻的甜點，當中包括有雲石芝士蛋糕、黑森林蛋糕、綠茶忌廉筒、特濃朱古力餅、水晶餅、熱情果乳酪蛋糕，還有三款新鮮水果最開心當然是有我極愛的菠蘿喔！

2

另外切合今次的主題所以設有不少懷舊的中、西及賀年甜品，打頭陣有新鮮熱辣的即時製窩夫、芒果布甸和北海道3.8牛奶布甸配雜莓！

1

而懷舊甜食則有滋潤養顏的*鴻運滿堂*紅棗桂圓茶、賀年年糕、脆麻花、笑口棗和麥芽糖夾餅，另外還有我自少已很喜歡吃的潮州糖蔥餅，喜歡懷舊甜品如我的朋友必定歡喜若狂耶！

0

而自助飲品區亦一應俱全供應多款無限任取的飲品！從來也喜歡自助餐有無限暢飲感覺更為開心呢！
無限暢飲選擇亦不少當中包括有罐裝汽水、橙汁、蘋果汁紅茶及排毒水另外還有自助咖啡或茶，喜歡冷熱飲品也有得揀很讚喔！
喜歡高興碰杯的朋友更可以$68/位便可無限暢飲氣泡酒、紅、白餐酒及罐裝啤酒呢！
介紹完甜品飲品之後我們一起走到海鮮街看看有什麼冰鎮海鮮可選吧！這天的冰鎮海鮮包括有翡翠螺、鱈場蟹腳、凍蝦、大蜆等！而在星期五、六及公眾假期前夕之自助晚餐更會升級供應波士頓龍蝦及龍蝦鉗呢！
海鮮街旁邊是沙律及前菜區供應著新鮮的沙律菜和美味凍肉！

0

另外還有不少現成的沙律可選當中包括有俄羅斯沙律、三文魚沙律、華都夫鮮蝦沙律，而新春期間更提供新年必吃的大紅菜式魚生撈起！

0

接下來走到元氣路即是日式美食的專區！供應著五款刺身包括有玉子、榮螺、希靈魚、鯛魚、及肥美的三文魚刺身。

0

另外還有冷麵、螺肉、中華沙律及精美的壽司供應，沒辦法回*鄉*的朋友唯有在這兒尋找那點和風的根吧！

0

繼續往前走正是麵食里和點心街的位置！廚師會即叫即煮地道的車仔麵和沙田雞粥給客人，喜歡澱粉質的您絕對不可能錯過啊~

0

走到點心街這天供應有燒賣另外還貼心的供應上牛肉燒賣，旁邊還有我最喜歡吃的豉汁鳳爪和豉汁蒸排骨，真想端來碗白飯弄一個自家製的鳳爪排骨盅頭飯呢！

0

0

點心旁還有超美味的*哈哈大笑*上湯海中蝦炆伊麵，如果胃納強勁的朋友真要品嚐這美味又好意頭賀年菜式哦！

0

點心街對著的位是供應餐包和熱辣辣的湯品的區域！

0

接下來轉過角是長長的熱食專區內裏放滿各式新鮮熱辣的中、西熱葷，而今次食物質素和味道我覺得精進了不少真吃得我舔舔脷呢！打頭陣是賀年菜必備的*年年有餘*清蒸沙巴龍躉、*發財好市*生菜豬脷蠔豉、接力的還有*新春報喜*脆皮炸子雞，新正頭吃這些夠晒好意頭啊！

0

繼續還有腰果牛肉、炸魚柳配薯條、蟹肉香草意大利粉、法式紅酒燴雞、芝士焗菠菜帶子、醬燒排骨配烤菠蘿、芝士焗西蘭花椰菜花、香草燒羊肩，選擇多到不行相信大家也必定選到心水美食。

0

之後還有只限自助午餐供應的燒脆皮豬腩肉配上美味的燒甜薯和車厘茄作伴菜！私心推介這個脆皮豬腩肉絕對是不可不吃的美食！

0

最後還有即場燒製的香噴噴燒烤美食！有肉嫩多汁的燒雞翼、煙韌的魷魚圈、香口的三文魚骨、羶香的烤羊架及我至愛的燒菠蘿！這個香江情懷自助午餐的美食真是十分豐富，光是影相時我已經吞了不少口水了呢！

