同朋友過黎聚餐 呢個嘅檯夠大 坐得舒服 環境乾淨 服務也不錯 試咗片皮鴨 真係幾正 金湯酸菜魚做緊promote好似7蚊Only 唔伏 大份 食得過 食物質素都唔錯 下次有機會再過黎食！

黎開東涌行outlet，屋企人只愛中菜，就黎試試呢間京菜～ 一入到黎環境精緻，特別欣賞佢牆上既畫作，主角鴨著上宮庭衫。 當然要嗌最出名既片皮鴨試試💁🏻‍♂️半隻片皮鴨 $268 都reasonable！ 師傅會即場片鴨（雖然距離有啲遠lol），鴨分左3個部位，鴨胸皮、鴨胸肉、鴨腿肉，分別有唔同食法！ 呢度既片皮鴨食法好新式，鴨胸皮就配爆炸糖同藍莓醬，所以感覺好似係個口入面跳舞咁！鴨皮香脆唔太油膩，醬料好特別～ 鴨胸肉配自家調配既mustard，唔會好辣，平時唔食mustard既我都覺ok!! 最後鴨腿肉傳統返！但都可以配山渣條同藍莓醬食，屋企人當然試返傳統野😂 so far好抵食，不過可以切得大塊啲😂 點心嗌左蝦餃、咸口角、奶黃包，熱辣辣上，味道中規中矩。 下次可以再試試其他傳統功夫菜～

價錢實惠既片皮鴨👍🏼我地6個人叫左一隻片皮鴨$318，有2大碟比我地👍🏼鴨皮烤到好脆香，肉質嫩滑，餅皮唔厚，少暖，蘸上甜酸醬、青瓜同蔥，口感豐富👍🏼 雞絲粉皮$68，足夠既麻醬撈埋粉皮、青瓜、雞絲，啖啖都有麻醬味👍🏼作為一個開胃小食係一個幾好既選擇 糖醋魚片$86，個炸粉有少少厚，甜酸醬既味道岩岩好，令人想食完又食 蔥爆牛肉$86，廚房落手重左，個牛肉超級鹹😂😂😂我食左一舊就冇食啦😂😂 欖菜肉鬆炒飯$76，個炒飯炒到粒粒分明，幾好食既😋但唔個點解落左三色豆一齊炒，如果冇既話應該會再好啲😂😂 鍋包肉$86，個汁幾好食但個炸醬又係太厚，唔係好食到啖啖肉既感覺😂 口水雞$78，個汁夠辣，好惹味👍🏼 蒜蓉炒大白菜$68，好香蒜蓉味，個菜好好食😋 總括嚟講，依個價錢黎依到食飯真係好抵食，而且片皮鴨質素唔差，係好食👍🏼👍🏼下次想食片皮鴨會再黎食同埋會試下其他菜式同埋甜品👍🏼

天氣開始轉熱 去東涌Outlet Shopping 行街買衫褲換季, 經過見到"羲和小館” 裝修好靚中國風，店內原來都幾大好多座位，而且寬闊還有好多卡座， 假日都有超值午餐選擇，好耐無食過片皮鴨， 可以食飽飽再慢慢再行街😍 羲和馳名烤鴨$268半份超值👍 上菜時店員好細心講得好清楚， 跳舞烤鴨有三種食法，鴨肉分3個部位切工，又用小小乾冰有出煙效果勁有feel： 1.原始食法薄餅包/甜醬汁/青瓜 2.薄餅包山楂條/紫洋蔥/莓醬 3.蘸上秘製芥末醬，唔辣小甜小酸好惹味， 鴨肉香濃肉質嫩滑， 鴨皮燒得酥脆不油膩， 咬一口油脂勁香爆到全口都是油香味， 份量都勁多， 無論用什麼方法食， 都超級好味👍 加 $88 籠仔櫻花蝦海味蒸飯 魷魚/蝦米/海味， 放在預先炒飯上， 下面放有荷葉 一齊蒸精華香味溶入飯中， 好好味， 羲和蝦餃皇 用精緻方型蒸籠上菜， 大大粒皮薄蝦肉鮮甜爽口， 鮮蝦燒賣 混合豬肉蝦餃好好味，

