同frd揀左16:00食放題 為左可以食多啲嘢 lunch都未食 好期待 搭lift上到3樓 一入門口就覺得店員好熱情 好親切 裝修簡單乾淨 港．日．泰美食放題 ($239+1) 港式餸菜 當然唔少得鹹蛋黃炒薯條 日本既代表有冷盤小食 刺身 壽司 三文魚腩認真不得了encore再encore🍣 泰國既特色 炒金邊粉 冬陰功湯 飛天炒通菜 鰻魚炒飯值得推介 $200幾蚊 野食多到數都數唔晒 仲包埋任飲 算係唔錯既選擇 唔夠喉仲可以+$148升級極品海鮮拼盤 凍海鮮係任食！！！任食 ！！！任食呀！！！重要嘅嘢要講3次～ 海鮮拼盤有松葉蟹腳🦀凍鮑魚凍蝦🦐凍螺🐚凍青口 仲包埋海膽帶子 師傅切好晒螺片同鮑魚 好易食🤗 雖然剝松葉蟹腳殼同蝦殼有少少麻煩 但食多隻 番本唔難🤭🤭 2個人仲送值得期待既魚子醬 成件事好抵食✌🏻 食食下 店員姐姐送上蟲草花燉雞湯 湯料十足 飲落好鮮甜 有驚喜💯 任食梗係唔少得 雪糕🍦同甜品🍮 今次無揀錯 凍海鮮任食真係好抵食👍🏻👍🏻

今日放大假走左去青衣城行吓，大約下午兩點半入左呢間店食火鍋放題，原來90分鐘火鍋於平日（一至五）可以升级為105分鐘，今次揀左澳洲特選牛肉放題$193配藥膳紅燒牛骨鍋湯底 呢個餐包左澳洲特選牛肉，美國牛板腱，上選安格斯牛肉，猪梅花，羊肉卷同阿嬷燒酒雞可以無限追加，個牛骨湯底都有好濃嘅牛肉味同藥材味，天氣凍飲番碗暖哂，今次主力食三款牛肉同羊肉，同時牛羊追加左六轉，食呢兩款肉已番本，三款牛肉味道幾好，肥瘦均匀，羊肉又冇乜慅味 自助火鍋區有多款新鮮蔬菜同各款丸類，不過主要食蔬菜居多，丸類只係試左兩三款，另外有幾款台式炸物及小食，更有多款冷凍飲品同熱茶供應，當然仲有多款雪糕，雪條同自製台式芋圓凉粉 今餐都好滿意，環境舒適加上職員服務態度唔錯，埋單$193再加一，共二百蚊多少少都抵食

好開心約齊老朋友嚟食御滿屋 remind我年輕時代原班人馬成日食嘅日子 人大左，講真係冇咁有食力 就算仲食得，都有人要戒口呢樣嗰樣 所以今年祝大家食得是福身體健康！ 我哋要左最基本嘅A餐，包77種食物 QR code落單，上菜快且冇漏單 食物種類我覺得已經好夠食 升級應該會有多啲矜貴啲嘅食材 今日嘅聚會搞手話呢度好多有榴連食物 又真係喎，連卷物炸物都有榴連🤣 成枱得我一個唔食 我見附近啲食客都不停叫炸榴連波波 講下有咩我覺得好食 刺身新鮮，淨係蝦都有牡丹蝦同甜蝦同泰式蝦 三文魚，帶子，劍魚腩呢啲必食 火炙系列全部都好食，左口同三文魚！ 有入口即溶嘅口感，飯細細舊 西京燒，油脂豐富又有脂香！ 薄燒牛柳，牛味十足帶點蒜香勁正！ 天婦羅款式幾多 新鮮炸起口感唔錯，唔會太油膩 秋葵原條咁食幾正！ 飲品櫃有三大個 款式大路嘅一定有，酒精類嘅都多 連冇酒精嘅酒精都有呀🤣 仲有啲手調特飲自取 甜品有切餅布甸，雪糕等等 Movenpick 等等全部任食冇限人頭 Dryers呢個烏龍茶真心好食 平時唔太食甜品嘅我都食左兩個🙈 仲有好多好多手卷壽司同埋熟食 雖然我哋今日幾多人 不過食力真係不太如前🙈 但興幸佢哋嘅質素講真幾好 就算放題價位，都冇覺得將價就貨 老實講，我淨係食西京燒我已經食番本 勁抵食！唯獨坐位有啲迫係真 好彩收碟收得密，唔會一枱係嘢亂糟糟