0

跟好友有各自取來心水美食影相靚相便係時候開餐了！大家請起筷不用客氣喇呵呵！

0

車媽媽的習慣改變了改不了先來碟清爽的粟米青瓜BB菠菜沙律，伴以油醋享用佔胃之餘不怕肥喔！然後來一碟前菜海鮮加生果墊墊底待稍後不用吃得那麼兇狠嘛！

0

0

然後是好友取回來的刺身和壽司雖然我好為食但這麼多飯我還是吃一件好了！那當然選我最喜歡吃的鰻魚壽司來品嚐吧！刺身就可以吃多兩件而我就最喜歡肥美油潤的三文魚了！

1

來這兒如果見到有這個滋補三十功名燉湯而不喝絕對是您的損失！用料豐富又足的三十功名燉湯味道香甜到不得了，喝下十分舒服感覺成個人也佷滋補靚晒！

0

接下來品嚐沙嗲軒名物鹹蛋乜乜乜！以油潤甘香的鹹蛋黃來炮製出黃金魚皮、黃金蝦棗、黃金米餅和黃金薯條真的邪惡到一個點啊，但又好吃得會令人停不了口真的教我糾結非常！

0

另外只限自助午餐供應的焗酥皮威靈頓三文魚也很合我意，從來未嚐過威靈頓牛柳的我可以試這個香氣撲鼻的焗酥皮威靈頓三文魚真是好幸福耶！

0

熱葷我選了意頭菜吃旺一旺佢最喜歡炆得入味的生菜豬脷蠔豉，另外那必吃的燒脆皮豬腩肉皮脆肉嫩又多汁超美味，伴薯香甜的燒甜薯吃很滿足啊~

1

最後嘆多碗仔即煮綿滑的沙田雞粥真的非常飽足了很開心啊！

0

平時甜品環節我大多會跳過的但因有這個懷舊糖葱餅令忍得口的我也失守了！
這個即叫即包的懷舊糖葱餅外皮煙韌薄身內裡的糖葱餡甜蜜輕脆，吃下味道鹹甜交錯好不美味耶那份童年回憶即時湧上心頭！！

0

另外這香江情懷自助餐由即日起至28日期間，凡2位付費成人惠顧自助晚餐同行一名3至11歲小童可享免費優惠，而該月的生日之星惠顧自助午餐或晚餐即可享免費生日蛋糕乙個呢！這麼多優惠大家係時候要重溫美又豐富的自助餐了！

一場疫症，令許多不可能的事情，變成現實。

以往，發夢都唔會諗到醫院飯堂為左生存，要做埋盆菜。

同樣，我從來沒想過，酒店三層架下午茶，可以外賣返屋企慢慢嘆。家陣已愈來愈多酒店推出外賣 Afternoon Tea Set，只是孤漏寡聞的筆者，一次也沒有嚐過。

世事無絕對，只有真情趣，這個機會終於屬於我了！是日，外帶了皇家太平洋新出的　 “Relax。Recharge” Afternon Tea，與家人渡過悠閒的週末。

相信大家都了解，三層架下午茶的內容從來豐富，今次呢份外帶亦不例外，多款咸食甜點，足以我們一家三口飽到返艇。由Scone開始說起，有Raisin與Plain兩款，厚身實在，質感卻是外微脆而內鬆軟，自家的柑橘醬特別又醒胃，兩者幾匹配，但真的飽肚，我試一件就要收手。咸點款式多，細滑而帶微辣的牛油果茸，配上爽彈的鮮蝦，有助打開胃口。迷你版本的賓尼特蛋好趣緻，底部鬆脆，火腿咸香，加埋流心的鵪鶉蛋，有意思。炸玫瑰香檳蛋白，即使拿回家放涼了，仍然保持脆口不硬，內裡的蛋白細滑。迷你牛肉芝士漢堡，特點是添加了松露。青瓜忌廉三文治，用上了麥包，感覺更健康。之後是一系列精緻的甜點，榛子慕絲朱古力，是看得出的濃郁。宇治抹茶紅豆卷，軟熟濃香。加州香橙忌廉撻、焗富士山蘋果芝士撻，以及法式燉蛋泡芙各有特色，後者之賣相令我想起港式菠蘿油。以滑溜的紅莓牛奶布甸作結，飽得晚飯也不用吃。

透過官網預早一天前訂購，可享八折優惠~

明天雖然是年初三赤口但亦是甜蜜的情人節，這麼美好的日子相信絕對能解除赤口的魔咒！今年的情人節大家也未能外出用膳但其實在家慶祝也有不少選擇！皆因各大餐廳、酒店也推出不少超級優惠的Takeaway餐單，好像平時只能在餐廳吃的下午茶亦能安座家中享用！今天車媽媽就來介紹我剛吃的一個美味又浪漫的下午茶吧！

0

今天要介紹的正是皇家太平洋酒店內柏景餐廳全新推出的Takeaway悠然下午茶！

1

這可外帶的下午茶奉星期一至五收費＄208/位、星期六、日及公眾假期＄228/位、於下午3時15分至5時15分供應，而透過官網最少一日前預購即可享有8折優惠，但優惠設有限額先到先得額滿即止喔！