早前同家人去東薈城名店倉行街，見到呢間門面裝修好精緻嘅「羲和小館」，就決定試下。 餐廳主打片皮鴨，當然有好多鴨嘅畫啦！ 當日我地雖然四個人，但較早前行街嘅時候食左少少下午茶唔太餓嘅關係，就決定唔洗叫四人餐，而係叫個二人餐，再加$260 叫多一碗湯、一份主食、一份主菜同埋一份甜品一齊share！ 套餐選擇頗多，以下係我認為好值得推薦嘅菜色： 「半套片皮鴨」：店員喺我地面前即時片，睇見都流口水！唔同部位點唔同醬，各有特色！ 「老上海熏魚」：每舊都炸到外脆內軟，外層嘅甜酸醬好惹味！ 「鮑魚雞粒燜飯」：炒飯唔會太油，米飯粒粒分明，而且非常香！最正係雞肉同鮑魚粒都頗多頗足料！ 「櫻花蝦海味蒸飯」：賣相好吸引，荷葉香滲曬入飯度，配料嘅魷魚都幾爽口。 「孜然羊架」：油香味十足，而且煎得啱啱好，肉質仍然好juicy！ 「煙燻叉燒皇」：店員一打開蓋啲煙燻即刻湧出，成個presentation好fancy！叉燒肥瘦啱啱好，煙燻味令啲叉燒味道更加有層次！正！ 「芒果布丁」：造型好可愛，味道亦好好！芒果肉都幾多，而且好甜！

繼續觀塘好西系列 發掘左咁多野 系時候輪到中菜 盈苑有個孖寶套餐 有龍蝦 片皮鴨 乳豬簡 睇落吸引🥳 🦆京式片皮鴨二食 $198 🔸️片皮鴨 有好多塊 夠3至4人用 幾脆身 油脂豐富 帶少少肉 餅皮新鮮蒸好 熱辣辣 配埋京醬 青瓜絲 大蔥 非常滋味😋 🔸️醬皇茄子炆鴨件 茄子好腍 醬汁惹味 呢個價錢有成隻鴨 再做兩食 真系幾抵🤑 🍛揚州炒飯 $118 飯炒得乾身 入面有翠玉瓜 蝦仁 叉燒粒 蛋 好足料👏🏼 🥬金銀蛋上湯浸時蔬 $88 簡左白菜仔 一次過食到皮蛋同鹹蛋 高湯冇味精 💭 餐廳坐位寛落舒適 食物質素都吾錯 種類又多 午市仲有點心

本來想私心收藏的吃晚飯地點， 但今晚見到整間酒樓只有五枱客， 很害怕他們會捱不住，所以分享給大家😜 環境： 樓底高枱與枱之間疏落有序，中式古雅夾日式庭園裝飾，洗手間也很整潔。 服務： 細心體貼地在旁觀察客人需要，或換碟或加水，上例湯上粥品都分好一份份，慢慢遞給客人，上片皮鴨時細分切割擺盤精美，不徐不疾的把鴨肉連皮放好。 食物：#片皮鴨必食，皮香夾脆肉質細膩。 #頭抽煎花蝦 入味而不會太咸，蝦肉鮮甜比龍蝦肉更爽脆， 價錢：我們點了一個小菜套餐，片皮鴨二食，再加一個蠔仔粥，人均二百多，捧著肚子滿足的走。推薦晚市自選套餐，老火例湯加三款小菜才$428 （見附圖）