📖今晚約咗個friend出旺角攞番本書📗順便就係附近搵野食🍴朋友話想食泰國菜🇹🇭所以就揀咗呢間😍呢間都幾多人排隊👍 🐣海南雞 $138/半隻 🌈滑嘟啷又啖啖肉嘅海南雞超正呀👍啱曬我哋呢啲懶人食喔🤤無骨真係無得輸呢🥳 🍤泰式炸蝦餅 $88 🌈最愛炸蝦餅🤤炸蝦餅咬落去彈牙又酥脆💯點埋酸酸甜甜嘅泰式醬汁😍熱辣辣好食到停唔到口呢🥳 🍛泰式炒金邊粉 $68 🌈好惹味既泰式炒金邊粉🔥側邊個有好多花生碎🥜撈埋一齊食超正✅夠大碟又夠鑊氣🔥金邊粉好爽口💯配埋酸酸甜甜既味道👅正呀🤤 🧋阿華田脆脆 $28 🌈見到海報已經心心眼😍獨特𠹶麥香風味同脆粒口感😋yummy yummy🥳 🍯熱柚子 $22 🌈正常👍唔會淡茂茂😋熱辣辣✅唔錯

咁凍真係好需要打邊爐🥺食開里間都幾唔錯，又多小食😆今晚就去咗啦！6點半未到，入面已經都好full下，一家大細，一班朋友都有！ 係QR code落咗單！就出咗去外面拎飲品同小食😆觀塘呢間有梅酒清酒(任飲)珍珠奶茶，仙草紅豆芋圓，台北咸飯，台南牛肉羮😳都好豐富!! 甜品櫃有一般放題食嘅布甸，蛋糕卷，糯米糍，慕絲!最正係有haggen daze 嘅雪糕😍食到回番本😆今晚有士多啤利味，Oreo，雲里拿，夏威夷果仁味😚打完邊爐食咗2杯🤭 另外一邊有好多邊爐料俾你拎！有好多菜，竟然有紫色羽衣甘藍，好特別!!豆苗都有！！有誠意😆有啲丸，麵食類，菇，響玲，魚皮，豆腐，米血糕，都係自助拎！ 至於肉食就係QR code自己落單！牛肩胛今晚encore得最多次，次次黎都係好鮮紅好嫩㗎😗湯底用沙嗲就啱哂啦！仲有美國勁黑和牛，勁大塊有口感，唔算好肥！ 海鮮，手包雲吞，墨魚滑都有得點😻 仲有炸物😗有榴連炸彈，芝麻雞翼，紅糖糍粑🥹真係好正！！ 食足2小時😆食到摸住肚仔走！！

銅鑼灣食物選擇雖然好多，不過近年食肆都不停加價，想簡簡單單食個西餐，每個人可能都要五六百蚊，但今次我發掘到樓上小店，有驚喜仲要好抵食！ 望一望個餐牌，啲嘢都好美式，選擇好多，今次就揀咗七個course嘅Testing Menu，貪佢唔使諗， $398究竟可以食到邊七樣嘢呢？真係好豐富，包括雜菜湯，大蝦沙律，海鮮拼盤，穀飼阿根廷牛扒，意大利雲吞，仲有cream brûlée 同埋餐茶(可以加錢轉飲酒）。咁樣嘅價錢食到咁多嘢真係好難得，仲要每一道菜都係有心機嘅，淨係飲佢個雜菜湯已經知道，裏面材料非常豐富，調味剛好唔會太鹹，就連旁邊嘅小餐包都特別烤過，呢啲細節位就見到心思。海鮮拼盤每一樣海鮮都有兩件，淨係呢個已經回番本啦，Cajun汁煮得好，襯到鮮味唔會太搶fo，牛扒我揀medium剛剛好，肉質好嫩。 不嬲對意大利雲吞都一般嘅我，今次食呢個黑松露口味我覺得好正喎，細細份但好滿足。而自家甜品甜度都調校得好好，口味係酒店級數，真係絕不欺場。 另外仲叫咗個燒雞漢堡配薯條，大份到嚇親我都係收緊$128，呢啲價錢喺銅鑼灣仲可以喺邊度搵？ 我想講成個餐廳嘅裝潢都非常Decent，仲要其實餐廳都有好多promotion，例如呢Ladies’ night，逢星期三女士order Main course可以免費free flow，然後星期一至三7:30前賣單有七折， OpenRice book枱又有七五折，計計埋埋$300左右已經可以食到好得體嘅美國菜！性價比咁高，真係值得再去再支持，一班朋友唔一定要幫襯連鎖店嘅！