0

這天到達柏景餐廳來自取悠然下午茶外賣，一看見這個神秘高貴又四平八穩的包裝後即時放下心頭大石！皆因車媽媽份人比較論盡每次外賣蛋糕、甜品回家都會弄至散修修！用上這種包裝我絕對有信心將下午茶安全送抵家中。

0

這個下午茶分別由5鹹5甜的點心組合而成，另外還配有原味及提子鬆餅各兩件真的豐富到不行！點算齊全後便將它帶回家留待晚上車爸爸收工回來，一起吃著這悠然下午茶來預祝我跟車爸爸共渡第25個的情人節！

1

0

0

0

0

0

到晚上車爸爸風塵樸樸的回到溫馨的家！梳洗過後我已將悠然下午茶鋪排於檯上，待他舒舒服服地享受這頓我為他預備的情人節下午茶(早茶先真)，從未試過凌晨吃下午茶這種感覺實在太奇妙了哈哈！

0

我更預備了果茶來配襯這個下午茶，大家是否也覺得吃下午茶必須跟上美味的花果茶才像樣呢？

0

從來也是喜歡先吃鹹點的我第一樣想試的便是這杯牛油果鮮蝦咯嗲！

0

新鮮爽脆的大蝦下盡是滑溜香甜的牛油果醬，調味恰到好處的牛油果醬味道十分可口，此刻我也不再想個*肥*字了最後將整杯牛油果鮮蝦咯嗲吃光光！

0

接著這個巴馬火腿、鵪鶉蛋班尼迪賣相小巧精緻非常可愛但原來吃下味道更加可愛呢！鹹香的巴馬火腿加上內裏還流心的鵪鶉蛋，吃下去異常美味成件事也超吸引耶！

0

緊接著這一件脆炸玫瑰香檳燉蛋白令我想起小時候去飲宴的一道菜！我將這件點心放了入焗爐輕輕翻熱後才品嚐，吃下去口感外脆內嫩而且奶香十足真的很有小時候去飲宴吃的那股風味。

0

另外還有這件清新的香草青瓜忌廉芝士麥包，大家也知道麥包比白麵包更加健康，再配上香滑忌廉和清爽的青瓜片吃下去成件事變得沒有那麼邪惡！

0

最後這兩件迷你松露牛肉芝士漢堡當然要交給似爸爸好好品嚐吧！但我要讚一讚廚師的細心因為漢堡包取來時並沒有弄至金黃，預了空間給客人回家翻焗完成後色澤及香脆度也剛剛好的十分讚！

0

下午茶當然要有Scone才叫圓滿吧！每套下午茶也包括有餐廳自家製的經典及提子鬆餅各兩件，另伴以柑橘醬及Clotted Cream全套齊全陣容絕不比堂食弱哦！

0

經過焗爐的翻熱後牛油味滿滿的鬆餅香氣撲鼻，抹上酸甜有緻柑橘果醬和香滑的Clotted Cream吃總是教我著迷！

0

來到吃甜品的時候了重口味的我先選富士蘋果芝士蛋糕來品嚐！甜美帶酸香的富士蘋果粒配上滑溜香濃的芝士蛋糕，加上入口即溶的感覺簡直係Perfect Match。

0

之後是給我摧殘了蝴蝶裝飾的加州香橙忌廉撻！粉嫩色澤的香脆撻底配合橙味忌廉這個配搭較少品嚐感覺挺為新鮮。

0

我最愛則是這一件宇治抹茶紅豆卷！抹茶卷吃下味道香中帶上甘甜內裏的忌廉輕身兼滑溜吃下去毫無重感，好味得我差點想打劫埋車爸爸那一件吃呢！

0

接力的這件法式燉蛋泡芙真的夠特別！在泡芙中間的那一層不是忌廉而轉成了蛋香十足又滑溜的法式燉蛋，大家想像到那種口感和味道是多特別了嗎？

0

這杯奶香夠質感滑的是紅莓牛奶布甸！平時吃牛奶布甸我覺得奶味比較重所以不敢多吃(太重奶胃子受不了)，但這個配上了紅莓啫喱的牛奶布甸就沒有這問題，甜品師傅將兩者平衡得宜令這個怕奶的我也喜歡上它。

0

最後當然是品嚐甜品中最濃郁的榛子朱古力慕絲！我個人特別偏愛榛子乜乜乜的這件配上了香濃朱古力的甜品很輕易便得到我的歡心！

0

除了外賣下午茶外皇家太平洋酒店更推出了不少外賣更有高達7折優惠！當中有不少節日菜式想舒舒適適的安座家中吃頓情人節和開賀年飯就按此看看吧！