同朋友行完山，然後就去東涌東薈城食晚餐 大家又想食片皮鴨，所以就揀咗呢間！ 餐牌有好多選擇，仲有套餐 我地就散叫，2個人叫咗半隻烤鴨、海膽金沙豆腐、北京小丸子 餐廳環境幾靚，坐得好舒服 羲和馳名烤鴨(半隻) （$268） 師傅會係附近即場表演片皮鴨，手法純熟，乾淨俐落 片皮鴨會分為3小碟，每碟有不同嘅食法 侍應亦會介紹片皮鴨嘅建議食法 八寶盒同薄餅，盒內有不同嘅醬料，有青瓜條，京蔥絲，甜麵醬，紫洋蔥、藍莓醬，山渣條、爆炸糖、芥末醬 第1碟烤鴨皮😁 烤得好脆，充滿住油香， 沾藍莓醬加爆炸糖，口感好豐富特別 第2碟烤鴨胸肉 外皮好香脆，肉質好嫩，煙靭彈牙 第3碟鴨髀肉😋 髀肉肥瘦均勻，肉質嫩滑，外皮烤到好香脆，我較喜歡包薄餅食，加入青瓜條，京蔥絲，甜麵醬，好食 海膽金沙豆腐（$168）🥰 份量好大，一大鍋 海膽金沙色澤好靚，金黃色，豆腐好嫩滑， 配飯一流 北京小丸子（$108）😚 外皮都幾香脆，肉質Juicy ， 配上芥末醬，味道幾夾

好似好耐都冇食片皮鴨，咁啱同朋友傾開佢就提意，尖沙咀既羲和雅苑好唔錯，仲可以有海景睇，係夜晚食飯一大享受，所以今晚就決定黎食下。 呢度環境真係好唔錯，環境靚，服務又好，今晚仲睇埋幻彩詠香江，好開心。 預先我地就叫左半隻片皮鴨先，其他野都可以慢慢睇。 佢既鴨竟然仲有食法教學。 師傅分左3個部分切，有只係脆皮，可以就咁食，有少少連肉既，可以用薄皮包住配芥未醬，之後係肉多既部分就可以再加多啲配料，仲有爆炸糖㖭，真係好新奇。而且佢既鴨都好皮脆肉嫩，同以前食既又真係幾唔同，好食。 跟住又叫左幾個特色菜，酥皮酸辣湯，芥未沙律蝦球，北京丸子，都真係幾新奇幾意外，好值得試。 仲有擺盤好靚既蒜茸粉絲蒸娃娃菜，同傳統既小籠包。 而最後亮點係彩虹湯圓配薑茶同椰香芋圓紫米露。 看似普通，但又真係好特別。 2款甜品都好香，份量又剛剛好，食完成餐都圓滿晒。

我和阿女在荃灣海之戀逛商場，之後在商場2樓的老掌櫃東北菜館共享一頓晚飯。 我們點了一些招牌菜品來享用。首先是北京填鴨，我們只點了半隻~$168。鴨肉鮮嫩多汁，皮脆肉嫩，十分美味。 我點再了四川擔擔麵s48。這是一道辣味濃郁的面食，搭配特殊的辣椒醬和花生碎，給人一種獨特的風味體驗。 阿女點了羊肉常湯麵~$54。濃郁的湯汁和嫩滑的麵條，配上鮮嫩的羊肉片，非常美味。 最後，我們享用了兩件高力豆沙~$26。這是一種傳統的中式甜點，外皮酥脆，內餡甜美，非常適合作為一餐的結尾。 在老掌櫃東北菜館共享這頓晚飯，我們品嚐到了地道的東北菜風味，享受了美食帶來的愉悅。

上星期紅日去咗東涌outlet shopping🥹 行咗半日夜晚想食中菜 就去咗呢間食片皮鴨！ 有非常抵食嘅套餐 春季自選套餐兩位$788 重點當然係半隻馳名烤鴨加八寶盒🤤 烤鴨有三種唔同部位 配搭返建議食法，新穎又好味！ 比較喜歡點芥末醬，中和返鴨皮少少油膩感 就咁食都非常好食！ 另外都非常鍾意黃扒魚肚同松露海皇羹😋 非常推薦既籠仔櫻花蝦海味蒸飯！ 超級好食，唔同嘅海味令香味同味道都超級豐富！ 食埋甜品楊枝甘露，非常完美！