️ 我最近造訪了一家來自日本的餐廳，名為「グリル滿天星」，餐廳除了提供和洋風料理，食物質素高，物超所值。 餐廳近日更推出極辛挑戰，總成績最快者更可獲得雙人來回東京機票及滿天星麻布十番本店晚餐免費招待。 我們一行二人惠顧了以下菜式： 1️⃣白之戀人蛋包飯配地獄辣汁（咖喱飯）$238 蛋包飯的蛋皮為蛋黃也呈白色的日本雞蛋，內部包裹著豐富的日本咖喱飯，口感豐富。咖喱的味道濃郁而香辣，正好配合著地獄辣汁的辣椒風味。 2️⃣咖喱嚴選日本雞扒飯 $188 咖喱的風味濃郁而香氣四溢，搭配著嚴選的日本雞扒，口感鮮嫩多汁。咖喱的辣度適中，不會過於辛辣，使得整道菜式更加平衡。 3️⃣雙重抹茶梳乎厘班㦸 $138 抹茶的香氣彌漫在整個班㦸上，每一口都能感受到濃郁的抹茶風味。梳乎厘班㦸的口感綿密細膩，入口即化，給人一種舌尖上的享受。 4️⃣蟹肉薯仔沙律 $108 蟹肉的鮮甜與薯仔的軟綿相互融合，搭配著清爽的沙律醬，形成了一道清新美味的沙律。 5️⃣日本蘋果汁 $48 這杯日本蘋果汁帶來了一種清新的口感。蘋果的酸甜與果汁的濃郁完美結合，每一口都能感受到新鮮水果的味道。

慶祝生日，同朋友食我至愛的燒肉放題，呢個209放題有75分鐘任飲任食，有成🔟款肉任你揀任你叫，淨係食肉都已經為番本，又豐富又好味！先黎一道新鮮沙律，打開果胃先。
🐂🐂🐂🐂🐂🐂🐂🐂🐂🐂🐂🐂🐂🐂首選大大塊🐂澳洲M7黑毛和牛，肉嫩又厚身，燒到外表深啡色，入面嫩粉紅色，漸層的顏色，由深到淺，非常吸引。 再黎呢塊🐂美國CAB 黑安格斯牛肩胛扒同様超正，牛肩胛肉質結實，好有口感，牛味越嚼越濃越嚼越香。
呢塊🐂100日大嘅澳洲穀飼100日牛扒，又嫩又軟又juicy，好易咬開，嫩牛中的極品😋

🐖🐖🐖🐖🐖🐖🐖🐖🐖🐖🐖🐖🐖🐖🐖🐷彈牙肉嫩美國黑豚舌芯，口感和味道都超級正。 🐷西班牙極豚肉，鮮甜的豬肉，新鮮又甘香，燒過之後豬的香味更隨著空氣飄散，聞到已經超香。

🐓🐓🐓🐓🐓🐓🐓🐓🐓🐓🐓🐓🐓🐓🐓
🐔美國天然無激素雞扒，大大塊雞扒，外皮燒到香脆，雞肉又滑又嫩，雙重口感，令人上癮。

旺角一帶好多日式放題店競爭都幾大，成日一堆姐姐喺樓下派傳單，有一次諗食乜時經過收到傳單見到幾吸引咗上去試吓，明明傳單寫有龍蝦但其實係冇得食，都算啦，諗住食刺身回番本，但完全係諗多咗 落第一輪單嘅時候都等咗好一段時間先來，之後加單諗住都係等返咁上下時間，點知冇咗影😞 好多放題店都用緊網上落單，但佢仲係tick紙仔，超多客人，收咗啲紙仔入去石沉大海，查詢落單又冇人理😅😅 最後2個鐘放題都等都等咗一半時間😅