作為片皮鴨嘅瘋狂愛好者 真係食極都唔會厭架 呢晚帶屋企人去食 個個都話好滿意 廚師會喺你面前即場切片皮鴨 見到都流晒口水 顏色好靚 色香味俱全 油脂分布均勻 食落口香氣撲鼻 片皮鴨肉質嫩滑 八寶盒分新式或傳統食法 傳統嘅有青瓜條、京蔥醬、甜麵醬 新式有山楂條、洋蔥、藍莓醬 2款食法都非常好食 燒羊架 火候剛剛好 大大件 外脆內嫩 肥瘦參半 入面鎖住咗肉汁 食落去完全唔會乾或鞋 肉食獸食完好有滿足感 芥末沙律蝦球 擺盤好有心機好靚 蝦球下面墊咗蝦片 中間有一層芥末沙律醬 蝦球炸得好香脆 顏色金黃 醬汁好juicy好好食 小籠包 上枱仲係熱辣辣 皮薄餡靚 入面湯汁會湧出嚟 甜品要咗2款 燕窩紫薯蒸蛋白 好新穎好特別嘅combination 燕窩夠滋補 紫薯同蛋白好滑 椰香芋圓紫米露 椰汁好香 加埋芋圓煙煙韌韌 甜度適中 perfect ending! 非常enjoyable嘅一餐❤️

人到中年就會想生活得比較養生，清清淡淡又一餐，今日就去食原條叉燒、南澳龍蝦炒奶奶🦞、片皮鴨(原隻)同茶香雞
除咗肉肉，要飲食均衡，梗係要有菜 - 炒白蘆筍同肉碎炒生菜中同碳水 - 蟹肉炸米湯飯，
甜品就以芝麻糕終結，但係餐廳好窩心驚我哋唔夠飽，所以送咗兩碗桃膠糖水，利申返呢四個人嘅份量😗

原條叉燒好好味，切好上，肥瘦均勻，一啖肥膏一啖肉，就好比一啖砂糖一啖屎，正👍燶邊仲有好濃郁嘅蜜糖味，震驚味蕾🍯

南澳龍蝦炒奶奶係最好味嘅菜，下單之後佢會show俾你睇佢捉咗邊隻龍蝦 (等我哋為龍蝦佳麗默哀1分鐘🦞🥺🙇‍♀️)
佢係一個中西合璧嘅fusion菜，佢有少少似大良炒鮮奶嗰啲鮮奶，奶味濃郁非常嫩滑，完全冇蘇味，炒埋爽脆新鮮嘅南澳龍蝦，一拍即合😋其實佢仲有另一個整法係跟淮山麵，但係我就想特別啲試吓侍應提議嘅炒「奶奶」做法😋

片皮鴨原隻上，侍應好貼心俾我哋影相先至「行刑」，留意番原隻片皮鴨只係包鴨皮，而肉佢會係拎返走。片皮鴨非常酥脆，奈何由於油脂太多，所以食落好漏，食幾塊個腸胃已經頂唔順，所以最好有多啲人share一齊食會比較好，片皮鴨一定要新鮮食，如果唔想晒留返聽日叮返嚟食就會出晒油，最後又送入垃圾桶㗎啦🦆

茶香雞🐓非常出色，遠遠已經聞到茶香嘅味道，成道菜好有心思，打開個蓋嘅時候有一道煙出來，好有迷離嘅感覺簡直係藝術與食物嘅融合，蘋果木香已經滲入雞皮，雖然我平時唔食雞皮，但係我今次都破例將雞皮全部食晒，而且佢口感清爽，一啲都唔油膩👍

我反而覺得肉碎炒生菜比鑊仔炒白蘆筍好食，白蘆筍平時好少喺中菜裏面見到，呢個fusion算係做得幾好味，佢冇啲肉粒吊味，識落有啲寡。但肉碎炒生菜更出色，佢用平時食煲仔飯嘅煲仔裝住，好有鑊氣，而且肉碎將生菜味道提升，色香味俱全👍

蟹肉脆米湯飯🦀稍為普通少少，中規中矩好似平時嘅湯飯咁加少少新鮮蟹肉，個湯味道濃郁，而且食完之後都冇特別口渴，但係脆米比較少，四個人只有一小瓶share，有少少到喉唔到肺😶‍🌫️

芝麻糕好有特色，佢嘅形狀係兩隻石獅子🦁，好多時出面啲甜品好睇唔好食，但今次唔係，睇得又食得，石獅子非常精緻，食落亦有淡淡芝麻香🤤

值得一讚喺呢度嘅服務好殷勤，第一次食唔係好熟架步，侍應好耐心咁介紹菜式，而且亦會推介啲特色嘅Fusion煮法，如果香港間間嘅餐廳都有咁嘅服務態度，我諗應該唔會好似而家咁「生意好啊！」

最後餐廳亦好貼心地為我哋送上桃膠糖水作為總結，材料亦唔馬虎，淡淡桃膠之餘亦有桂元、紅棗點綴，只係甜咗少少🤏

餐廳裝修高雅，配合專業嘅侍應同高質素嘅食物，簡直係我哋香港餐廳嘅榜樣
整體質素：9.5/10 （其實想比滿分💯）

東涌中菜館食片皮鴨 馳名烤鴨（半隻） $268 兩個人食半隻就岩岩好 價錢已經包括百寶盒同薄餅 師傅會係隔離現場切烤鴨並分為三道鴨肉 枱上都有容器幫烤鴨保溫去減慢變凍嘅速度！ 1️⃣鴨胸皮 勁脆勁香酥充滿油香～ 建議先蘸藍莓醬再蘸爆炸糖 2️⃣鴨胸肉 皮脆肉嫩 蘸上秘制芥未醬 酸中帶點甜同時解膩 3️⃣鴨腿肉 可以包薄餅一齊食啦～ 我就比較中意傳統食法：包薄餅再加入青瓜條 京蔥絲 同甜麵醬一齊食好惹味！ 乾鍋菜花 $107 一上枱已經勁香 椰菜花再配上啲碎肉 食落充滿鑊氣又夠香辣 啲汁撈飯一流！ 京式小籠包/4個 $68 一口小籠包咬落勁juicy! 宮廷紅豆糕/4件 $38 紅豆蓉磨得好滑 入口即化！ 薑茶芝麻湯圓（2粒） $48 暖到入心再配大大粒湯圓 絲苗白飯 $15 茶位 $12/位 加一服務費 羲和小館 (東涌) 東涌達東路20號東薈城名店倉4樓417號舖

📍姚姚酸菜魚 (港威商場) (尖沙咀) 尖沙咀廣東道3-27號海港城港威商場2樓2307號舖 好驚喜呀😌😌 一個人都可以食到超正北京烤鴨 🥰 位於海港城嘅姚姚酸菜魚 餐廳光鮮企理🫶🏻🫶🏻 餐牌有多種料理選擇🤓🤓 其中最吸睛就係北京烤鴨 😙😙 二話不說就鎖定目標 ✌🏻✌🏻 北京烤鴨 新鮮熱辣、皮脆，滿滿嘅鴨油香 😍😍 配埋青瓜、青蔥、蘿蔔中和油脂感和口感🥳🥳 再配上醬汁和砂糖，非常好味，推薦 👍🏻👍🏻 片皮鴨二食 孜然椒鹽鴨架 少少椒鹽加孜然味 ，唔會好鹹 鍾意食骨嘅，你會好啱 🤪🤪 麻辣香鍋 作為一個想食辣嘢又想健康嘅人 🫣🫣 餐廳可以俾你選擇小麻、小鹽、少油、小辣！非常貼心 😎😎 要求廚師全部都有做到😆😆 配料方面叫咗巴掌肥牛、芝士豆腐、蓮藕片、魔芋結、寬薯粉條 芝士豆腐外面辣辣地口感彈牙留心芝士甜甜地中和辣度 😝😝 魔芋 、寬薯粉條 非常吸味 辣得過癮 🤪🤪 甜品 - 彩虹烏龍粉冰 賣相非常吸引🤩🤩 有好多唔同嘅配料 撈埋一齊食口感豐富，味道多層次 😋😋 又清新 而且瞬間解辣 ，解辣一流 ✌🏻✌🏻