牛站（駅）麻辣火鍋放題，CP值超高，我之前試過尖沙咀店，今次到訪旺角新店，感覺更寬敞舒適。尤其是喜歡自助區，比其他兩間店好似有更多選擇，更大空間夾嘢食。朋友鍾意飲酒，特登為佢訂位慶祝生日，因為呢度清酒、梅酒、啤酒任飲，鍾意飲酒嘅一大班朋友慶祝就啱哂，鍾意飲幾多酒飲幾多，開懷暢飲，好爽㗎！ 有酒飲，當然又要有肉食啦！首創台式火鍋乳鴿任食，乳鴿新鮮炸起香噴噴，皮脆肉滑又多汁，每次order半隻，真係要encore多幾次先至夠滿足。 另一邊有充滿仙氣的蔬菜、丸類自助區，旁邊有熱食小食，最受歡迎一定係小龍蝦，麻辣夠晒刺激，我見到隔籬枱情侶食完一碟又一碟，真係食到番本。 飲品區竟然有我最愛台式珍珠奶茶，飲完一杯又一杯，汽水同埋自家製冷泡茶也不錯。自助區另一個焦點就係甜品，各式甜品，又係我最喜歡嘅台灣芋圓，食咗兩小杯。 SRF肩胛肉眼 成人 $288
講咗咁耐，終於到火鍋🍲 加錢upgrade鴛鴦鍋 可以是兩款味道，正！
牛駅秘製麻辣鍋 ，BB辣 仍然濃郁，麻辣好刺激。另一半，清甜椰孑雞鍋，夠晒滋潤，配搭蔬菜特別好味，又可以食得健康。今次 SRF美國極黑和牛片 ，食到停唔到口，牛肉味道濃郁，雪花均勻，油花適中，入口即溶。極罕有手切封門柳配搭麻辣湯底，味道香濃惹味。美國安格斯牛板腱，食落牛味突出，軟嫩腍滑，口感有層次。然後再食美國牛肩胛片加其他配料，牛味濃香好食！ 朋友鍾意食海鮮，要讚吓好新鮮，鮮甜厚肉，生猛海蝦、大蜆、青口、沙艋魚、扇貝、魚肚，真係多到數唔晒！都係任食仲要唔會漏單，款式勁多！最後真係記得留返個胃，重點任食Häagen-Dazs 雪糕🍦雖然任食，我都係食咗兩杯唔同味道就夠晒數啦！總括整體性價比極高，食物質素比想像中更加好，到處都有驚喜！下次帶埋屋企人再嚟食過。

定期食下牛今期見牛陣有新搞作 夏祭蕃茄壽喜燒鍋90分鐘火鍋放題 本來以為係蕃茄湯加壽喜燒湯底 我錯了😂原來係用壽喜燒嗰隻矮身鍋 加上極度濃嘅蕃茄「湯」 用湯黎形容其實唔多啱 因為佢偏杰身，有啲似茄醬咁 先燒慶個鍋入面嘅蔬菜，再加入牛同茄湯 又幾得意，個湯帶蕃茄嗰種酸味 夏天確係開胃之選 牛就食開牛陣都知咩質素 穀飼牛滑到冇渣，大大一片超滿足 牛舌豚肉片海鮮全包 個人覺得因為個茄醬幾濃同幾杰 有時會蓋過左啲牛味 想冇咁濃可以叫人加水 牛陣個自助區就出名乾淨同refill快 甜品區勁kid friendly有得玩又有得食 有得扭下蛋，呢排仲有個拉繩抽獎遊戲 （啲獎品都幾有趣㗎🤣） 呢期仲有夏祭特別版熟食 紫薯蕃薯雙色薯條，章魚小丸子等 Häagen-Dazs雪糕任食對甜品愛好者係番本之作 個人幾鍾意牛陣啲牛質素和穩定 冇漏單，上菜快，自助區醬料區選擇多 甜品區好多嘢揀，小朋友特別興奮 一家大細食各取所需 Yoho mall嚟講幾間牛鍋我首推呢間 90分鐘講真夠晒食㗎喇

📍旺角 阿爺八鮮鍋 前幾日去咗旺角一間食海鮮火鍋任食嘅餐廳🍲地理位置方便 位於家樂坊對面！ 🍲2.5小時海鮮火鍋放題 呢一個海鮮火鍋款式包羅萬有 首先一嚟已經有一大個拼盤打頭陣 包括唔同嘅活海鮮: 海蝦，扇貝，龍蝦，鮑魚同埋蟹。另外佢會比一個menu你 可以每一次揀添八種食材！我哋就加咗聖子，生蠔，鮑魚，生魚片等等 仲叫咗牛肉 首先會上咗一個雞煲 我哋揀咗芝士雞煲 呢一種配搭非常新穎！芝士可以做到拉絲效果🧀~ 當然佢仲有好多選擇 例如墨魚滑，蝦滑！大家去嘅時候都可以睇一睇！另外飲品放題每位加$20 大家飲兩罐就回番本啦 打邊爐點可以唔飲嘢😂 佢哋而家仲新裝修咗 環境更加闊落🍁亦都更新咗餐牌！ ———— 📍旺角 阿爺八鮮鍋 地址: 旺角登打士街43H號登打士廣場3樓

呢間餐廳裝修好好，好有日本風味，廚師發板又夠晒抵食，有折之餘仲要無限追加壽司，淨係食壽司都回番本啦！ 日本海膽豆腐👏🏻豆腐同海膽混合一齊，海膽既綿滑加埋豆腐既滑溜，一啖食落肚，好軟綿綿，口感好好，又夠晒香！ 一番水雲👍🏻水雲係海帶咁，煙煙韌韌咁，酸酸地，做前菜黎講幾開胃，口感都係幾得意既！
日本菠菜✌🏻菠菜唔會煮到好熟，一條條幾清爽，加佐啲胡麻醬又好香口，酸酸咸咸，仲有啲芝麻，好味道呀！深海池魚壽司🫶🏻深海池魚既油脂非常厚，入口質感爽脆，透住淡淡鮮甜，厚切既深海池魚完全帶出佐果層次感，又嫩又鮮，魚香濃郁，口感味道都係滿分！ 真鯛壽司🫰🏻真鯛帶有清淡既魚味，魚肉都係好嫩，好鮮甜既魚肉，質感好好，有啲咬口，幾有嚼勁，係好清新既壽司！

呢間安平燒肉都有兩間分店，今日去左荃灣大鴻輝呢間，門口寫住“台灣燒肉吃到飽”，好有霸氣😂。入到去裝修好光猛，有卡位坐，勁中意佢有勁大個窗，可以飽覽荃灣景色，好開揚，令我胃口都好啲😁。佢任食燒肉套餐有分4個levels，如果喺非熱門時後黎都會有優惠價，個range大約由$268-$418，任食食120分鐘。今日我地食左個最貴既“澳洲M5和牛食到飽”（$418/人），有104款野食，佢既特色係有澳洲M5和牛，安格斯牛小排，每人送兩件嚴選牛舌芯，烤帆立貝，虎蝦，燒生蠔等等。佢呢度最特別係有好多台灣小吃同冷泡飲品可以任食任飲，唔錯！ 👍🏻佢每格燒肉都有個名牌，好清楚，唔會唔知自己食緊咩😁。 👍🏻佢澳洲M5和牛同埋嚴選牛舌芯超好食，尤其是厚切牛舌，真係超級厚切，食落十分彈口，好正！ 👍🏻另外佢既虎蝦，生蠔同帆立貝都係超新鮮超好食，食多幾隻已經回番本。 👍🏻佢呢度特色既台灣夜市小食都好多款式好特別😋😋，我尤其是中意佢個鴨舌，花枝排同埋金沙翠玉苦瓜。 👍🏻電子QRcode落單，冇漏單錯單情況。 👍🏻多款調味料，最特別有安平黃金醬（點肉類）同檸檬汁（點海鮮）。 👍🏻出面有個自助飲品同沙律吧區域，啲沙律菜都好新鮮。仲有Häagen-Dazs 雪糕食。 👍佢有好多自家製冷泡茶。今日飲左佢promotion 既薑母茶沙瓦同檸檬沙瓦，有少少酒精，飲落有汽又幾解渴！ 👍🏻肉既總類有幾十款咁多！！ 豬五花都超級juicy! 👍🏻最開心係佢最後有得揀芋圓做甜品。好好味好圓滿！

是日靚晚餐 - 很正式既三百幾蚊任食燒海鮮!! 🤩 地點: 佐敦地鐵出口行兩分鐘到，約朋友都方便，平靚正唔使穩世既 環境: 台台都有獨立抽氣，完全唔覺有油煙 飲品: 梗係啤酒汽水任飲啦!! 但係精明既我就飲無糖既麥茶, 咁咪可以食多件海鮮又唔肥! 食物: 主打梗係食海鮮啦! 話明蝦 蝦燒, 呢到D蝦係流水蝦俾你任捉, 活生生架! 重有鮑魚、大扇貝、生蠔、魚同螺等， 食一ROUND海鮮已經番本! 食肉獸既你，重有幾款腸，扒，雞翼， 肉丸，肉串等等， 食飽飽後梗係食甜品先圓滿，自製燒WAFFLE, 外脆內軟, 再加雪糕，食完我個腩好C伏